മത്തായി 13 سے مشہور بائبلی آیات

شئیر

നല്ല മണ്ണ്‌ക്ക് അലേന്ത ബെദെ അര്‌ത്ത മാഡുവാദ് സാമി സൊല്ലുസുലാക്കന കേ്ട്ട് നെപ്പ്‌കെ്ഡേസ്‌ന്റവാന്‌നാത്തെ. അദ്‌നാലെ അവാര് തമാക്ക്‌മ് ബേ്റെ ആള്‌ഗാള്‌ക്ക്‌മ് ഉവഗരപഡുവാര്. പഗ്‌ദ്യാള്‌ഗാള് ലേസ താനെ ഉവഗരപഡുവാര്, ബേ്റെ പഗ്‌ദ്യാള് മൊത്തന ഉവഗരപഡുവാര്, ബേ്റെ പഗ്‌ദ്യാള്‌ഗാള് എത്ത്‌റാഗോ ഉവഗരപഡുവാര്.>>

മുള്ളു ഗുമ്പു പട്ട്‌ക്ക് അലേന്ത ബെദെ അര്‌ത്ത മാഡുവാദ് സാമി സൊല്ലുസുലാക്കന കേ്ട്ട് തങ്കാരിക്ക്‌ന്റവാന്‌നത്തെ. എന്റാല്‌മ് ഈ ഉലഗാത്ത്‌ല് ബരുവ കജട്ടനജട്ടഗാള്‌മ് പണാസേമ് കേ്ട്ട സാമി സൊല്ലുസുലാക്കന നെജിക്കി ഉവഗര ഇല്ലത്താദ് മാഡ്‌ന്റ്.

ഒരുത്താന് സാമി ആളുവാദ്‌ന പറ്റി സൊല്ലുവ സേദിന കേ്ട്ട് നെപ്പ്‌കെ്ഡേസാദെ ഇര്‌ക്കുവാദ് ബട്ടേക്ക് അലേന്ത ബെദേക്ക് സമ. സെയിത്താന് ബന്ത് അയാള് മനേസ്സ്‌ക്ക് ബിത്ത്‌ന ബെദേന എ്ഡ്‌ത്ത് തള്ള്‌ന്റാന്.

അറെ പട്ട്‌ക്ക് ബ്‌ന്ത ബെദേന പാസെത്തെ സാമി സൊല്ലുസുലാക്കന കേ്ട്ട് പിര്യപിര്യാത്തോഡ തങ്കാരിക്ക്‌ന്റവാന്. എന്റാല്‌മ് ബേര് ഇല്ലത്താദ്‌നാലെ കേ്ട്ട സേദില് അയാള് അദിഗ കാല നെലെനില്ലമാട്ടാന്. അയി സേദിനാലെ കജട്ടാഗൊ കൊഡിമേഗൊ ബന്തദാന അയാള് സട്ടന പിന്ന്‌കാല് മെ്ട്ട്‌ന്റാന്.

<<സാമി ആളുവ നാഡ് എന്നുവാദ് കാഡ്‌ല് ഒളിസി ബെത്ത്‌റ്‌ക്കുവ മുദാല്‌ക്ക് സമാത്തെ. അദ്‌ന ഒരുത്താന് കണ്ട് മറിസിമ് അയി കാഡ്‌ക്ക് താനെ ഒളുസ്‌നാന്. അയാള് തനാക്ക് ബന്ത പിര്യാത്ത്‌ല് പോയി തനാക്കുള്ളാദ്‌ന ഒട്ടുക്കു ബിറ്റ് അയി കാഡ്‌ന ബാങ്ക്‌നാന്.>>

ബേ്റെ ബെദെഗാള് നല്ല മണ്ണ്‌ക്ക് ബ്‌ന്ത്‌ദ്. അദ് മൊളേത്ത് ബളാന്ത് അന്ന ബെ്ളേന്ത്‌ദ്. ബിത്ത്‌ന ബെദേന ബ്‌ഡ നൂറു, അറുവദ്, മുപ്പാദ് സലാഗെ അന്ന കെ്ഡേത്ത്‌ദ്.

അദ്‌നാലെ ഗോദിമ്പെ മ്‌ണ്ടേമ് കളേമ് അറെ ഗളിഗെ മാട്ട്‌ക്ക് ബളാരുഡൊ. അറെഗളിഗേക്ക് നാന് അറെഗാറാര്‌ക്ക് മുദാല് കളേന പ്‌ഡിങ്കി കൂട്ടി സുട്ടു തള്ള്യ ഒന്റൊന്റു കെ്ട്ട് മാഡി കെ്ട്ട്യാമ്, ഗോദിമ്പെന അന്നാന ബെക്കുവ ബീ്ഡ്‌ക്ക് തുമ്പിസി ബെക്ക്യാമ് സൊല്ലുവെ> എന്റ് സൊന്നാന്.>>