YOANA 16 سے مشہور بائبلی آیات

شئیر

Kanyaghan omwowokwa ngalechete atamukakwa osïkenö orinyan kalya. Onyorunekwa nyarïl ompö ngwïny. Wölo onyökönitu! Karïntan ngwïny!”

Wölo otini ketï Mïkulöwunoni pö man, kuntöghowokwa wölo mi man kïmïkul, ompöwölo möngölononye ngalechi kegh, wölo mwowokwa ngal löwïr cho lïmöy nyinte akïngongwokwa ngal cho tökïpkonöy.

Tomönye osomökwa kïgh ompö kaynenyan nko nyete le ye, osomö atosïkö atökwitïta ngörekyenkwa.

Wölo omwowokwa ngölyonto man lö, karam ompö akwa ato owan, ompöwölo ato mowanye, kïmengwïnchinokwanye Kingörokintö. Wölo ato owan, oyokwokwa nyinte. Kïkany otini ketï, kukïniniechï nyinte pipö ngwïny lö lelate chane ompö ngala ngokï nko ompö ngala man nko ompö kirwoko Tororöt.

Lïku nyoni ompö akwa tïkwïl: omitekwa nko nörekyö otï le ye, wölo osïwïyanïkwa ngat, atökïnyïghï ngörekyö mïkulöwekwa, ngörekyö nyo memuchönye chi ntökïchengenakwa. Otini ketï asisoni, kïmöminye nyu kïgh nyo otepanïkwa. Amwowokwa nyoman lö, konokwa Paponyan tïkwïn löwïr cho osomekwa nyinte ompö kaynenyan.

Omwowokwa ngölyonto man lö, oloksokwa ariryö, wölo ngörököy ngwïnya. Onöreksokwa, wölo wöghöko nörekyenkwa kïlïku ngörekyö.