LUKAS 3 سے مشہور بائبلی آیات

شئیر

Óh ka lheueh seuleusoe banmandum awaknyan teupumanö, Isa teupumanö cit. Dan bak watée gobnyan teungoh meudoá, langét laju teuhah, dan Roh Allah laju geutron ateueh Gobnyan lagée cicém mirah pati. Dan laju teudeungoe su Allah nyang geupeugah lagée nyoe, “Gata kheueh Aneuëk ulôn nyang ulôn gaséh. Gata lumpah galak nibak até lôn.”

Nyang kheueh jeuet Nabi Yahya geupeugah ubak awaknyan banmandum, “Ulôn pumanö gata ngon ié, teuma singoh teuka ureuëng nyang leubeh rayeuk nibak ulôn. Keu ulôn piyôh taloe sipatu Gobnyan mantong hana kuasa nibak ulôn. Gobnyan teuma geupumanö gata ngon Roh Allah dan apui.

Tunyok kheueh ngon buet-buet gata bahwa gata ka meutobat nibak banmandum desya-desya gata! Bék gata peuphon peugah bahwa Nabi Ibrahim na kheueh indatu gata. Ingat: Nibak batée-batée nyoe pih Po teu Allah hase geupeujeuet keuturonan keu Nabi Ibrahim!

Pato kasiab keu ngon teuteubang bak kayée sampoe habéh ukeue-ukeue jih. Tieb-tieb bak kayée nyang hana jimuboh nyang gét teuma teuteubang dan teutiek lam apui.”

Nyan paih lagée nyang ka teutuléh lam kitab Nabi Yesaya: “Na ureuëng geumeuhôi-meuhôi lam padang pasi, ‘Peusiab kheueh rot ueh keu Tuhan, peurata kheueh rot ueh keu Gobnyan. Tieb-tieb na pantôn taseubée laju, tieb-tieb na gunong ngon bukét teupeusaré rata. Rot ueh nyang kiwieng kiwot tapeuteupat laju, rot ueh nyang lhok-lhok lumbo peusaré laju. Di ureuëng ramé bansigom donya teuma jikalon Allah geupeu seulamat manusia!’ ”