མེ་ཐིའུ་ལེའུ་ 24 سے مشہور بائبلی آیات

شئیر

ག་ཅི་སྨོ་ཟེར་བ་ཅིན་ ཁྲིམས་ལུ་མ་གནས་མི་ཚུ་གནམ་མེད་ས་མེད་ཡར་འཕར་འགྱོ་སྟེ་ གཅིག་གིས་གཅིག་ལུ་བྱམས་སེམས་དང་སྙིང་རྗེ་བསྐྱེད་ནི་དེ་མར་ཉམས་འགྱོ་འོང་། དེ་འབདཝ་ད་ མཐའན་མཇུག་ཚུན་ཚོད་ལུ་ དད་པ་ནང་སྒྲིང་སྒྲིང་སྦེ་ སྡོད་མི་འདི་ལུ་སྐྱབས་མཛད་འོང་།

རྒྱལ་སྲིད་ཀྱི་གཏམ་བཟང་འདི་ རྒྱལ་ཁབ་ཡོངས་ལུ་འཛོམས་དཔང་བཟུམ་ཅིག་སྦེ་ འཛམ་བུ་གླིང་ནང་མི་རིགས་ག་ར་ལུ་བཤད་ཚར་བའི་ཤུལ་ལུ་ དུས་ཚོད་མཐའན་མཇུག་འདི་འོང་ནི་ཨིན་ཟེར་ཡེ་ཤུ་གིས་གསུངས་ནུག།

དེ་ལས་ཁྱེད་ཀྱིས་སྦོ་ལོགས་ཁར་དང་ ཐག་རིང་ས་ལས་དམག་གི་ལོ་རྒྱུས་དེ་ཚུ་གོ་འོང་ དེ་འབདཝ་ད་ ཁྱེད་དེ་ལུ་བལྟ་སྟེ་མ་འདྲོག་ ག་ཅི་སྨོ་ཟེར་བ་ཅིན་ དེ་ཚུ་ག་ར་བྱུང་ར་བྱུང་དགོ་ དེ་འབདཝ་ད་ དུས་ཚོད་འདི་མཐའན་མཇུག་ལུ་ལྷོདཔ་མེན།

མི་རིགས་དང་མི་རིགས་ རྒྱལ་ཁབ་དང་རྒྱལ་ཁབ་དམག་བརྐྱབ་འོང་ དེ་ལས་འཛམ་བུ་གླིང་གི་ས་ཕྱོགས་སོ་སོ་ནང་མུ་གེ་འཐོན་ ས་གཡོམ་ཡང་བརྐྱབ་འོང་། དེ་འབདཝ་ད་ ཨམ་སྲུ་ཨ་ལོ་མ་སྐྱེས་བའི་ཧེ་མ་ ན་ཟུག་འགོ་བཙུགས་དོཝ་བཟུམ་སྦེ་ དེ་ཚུ་ཡང་ག་ར་འགོ་བཙུགས་འོང་།

དེ་འབདཝ་ད་ གནམ་དང་ས་གཉིས་ཡལ་འགྱོ་རུང་ ང་གིས་སླབ་མི་འདི་ཚུ་ དུས་ནམ་ཡང་ཡལ་མི་འགྱོ་ཟེར་གསུངས་ནུག།

ག་ཅི་སྨོ་ཟེར་བ་ཅིན་ མི་ལེ་ཤ་འོངས་ཏེ་ངེ་གི་མིང་བཏོན་སྦེ་ ང་ཁིརཱིས་ཨིན་ཟེར་སླབ་སྟེ་ མི་ལེ་ཤ་ལུ་མགུ་བསྐོར་བརྐྱབ་འོང་།

དེ་ལས་མི་ཚུ་གིས་ཁྱེད་ལུ་བཟུང་ གནོད་པ་སྐྱེལ་ཏེ་བསད་འོང་ ངེ་གི་དོན་དག་ལས་སྦེ་ མི་རིགས་ག་ར་གིས་ཁྱེད་ལུ་མ་དགའ་བར་དགྲ་འབད་འོང་། དེའི་སྐབས་ལུ་མི་ལེ་ཤ་རང་དད་པ་ཉམས་འགྱོ་སྟེ་ གཅིག་གིས་གཅིག་ལུ་མ་དགའ་བར་དགྲ་གི་ལག་པར་སྤྲོད་འོང་། དེ་ལས་ལུང་སྟོན་པ་རྫུས་མ་ལེ་ཤ་ཐོན་ཏེ་ མི་ལེ་ཤ་ལུ་མགུ་བསྐོར་བརྐྱབ་འོང་།

