Yɔhánɛsɛ 15 سے مشہور بائبلی آیات

شئیر

Mɛaŋɔ́á mɛ lɛ́á hɛlɛ́álɛ́á, bənú, mɛlɛ́áfɛ. Wɛ́ɛ́yɛ́ ɔwá a lɛ́á ɔ bɔlatɔ́ na mɛaŋɔ́á ɛ́sɛ́á mɛ lɛ́á ɔ bɔlatɔ́ na wɛɛ́ya, a ŋɔ tɔtámátámá hákɛna tuəŋí bɔkɔasɛ́á, ɛŋaná mɛaŋɔ́á nɔ sa ósó ɔkɛa ata bɔkɔa.

Nɔ́ bámɛ́nɛ́na ɔ bɔlatɔ́ na mɛaŋɔ́á ɛ́sɛ́á mɛ lɛ́á ɔ bɔlatɔ́ na bənú. Mɔlɛ́áfɛ wɔ́ sá ósó ɔ tɔtámátámá ɔháá bɛ́múɛ́tɛ́ ɛ́bá wɔ́ lɛ bá ɔ bɔlatɔ́ na hɛlɛ́álɛ́á, hɔ́ánánátɔ́ nɔ sa ósó ɔ tɔtámátámá ɔháá ábá nɔ lɛ bá ɔ bɔlatɔ́ na mɛaŋɔ́á.

Ábá nɔ lɛa ɔ bɔlatɔ́ na mɛaŋɔ́á, ábá nɔ ndɔ bɛ́ámɛ́á bɛtambá tə́tə́niə, nɔ́ batá ata yatɛ́ ɔyɛ́á nɔ ndɔ hikiə, nɔ ŋɔ kusənə.

Tátá bənú nɔ́ ná mɛaŋɔ́á tɛfa, mba, mɛaŋɔ́á ɔbánɔ́ mɛ́ ná bənú tɛfa, mɛ ná bənú bɔsɔ́ma índíə́ ɔkɛaka ɔwá nɔ tɔtámátámá hákɛ́na, tɔtámátámá ɔtɔ́á tɔ́ ŋɔ bámɛnɛna. Nɔ́yɛ́, yamɛ́á Isə́ a ŋɔ bənú índiə bikimə ɔbɛ́á nɔ ŋɔ wɛɛ́ya bata ɔ ɔwámɛ niínyə.

Nibo nɛŋɛ́ŋa nɛ́ yáyɛ́nánátɔ́ ɔnɛ́á mɔndɔ a ósó uwinə́niə, ɔ́ bɔ́áyɛ́á buɔmɔ́ uwíndiə ɛlɔ́áyɛ́ bɛ́áyɛ́á bɛŋgɔ́áyɛ́.

Mɛlɛ́áfɛ mikimə ɔyɛ́á yɛ́ lɛ́á tɔsɛ́nátɔ́ ɔ ɔwámɛ mbá yɛ́ lɛ ndɔ tɔtámátámá háá, a miítə fáláka. Mɛlɛ́áfɛ ɔyɛ́á yɛ́ ndɔ tɔtámátámá háá, a miítə anjakɛna ɔkɛaka ɔwá yɛ́ hákɛ́na ɔ ɔyáyɛ́na.

Ɔ́ wə́míə́ umbə́ndə́ wúuwu: Nɔ́ hikə́kə́níə́ bənú na bənú ɛ́sɛ́á mɛ ná bənú híkə́kíə́.

Nɔ́ tɔtámátámá hákɛ́ná tuəŋí, nɔ́yɛ́, nɔ ŋɔ báá bámɛ́á bɔkɔ́nɛna. Əlimə yɛ nɔ́yɛ́ nɔ ŋɔ tuúmə tɔ́ yamɛ́á Isə́ ínə́niə.

«Mɛaŋɔ́á mɛ lɛ́á tiísi yɛ hɛlɛ́álɛ́á hɛ́ tɔtámátámá, yamɛ́á Isə́ a lɛa mɔnyɔɔ.

Wɛ́ɛ́yɛ́ ɔwá a lɛ bá ɔ bɔlatɔ́ na mɛaŋɔ́á, bá ŋɔ wɛɛ́ya omboko ɔ níə́lətíə́, ɛ́sɛ́á mɛlɛ́áfɛ mɛkɔ́tákánɔ́, bá miítə bátáka, bá miítə əmbəkinə ɔ hiwə, yɛ́ titəkə.

«Mɛ ná bənú hɔ́kɛ́na nɔ́yɛ́ ɔkɛaka ɔwá nɛ́ámɛ́á nɛhɔnɔ nɛ́ báá na bənú, ɔkɛaka ɔwá níə́núə́ nɛhɔnɔ tɔ́na nɛ́ báá úndúə́tɔ.

Ábá nɔ ndɔ yə́míə́ imbə́ndə́ tə́tə́niə, nɔ ŋɔ bámɛnɛna ətíə́ yɛ nɛ́ámɛ́á nibo, ɛ́sɛ́á mɛ ná imbə́ndə́ yɛ́ yamɛ́á Isə́ tə́tə́niə, mɛ báka ətíə́ yɛ nɛ́áyɛ́á nibo.»

Mɛ ndɔ bənú lɛna ɔwá, nɔ hikə́kə́níə́ bənú na bənú.»

Ata nɔ bámɛnɛna bá misí, há misí yɛ́ ndɔ bənú hikiə, mba, nɔ lɛ bá bá misí mɛaŋɔ́á, mɛ́ ná bənú tɛfa, mɛ ná bənú húlíə́ ɔ ətíə́ yɛ bɛndɔ, nɔ́yɛ́, nɔ lɛ bá tɔ́na bá misí, ɔ́ ɛlɔ́áyɛ́ nɔ́yɛ́ misí yɛ́ ndɔ bənú bánya.