Matíó 5 سے مشہور بائبلی آیات

شئیر

Abáka bá lɛ itiəkətiəkə tíə́ ɔkɛaka ɔwá bá yɛɛ́ta háá ɔ ɛlɔŋgá nuúmə́. Mba, ikúílí bá ná yɛɛ́ta tíə́, bá tála ɔ ɛtáka ɔkɛaka ɔwá, yɛ́ bɛndɔ bəkimə nɔmákɛ́na ɔbá bá lɛ́á ɔ miímə. Hɔ́ánánátɔ́, yə́núə́ isəmú yɛ́ nɔmáká ɔ busíə́ bɔ́ bɛndɔ ɔkɛaka ɔwá, bá bíə́núə́ biolí bɛɛsɛ siəkínə mbá bá yənúə́ Isə́ ɔwá a lɛ́á ɔ nɔɔ́mɛná tuúmə híə́níníə́.»

«Nɔ lɛa isəmú yɛ́ misí. Bətínə́ ɔyɛ́á bá ná lúmə́kə́ ɔ ɔmáá ɔmbáŋá, ɛbáka yɛ́ lɛ bitimə.

Nɛhɔnɔ na bááyɛ́ ɔbá bá lɛ́á na mɛlɛ́má naŋátɔ: Bá ŋɔ Huɛlɛ́ siəkinə.

Nɛhɔnɔ na bááyɛ́ ɔbá bá lɛ́á mɛtaná na ilókí ɛlɔ́áyɛ́ taká: Huɛlɛ́ a ŋɔ bəə́bu íyə́siə.

Mba ɔwámɛ, mɛ ndɔ bənú lɛna ɔwá: Nɔ bə́núə́ bəbəŋiə hikə́kíə́, nɔ bɛ́kálákɛ́ná ɛlɔ́áyɛ́ bááyɛ́ ɔbá bá ndɔ bənú təkəsə.

«Nɛhɔnɔ na tɔtɔyɔ́nɔ́ tɔ́ mɛlɛ́má: Nɛmanɛna nɛ́ Nɔɔ́mɛná nɛ́ lɛa níə́bu!

Nɛhɔnɔ na bááyɛ́ ɔbá bá ndɔ nyɔɔ ɛlɔ́áyɛ́ bumbə́nú: Huɛlɛ́ a ŋɔ bəə́bu ɛ́lɛakɛnɛna báyɛ́á baná.

Nɛhɔnɔ na bɛbɔ́yɛ́: Bá ŋɔ misí yɛ́ nɛkaka kusənə.

Nɛhɔnɔ na bááyɛ́ ɔbá ba ndɔ təkəsə ɛlɔ́áyɛ́ taká, Nɛmanɛna nɛ́ Nɔɔ́mɛná nɛ́ lɛa níə́bu.

Nɛhɔnɔ na bíwə́mɛɛ́lɔ: Bá ŋɔ iwə́mɛɛ́lɔ kusənə.

Nɛhɔnɔ na bənú ábá bá ndɔ bənú kɔ́ba, bá ndɔ bənú təkəsə, bá ndɔ bənú ɛnya yɛ bɛkɔa bɛbɛ́á kanjɛna ɛlɔ́áyɛ́ ámɛ. Nɔ́ bilənəkə, nɔ́ tiakáláká bɔkɔasɛ́á, wə́núə́ mɔsábɔ́náná wɔ́ ŋɔ bá mɔŋɛ́ŋa ɔ nɔɔ́mɛná, nɔ́yɛ́ bá ná bə́núə́ bɔhɛ́nátɔtányɛ́ bə́búsíə́ tə́kə́sə́kə.»

Nɛhɔnɔ na bááyɛ́ ɔbá bá ndɔ lɛla: Huɛlɛ́ a ŋɔ bə́əbu kokolokiniə.

«Nɔ lɛa ibusə́ yɛ́ misí. Ɛ́bá ibusə́ yɛ́ ná sɔnɔ́á nəníə́ yɛ́ óso tɔ́na ɔhíána ibusə́ əə́? Yɛ́ lɛ báá tɔ́na yɛ́ ɔ́kɛna ɔ bɔkɔa; yɛ́ lɛa ɔwá bá yɛɛ́ta ombóko, bɛndɔ bá yɛɛ́ta tafáka.»

Nɔ́ bámɛ́nɛ́ná bátaká ɛŋaná hɛkabalɛ ɛ́sɛ́á yənúə́ Isə́ ɔ nɔɔ́mɛná a lɛ́á bátaká ɛŋaná hɛkabalɛ.»

Ikúílí ɔyɛ́á nɔ ndɔ hɔ́ɔ́, yə́núə́ ɛtambá yɛ́ bámɛ́nɛ́ná ɛ́ɛ! Ata bóo! Bikimə ɔbɛ́á bɛ́ ndɔ bɛ́kɔnda, á Mɔŋɛ́na a ndɔ húlə́nə.

Nɔ ka ɔ́kɔ́kɛna umbə́ndə́ wɔ́ ndɔ laa wɔ́ sɛ́á: «Ɔ́ nɛ́ámɛ́á niísə sáná, mɛ nɛ́áwɔ sána, ɔ́ nɛ́ámɛ́á niínyə nɔkɔ́, mɛ nɛ́áwɔ nɔkɔ.» Mba ɔwámɛ, mɛ ndɔ bənú lɛna ɔwá, nɔ lɛ bífúnə́ ɔwɔŋgɔkɔnɔ wɛ́ɛ́yɛ́ ɔwá a ndɔ bənú bɔbɛ́á kɛa. Ábá mɔndɔ a ná aŋɔ́á sáná na ɔmɔ́lɛ́ ɔ bɔlɔ́ŋɔ́lɔ́ŋɔ́ bɔ́ bɛnɔ́mɛ, ínə́níə́ wɛɛ́ya tɔ́na bɔ́ biəní.

Ábá nɛ́áwɔ́á niísə nɛ́ ɛsalɛ yɛ́ bɛnɔ́mɛ nɛ́ ndɔ aŋɔ́á kuəsiə ɔ bɔbɛ́á, lalɔ́ná nɛɛ́ta, ombókó nɛɛ́ta hata na aŋɔ́á: Yɛ lɛa mɔsɛ́ŋɛ́ ɛlɔ́áyɛ́ áwɔ ɔwá, yɛ́mɔtɛ́ ɛláŋa yɛ́ yawɔ́á mɛɛ́lɔ yɛ́ nyɔ́áká yáyɛ́ná ɔwá, bá aŋɔ́á ə́mbínə aŋɔ́á mukimə ɔ hianyaka hɛ́ hiwə. Ábá wə́wúə́ mɔkátá wɔ́ bɛnɔ́mɛ wɔ́ ndɔ aŋɔ́á kuəsiə ɔ bɔbɛ́á, sɔ́mbá muítə, ombókó muítə hata na aŋɔ́á, ɔ taká, yɛ́ lɛa mɔsɛ́ŋɛ́ ɛlɔ́áyɛ́ áwɔ ɔwá, yɛ́mɔtɛ́ ɛláŋa yɛ́ yáwɔ́á mɛɛ́lɔ yɛ́ nyɔ́áká yáyɛ́na ɔwá, ɔ fínə́ aŋɔ́á mukimə ɔ hianyaka hɛ́ hiwə.»