དེའི་ལན་ལུ་ཡེ་ཤུ་གིས་ མི་ག་གིས་ཡང་ ཁྱེད་ལུ་མགུ་བསྐོར་ནང་བཙུགས་མ་བཅུག་ནི་གི་དོན་ལུ་ རིགཔ་བསྒྱིམ་སྟེ་སྡོད།

དེ་འབདཝ་ལས་ཁྱེད་ཆ་ཁྱབ་ཡང་ ནམ་རང་འབད་རུང་གྲ་སྒྲིག་འབད་སྡོད་དགོ་ ག་ཅི་སྨོ་ཟེར་བ་ཅིན་ དཔྱད་རིག་རྣམ་རྟོག་མེད་པའི་དུས་ཚོད་ལུ་ མིའི་བུ་ཡང་འོང་ནི་ཨིན།།

དེ་འབདཝ་ལས་རིག་པ་བསྒྱིམ་སྟེ་སྡོད་ ག་ཅི་སྨོ་ཟེར་བ་ཅིན་ ཁྱེད་ཀྱི་གཙོ་བོ་འདི་ནམ་འབྱོན་ནི་ཨིན་ན་ ཁྱེད་ཀྱིས་མི་ཤེས།

ཡེ་ཤུ་གིས་ ཨ་ནི་མཐའན་མཇུག་གི་ཉིནམ་དང་ཆུ་ཚོད་དེ་ ནམ་འབྱུང་ནི་ཨིན་ན་ དེ་གི་སྐོར་ལས་ ཡབ་ཀྱིས་མ་གཏོགས་ གཞན་ཞིང་ཁམས་ཀྱི་ཕོ་ཉ་དང་སྲས་ ག་གིས་ཡང་མི་ཤེས།

ཁིརཱིས་རྫུས་མ་དང་ ལུང་སྟོན་པ་རྫུས་མ་ཚུ་ལེ་ཤ་འོངས་ཏེ་ བཙག་འཐུ་མཛད་མི་ཚུ་ལུ་ འབད་ཚུགས་པ་ཅིན་ མགུ་བསྐོར་བརྐྱབ་ནི་གི་དོན་ལུ་ ཡ་མཚན་ཆེ་ཏོག་ཏོ་གི་རྟགས་མ་གཅིགཔ་དང་རྫུ་འཕྲུལ་ཚུ་ལེ་ཤ་བཏོན་འོང་།

དེ་ལས་ཧེ་མ་ ནོ་ཝ་གི་དུས་སྐབས་ལུ་བྱུང་དོཝ་བཟུམ་སྦེ་ མིའི་བུ་ལོག་འབྱོནམ་ད་ དེ་བཟུམ་སྦེ་རང་འབྱུང་འོང་། ག་ཅི་སྨོ་ཟེར་བ་ཅིན་ ཆུ་རུད་མ་ཐོན་པའི་ཧེ་མ་ ནོ་ཝ་གྲུ་ནང་མ་འཛུལ་ཚུན་ཚོད་ མི་དེ་ཚུ་ཟ་འཐུང་སྤྲོ་བཏོན་ མནའ་མ་གཏང་ལེན་འབད་གཉེན་བརྐྱབས་ཏེ་སྡོད་ནུག དེ་ལས་ཆུ་རུད་ཐོན་ཏེ་ ཁོང་ག་ར་ལུ་འཕྱག་མ་འབག་ཚུན་ཚོད་ ཁོང་གིས་ག་ཅི་འབྱུང་ནི་ཨིན་ན་མ་ཤེས་པས་ ཨ་ནི་བཟུམ་སྦེ་རང་ མིའི་བུ་འོངམ་ད་ཡང་ དེ་སྦེ་འབྱུང་ནི་ཨིན།