Génesis 21 سے مشہور بائبلی آیات

شئیر

Abrahamta TAYTA DIOS promitishqannölami Sara qeshyaq rikakurqan.

Ismael waqashqanta mayarmi Tayta Diospa angilnin jana patsapita qayakamur kayno nirqan: <<¿Imataq pasaykäshunki, Agar? Ama mantsakamaytsu. Tayta Diosmi mayashqa wawayki waqaykashqanta. Kutiykur wawaykita shoqashpayki ama kachaynatsu. Paytapis juk nación rikakunanyaq mirananpaqmi yanapashaq>>.

Abraham awkinna kaykaptinpis Tayta Dios jitapashqan killachömi olqu wamrata Sara wachakurqan.

Tsaypitana Sara kayno nirqan: <<Wawayuq kanäpaq Tayta Dios wilamaptinmi asikurqä. Wakin runakunapis wawayuq kashqäta musyarmi kushikur asikärinqa.

Tsawraqa Abrahamta Tayta Dios kayno nirqan: <<Tsuriki Ismaelpaq y ashmayniki warmipaqqa ama lakikuytsu. Qamta promitishqäqa tsuriki Isaacpaq y paypita miraqkunapaqmi kaykan. Tsayno kaykaptinqa Sara nishushqaykita ruray.

Ashmaynikipa wawan Ismaeltapis tsuriki kaptinmi yanapashaq. Tsaymi atskaman mirar jatun nación rikakunqa>>.