Pangentasan 34 سے مشہور بائبلی آیات

شئیر

Ing kono GUSTI terus lunga liwat ngarepé lan mbengok: “GUSTI, GUSTI, kuwi Gusti Allah sing maha welas lan trésna, luwih karo sabar, gedé kawelasan lan kasetian-Né, sing netepi kawelasan kasetian-Né marang wong éwon-éwon, sing ngapura kesalahan, panerak lan dosa; nanging babar pisan ora ngetyulaké wong sing salah sangka paukuman, sing males kesalahané bapak marang anak putuné, turun kaping telu lan kaping papat.”

Awit kowé aja pada sujut marang allah liyané, awit GUSTI, sing jenengé Jalusu, kuwi pantyèn Gusti Allah sing jalusu.

GUSTI terus ngetokké tembung: “Wis Aku nganakké perjanjian. Ing ngarepé bangsamu kabèh, Aku bakal nindakké mujijat sing durung tau kelakon ing sak lumahé bumi ing sak tengahé sakkèhé bangsa; nganti bangsamu kabèh bakal pada weruh penggawéané GUSTI, awit apa sing bakal Tak tindakké marang kowé kuwi tenan-tenan medèni.