Jâŋ 15 سے مشہور بائبلی آیات

شئیر

M mbə́ ghíʼ tʉ̌, pei pə̂ ghíʼ mbô tʉ̌ zêi. Ŋuu lə̌i ndár mbəʉ yé lə́ məŋ, n nkə̂ ndâr zâa lə́ zʉ́, ngaŋ ghʉ̂ məno shʉʼʉ gháʼate, ńté ńgó paghʼə lə̌i ndə́iʼ nǎa pə́ po, pei kûʼ wéi lə̂ ngʉ́ có zə̂u po.

Pei lâr mbəʉ zei lə́ məŋ, ghíʼ n ndǎr zâa lə́ pei. Ghíʼ mboʼ pô tʉ̌ zə̂m yé tə́ ghó ə́ larə lə̂ tʉ̌ po lə̂, ə́ kə́ mbə́ ndʉŋ-ndʉŋ yə́rə́, ghíʼ mboʼ pei zə̂m wéi ntǎa tə́ ghó pei larə́ lə́ məŋ po.

Pei lə̌i ndár mbəʉ zéi lə́ məŋ, tsâr zâa póu mbə́ cər ntə̂ʉ pei, pei lóu zə̂u tsəm yi pei pə̌ nkǒŋ, mə́i pə́ wo ŋə́ lə́ pei.

Káa pei lə̂ lə tsôʼ wéi ghâa, lə́ məŋ lə̂ lə tsóʼ wéi, ə́ ntə́u wéi ńgó pei wó fǎʼ zěi; ə faʼ yi pei wo fǎʼ wó ə̂ nzə́m məntǎa mi ə́ láʼ cí pə̂ wó. Ə̂ lêi yə́rə́, zə̂u tsəm yi pei lǎghʼ ləjôghʼ zâa ndóu mbó Tə́, â ŋə́ lə́ pei.

Kâa cǒ ŋuu ghwô yé nkoŋə tə ə́ lei yi ŋuu yi a ŋə̌ tû ye ńté pye pi a kǒŋ gháp.

A lei tə njwó pô tʉ̌ yi kâa pə́ nzə̂m yé, ə́ nzâʼ. Ə́ ngwǒ lə́ yi ə́ pə́ nzə̂m ntǎa, a kwôghʼtə ńgó ə́ zə̂m kwaʼ shʉʼʉ.

Yo ntǎghʼ ghâa yi n ŋə̂ lə́ pei: Pei koŋə́ mbəʉ zéi təcər pei, ə́ ndʉŋ-ndʉŋ ghíʼ n nkə kǒŋ zâa wéi lə̂.

Ə zə̂u yi mboʼ pei lâghʼ nyárə́ ləghûʼ Tə́ ghâa, ə́ pə́ ńgó pei ghʉ̂ məno shʉʼʉ ə́ zâa, ə́ ndaghʼ ńnyárə́ ńgó pêi ngaŋə-jyêʼ-no zâa.

Yěso kə̂ ncí ndáʼ lə̂ ngaŋə-jyêʼ-no yé ngô: «Mə̂ŋ kwaʼ tʉ̌ rəzêŋ, Tə́ ghaa pə̂ ŋuu yi a fâʼ mə́u.

Ŋuu lə̌i ndə́iʼ lǎr mbəʉ yé lə́ məŋ po, a pə̂ ghíʼ ləpô tʉ̌ yi pə́ záʼ ə́ mǎʼ nzəm nkâʼ, ə́ zə̂u, pə ghʉ mbyé ḿmâʼ mǒghʼ ə́ sʉ̂.

N ndaʼ yo no lə́ pei, ńjí ńgó lətsei yi a pə̌ cər ntə̂ʉ məŋ kə̌ mbə̂ yé cər ntə̂ʉ pei, ə́ fú mbə́ tə có zə̂u kə̂ mbûŋ yé mə́u po.

Pei lə̌i ŋə́i ghíʼ məntǎghʼ mâa pə́ ntúŋú, mə́i n ngwo kə́ pə́ koŋ wéi koŋə́, ə́ ndʉŋ-ndʉŋ ghíʼ n ndə ŋə̌i lə̂ məntǎghʼ Tə́ ghâa ə́ ngʉ̌ ghíʼ ə́ pə́ ntúŋú, a kə̂ mə́ nkôŋ ghâa koŋə́.»

Zə̂u yi m mə̌ ntúŋu wéi pə́ ńgó pei ghwô nkoŋə təcər pei.

Pei tə̌i mbə́ ghíʼi ə́ mbə́ pye ndəu-nzʉ̂, mə́i ndəu-nzʉ̂ koŋ wéi gháʼate, ńté ńgó ndəu-nzʉ̂ koŋ zə̂u tsəm yi ə́ pə̂ yé. Lə́ káa pei pə̂ wéi pye ndəu-nzʉ̂. N nkə tsóʼ wéi, ə́ fǎghʼ wéi lə̂ pye ndəu-nzʉ̂. Ə̂ zə̂u yi ə́ ghʉ̌, pye ndəu-nzʉ̂ paa wéi.