1. Mose 6 سے مشہور بائبلی آیات

شئیر

Un daut deed Gott leet, daut hee däm Mensch oppe Ieed jemoakt haud, un daut deed am en sienem Hoaten wee.

Un Gott sach, daut de Menschen äare Boosheit groot oppe Ieed wia un aulet Sennen un Jedanken en sienem Hoaten däm gaunzen Dach blooss bees es.

Oba Noah funk Jnod enne Uagen Gottes.

Dit es daut Jeschlajcht Noah: Noah wia een jerajchta, vollkomna Maun unja siene Metmenschen; Noah waundeld met Gott.

Un Gott säd: Ekj well däm Mensch, däm ekj jeschaufen ha, vom Ieedboddem vetiljen, vom Mensch bat toom Vee, bat de Krupende un bat de Väajel unjrem Himmel; dan daut deit mie leet, daut ekj an jemoakt ha.

Un daut passieed, aus de Menschen sikj oppem Ieedboddem vemieeden, un an Dajchta jebuaren worden, doa sagen de Säns Gottes, daut de Dajchta de Menschen scheen wieren, un see neemen sikj dee too Frues, dee see wullen. Un Gott säd: Mien Jeist saul nich eewich met däm Mensch rechten, doa hee doch Fleesch es; un siene Doag sent 120 Joa. Aun jane Doag wieren Riesen oppe Ieed, un uk nohäa, aus de Säns Gottes no de Dajchta de Menschen enjinjen un dise an jebäade. Daut sent de Helden, dee vonne oole Tieden häa wieren, de Mana von Riem jewast sent.

Un Noah deed daut; no aulem, waut Gott am befoolen haud, aulsoo deed hee.

Un Gott säd to Noah: Daut Enj von aulem Fleesch es ver mie jekomen; dan de Ieed es voll Jewault derch an; un kjikj, ekj well ar met de Ieed vedoawen.

Moak die eene Arche von Gofaholt; met Komasch saust du de Arche moaken un dee von bennen un von buten met Pekj vepekje.

Un Gott sach de Ieed, un kjikj, dee wia vedorwen; dan aulet Fleesch haud sien Wajch oppe Ieed vedorwen.

Un von aulem Läwendjen, von aulem Fleesch, twee von aule saust du enne Arche brinjen, om dee met die aum Läwen too erholen; een Menlichet (hee) un eene Frulich (see) sellen see sennen.