Genesis 17 سے مشہور بائبلی آیات

شئیر

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne ROIá꞉NER wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Iáh ó꞉nen Abram thaonsaiesaiátsheke, nók Abraham, asè꞉ken waʼkonión꞉nien í꞉se ne kaʼníhsera enhsá꞉ton ne iakotiohkowá꞉nen onkwehshón꞉ʼa.

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

“Nok Ní꞉ʼi ne kí꞉ken nakaterihwahseronniáhtshera tsi naʼtetiátere: wakahrhá꞉ratste í꞉se ne kahsótshera enhsá꞉ton tsi niaʼteiakaonhontsákes nonkwehshón꞉ʼahs.

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”

Ne Rawenni꞉io wahawènhase ne Abraham, “Iáh ó꞉nen tetsó꞉wenk ne tesení꞉teron Sarai aonsashenaʼtónhkwake: ken ienwatáhsawen Sarah entsontatiátsheke.

Ken ienwatáhsawen ó꞉nenk tsi ensewateʼwahrakwé꞉taron kwáh ratikwé꞉kon ne owirá꞉ʼahs rotiskenʼrakéte nónen shaʼté꞉kon nónta nenthotí꞉ionke, thóh rahtihiá꞉tare ne ratináhskwas ne sewanonhskónhsonʼs ronennakerá꞉ton óni né ratináhskwaʼs ne ronwatiiá꞉tahninónnion né thihonnonhontsá꞉teʼs. Né kíʼ꞉ken enweʼnéhstahkwe tsi ká꞉ien naterihwahseronniáhtshera tsi naʼtetiátere.

Ók enkerihwaní꞉rate nakaterihwahseronniáhtshera skát꞉ne ne Isaac, tsi niká꞉ien né Sarah eniowiraién꞉taʼne ne sarihwá꞉ke né꞉ne tsi nón꞉wa niwathá꞉wi né ientsóhserate.”

Ken ienwatáhsawen ó꞉nenk tsi ensewateʼwahrakwé꞉taron kwáh ratikwé꞉kon ne owirá꞉ʼahs rotiskenʼrakéte nónen shaʼté꞉kon nónta nenthotí꞉ionke, thóh rahtihiá꞉tare ne ratináhskwas ne sewanonhskónhsonʼs ronennakerá꞉ton óni né ratináhskwaʼs ne ronwatiiá꞉tahninónnion né thihonnonhontsá꞉teʼs. Né kíʼ꞉ken enweʼnéhstahkwe tsi ká꞉ien naterihwahseronniáhtshera tsi naʼtetiátere. Tetsá꞉ron ne sanónhskon ronennakerá꞉ton tánon né rónwatiiaʼtahní꞉non né sahwísta wáston, ó꞉nenk tsi enhonwatiʼwahrakwé꞉taron. Ne ká꞉ti nakaterihwahseronniáhtshera sawahrónhne nón꞉we neniotatén꞉ronke né꞉ne tsi nén꞉we enkénhake.