LUKAS 17 سے مشہور بائبلی آیات

شئیر

Laju geupeugah lé Isa bak ureuëng nyan, “Beudôh dan gata jak kheueh laju. Kareuna gata peucaya keu Ulôn, gata puléh.”

Meunyoe jih meudesya nibak gata tujoh goe siuroe dan tieb-tieb jijak ubak gata jipeugah, ‘Ulôn lakée meuáh,’ peuamphon kheueh jihnyan.”

Watée jiteupeu lé sidroe lamkawan awaknyan bahwa peunyakét jih ka puléh, awaknyan laju jigisa sira jisumurak jipujoe Po teu Allah. Dan jijak laju ukeue Isa jisujut sira jiseumah Gobnyan dan jilakée teurimong gaséh bak Gobnyan. Ureuëng nyan sidroe ureuëng Samaria.

Kareuna nyan, até-até kheueh! Meunyoe syedara gata meudesya, seugah kheueh jihnyan. Meunyoe jih nyan meunyeusai, peuamphon kheueh jih nyan.

Óh lheueh nyan geupeugah lé Isa, “Kon na siploh droe nyang ka teupeupuléh? Ho kajijak nyang sikureueng droe teuk?

Geujaweueb lé Tuhan, “Meunyoe gata na iman bah kheueh nyan bube bijéh sisawi, gata jeuet gata peugah keubak kayée meureubo nyoe, ‘Beuteulot kheueh kah hei bakkayée dan beuteupula kheueh lam laôt raya,’ pasti bak kayée meureubo nyoe jipatéh peurintah gata.”

Ureuëng nyang jiuseuha jipeuseulamat udeb jih, teuma gadôh udeb. Teuma keu ureuëng nyang gadôh udeb jih teuma teupeuseulamat udeb jih.

Isa geupeugah ubak murit-murit Gobnyan lagée nyoe, “Hai-hai nyang jeuet keusabab manusia jipeubuet desya teuntée teuma na. Teuma mupaloe kheueh ureuëng nyang peusabab nyan! Leubeh gét meunyoe batée geumiléng teuikat bak takue jih, óh lheuehnyan teupeunom lam laôt raya nibak jih udeb jeuet keusabab sidroe lamkawan ureuëng ubit nyoe jipeubuet desya.

Bak uroe Aneuëk Manusia teupeugah singoh, keuadaan jih lagée bak jamén Nabi Nuh yoh jamén ilée. Manusia jimakheun ngon jijieb ié, jimeukawen; meunan kheueh sabe hana putôh-putôh sampoe Nabi Nuh geutamong lam kapai laju ié raya teuka dan habéh jipeubinasa banmandum ureuëng nyan.