LUKAS 5 سے مشہور بائبلی آیات

شئیر

Óh ka seuleusoe geupeurunoe rakyat ba nyan, laju geupeugah ubak Simon, “Gata kayôh kheueh peurahô gatanyoe u teumpat nyang lhok, óh lheueh nyan tiek kheueh jeue gata keu gata drob eungkot.”

“Bapak Gurée,” jaweueb Simon, “Simalam beungoh kamoe meukeureuja brat, hana kamoe teumé drob sapeue lam danau nyoe! Teuma sabab Bapak nyang yue, bah kheueh; Ulôn jak tiek jeue keula-i.” Óh ka lheueh jipeubuet lé awaknyan pakriban nyang ka geuyue lé Isa nyan, laju meuteumé eungkot nyang lumpah jai lé awaknyan, sabab brat lé eungkot nyan, jeue awaknyan sampoe teupriek

Óh ka lheueh nyan Isa laju geujak meudoá ubak teumpat nyang seungue.

Ulôn teuka bukon ulôn tawök ureuëng-ureuëng nyang jianggab droe jih jroh, teuma ureuëng-ureuëng nyang meudesya mangat awaknyan jitobat nibak desya-desya jih.”

Watée Simon jingieng hainyan, laju jisujut dikeue Isa, sira jipeugah lagée nyoe, “Tinggai kheueh ulôn, ya Tuhan! Sabab ulônnyoe ureuëng meudesya!”

Geujaweueb lé Isa, “Ureuëng nyang sihat bak jih hana peureulée dokto; nyang peureulée keu dokto na kheueh ureuëng sakét.

Simon dan rakan-rakan geuhnyan laju jibahue peurahô jih ateueh panté, óh lheueh nyan laju jitinggai banmandum nyang na disinan, dan laju jijak seutôt Isa.

Bak siuroe, Isa na lam saboh banda. Disinan na sidroe ureuëng agam nyang bak tuboh jih peunoh jitimoh peunyakét kulét nyang paleng parah. Watée ureuëng nyan jikalon Isa, laju jisujut dikeue Gobnyan sira jilakée, “Pak, meunyoe Bapak neutem, Bapak jeuet neupeupuléh ulôn!” Isa laju geuraba ureuëng nyan sira geupeugah lagée nyoe, “Ulôn tem, bupuléh kheueh gata!” Dan watée nyan cit teuma peunyakét ureuëng nyan gadôh.

Haba keuhai Isa meugah laju hô-hô mantong, dan jai that-that ureuëng jiteuka keu jijak deungoe gobnyan meunan cit keu jilakée mangat gobnyan geupeu puléh bubena peunyakét-peunyakét nyang na bak awaknyan.