Ɖúù 18 سے مشہور بائبلی آیات

شئیر

Ké Jízɛ̀ po ma wa nɔ́ɔ́ ɖò gbo, ɓɛ́ ɔ kéɛ ma wa dyí tɛ̀mɛ̀ìn kà ɓɛ́ wa ɓéɖé ɓɛ́ wa ké ma ɓaà tee, ɓɛ́ kpé ké se ma wa dyí hwɛ̀ɛ.

Gèɖèpɔ́ɔ̀ se jǎà nyuɛ́ mu, ɓɛ́ ɔ ké nyɔ ɓě ɓɛ́ ɔ ɖǎ gã, ké wa pòìn kà ɔ kpé dyi ɓó máaún kè dyóɖóaún wɛ̃ɛ gbo kpáe? Ɓěɛ̀ hwòɖǒ ɖá ɔ mu ti zĩ̀ìn ɓó wa gbo kpá jèè? Ḿ cɛ̃ɛ ɓě gbo, ɔ mu wa gbo kpáùn wàɖà. Kɛɛ ɓěɛ̀ hwòɖǒ ɖá mɔ̄ Nyɔǔn-dyùɛ̀ Dyú-gààɔ̀ dyi dyiín, ní mu nyɔ ɓě ɓɛ́ wa ɓéɖé hwìɖǐǐ-taɓa-taɓa kɛɛ ɓóɖó-kpàà kɔ̃ dyi dyɛ̀ìnǹ?”

Ké Jízɛ̀ jǔ ma wa gɔ̃̌, ké ɔ ɖá, “Gèɖèpɔ́ɔ̀ ɓɛ́ìn ɖɛ ɓě ɓɛ́ nyɔǔn se nyuɛ ɓɛ́ìn nyɛɛ nyuɛ.”

Ké zaa-wɔ̃-po-nyɔ̀ɔ̀ nɔ́ɔ̀ ma tee. Kɛɛ ɖé mánáín nyɛɛ, ɔ cɛ̃ɛ ma ɔ mìɔùn gbo, ké ɔ ɖá, ‘Ḿ se Gèɖèpɔ́ɔ̀ fɛ̃̀ìn, ké ḿ se nyɔ ɖò jè gbo kɔ̃̀ dyɛo, kɛɛ sepóɛɖé jɔ̌ɔ̀-màà nìà kɛ nì ḿ fũ̀à-fṹá nyùɛ̌n jèɛɛ, ní mu jǎà nyuùn. Ḿ seɛ náa nyuín, ɔ mu ḿ gbo dyiìn tee, ké ɔ mu ḿ kpéí hwɔùn.’ ”

Ḿ cɛ̃ ɓě jǎà gbo, nyɔ mɔ̀ nyɔ ɓɛ́ ɔ se wɔ̃́ ɓɛ́ Gèɖèpɔ́ɔ̀ ké ɔ wuɖuí kɔ̃̀ kà dyú-gbɔ́ɔ́ wɔ̃́à kɛɛ, nìí, ɔ se ɖé Gèɖèpɔ́ɔ̀ kã́á-ɓòɖòɔ̀ kɔ̃ muɛ́ mu fɔɔ.”

Kɛɛ Jízɛ̀ ɖá ma dyú ɓěɔ̀ ɖé ɔ mìɔùn gbo, ké ɔ ɖá, “Ɓě táà dyú mɛ́nɛ́ɛ́ ɓěɔ̀ dyi. Wa mɛ dyi ḿ gbo. Ɓěǐn ɖá ɓɛ́ ɓě ké wa dyí ɓàɖàìn, sepóɛɖé wa mɔ̀ nyɔ mu Gèɖèpɔ́ɔ̀ kã́á-ɓòɖòɔ̀ kɔ̃̀ùn.

Ké Jízɛ̀ cɛ̃ɛ ma ɔ gbo, ké ɔ ɖá, “M̀ mɛ dyé dyi. Nì hwìɖǐǐ-taɓa-taɓaɔ̀ ɖǎ m̀ dyi kánáìn.”

Ké Jízɛ̀ jǔ ma ɔ gɔ̃̌, ké ɔ ɖá, “Ɖɛ́ kɔ̃̀ jè m̀ ɖáìn ḿ nyɔ kɔ̃̀ kpeɖeɛ̀ nɔ̀mɔ̀ dyíin nyɛɛ kɛ́? Nyɔ ɖòɛ̀ kpeɖe se dyíin nɔ̀mɔ̀, ɔ sèìn Gèɖèpɔ́ɔ̀ ɖòùn.