KUPUTUKA 6 سے مشہور بائبلی آیات

شئیر

Yehova apihililile mwomwo ate­ngele vatu hamavu, kaha alinyengele mumucima wenyi.

Yehova amwene kupuya cavatu ngwenyi, cinatoho cikuma hamavu, ngwenyi, Kujina cavixinganyeka vyamicima yavo cosena cinapihi lika makumbi osena.

Oloze Nowa awanyine likoji ku­meso aYehova.

Eci cikiko kusemunwina caNowa. Nowa apwile muka-kwoloka, ikiye wakulonga muli vaka-myaka yenyi. Nowa atambukilenga naKalunga.

Yehova alyambile ngwenyi, Nangunongesa vatu ngunatenge kwilu lyamavu, navatu natunyama, na­vaka-kuhalala, natujila vahelu, mwo­mwo ngunapihililomu ngwavatengele, xikaho.

Jino casolokele, omu vaputukile vatu kuvula kwilu lyamavu, omu vasemene vana vavo vamapwevo, kaha vana vaKalunga hivamwene vana vavatu vamapwevo ngwavo, vanawahe, kaha vambacile mapwevo vosena vaze vasakwile. Yehova ambile ngwenyi, Xipilitu yami kexi kuxinjila vatu haya myaka yosena ko, mwomwo vakivo vanapu vakweci mijimba yanyama. Oloze makumbi avo nawakaheta mumyaka likulukaji namakumi avali. Makumbi aze hamavu hapwile vatu vakutaluka cikuma, nahakukumisa makumbi aze nawa, haze vengi­lile vana vaKalunga muli vana vavatu vamapwevo, kaha vasemene navo Vana, vakivo vapwile vindume vaze vapwileko kuxikulu, vatu vapuho.

Mukiko vene mwalingile Nowa, nge kutesa namwosenomwo vamu­lwezele kuli Kalunga, ngoco mwali­ngile.

Kaha Kalunga ambile kuli Nowa ngwenyi, Ngunajinyi kuvalalisa vatu vosena, mwomwo hali vakivo ha­mavu hosena hali ulyanyi lika, kaha tala, nangukavanongesa namavu ha­mwe.

Lipacile wato wamungofwele. Kavatulemo mazuvo muwato, kaha ukaujika naukokotwa namutulo yawo nakusali yawo.

Kalunga amwene hamavu, kaha kumana, hanapihi, mwomwo vatu vosena vapihixile jila yavo hamavu.

Kaha kuli vaka-kuyoya vosena vakweci mijimba vosena ukaneha vavali kumuyaci vavali kumuyaci muwato, ukavalame vavatonyi na­yove hamwe. Vakapwe cilunga naci­pwevo, cilunga nacipwevo.