മത്തായി 2 سے مشہور بائبلی آیات

شئیر

അവാര് അയ്യി കൂരേക്കെ പോയി ണോഡുഗാട്ടി അവ്വാസി മറിയാദൊപ്പ മ്‌ഗാണ കണ്ടാര്. അയ്യി മ്‌ഗാണ കണ്ട് അവാര് സഡാങ്ക ബ്‌ന്ത് കുമ്മുഡിനാര്. പ്‌റ പെ്ട്ടിന തുറാന്ത് പൊന്നുണാമ്, തുമ്മണാമ്, മൂര് എങ്ക ണല്ല ബാഡെ അഡിക്ക ജാദിനാമ് കാണിക്കെ ബെത്താര്.

എരോദാ് റാജാവായിര്‌ന്ത കാലാത്തിലി എഗുദ ണാഡില്യ ബെദ്‌ലെഗേമ് പട്ടണാത്തിലി ഏസു പ്‌റാന്താ്. ഏസു പ്‌റാന്ത പ്‌റ ക്‌ളാക്ക് സാരിര്‌ന്ത് ണാള്‌നച്ചെത്ത്‌റ ണോഡുറവാര് എര്‌സലേമ്‌ക്കെ ബന്താര്. അവാര്: <<എഗുദാര്‌ക്ക് റാജാവായി പ്‌റാന്തവാ് ഏദിലി? അവാ് പ്‌റാന്താ് എന്ത് കാട്ട്‌റ ബെ്ള്ളി ക്‌ളാക്ക് സാരിര്‌ന്ത് കഡാന്താദ്‌ണ എമ്മ കണ്ട് അയാള്‌ണ കുമ്മുഡ്യ ബന്തിര്‌ക്കേര്>> എന്ത് ആള്‌ഗാക്ക് സൊന്നാര്.

അച്ചെ അവാര് അയ്യി ബെ്ള്ളിന കണ്ടാദ്‌ണാലെ പിര്യപൊങ്കി മറ്‌ന്താര്.

ആന കനേസിലി സാമി അവാര്‌ക്കെ എരോദാ് പട്ട്‌ക്കെ തിലിമ്പി പോഗാദി എന്ത് സൊന്നാദ്‌ണാലെ അവാര് തമ്മ് ണാഡ്‌ക്കെ ബേ്റെ ബയ്യിമേലെ പോനാര്. അവാര് പോന പ്‌റ ആണ്ടവാന്‌ദ് ദൂദാ് കനേസിലി ഓസേപ്‌ക്കെ: <<എരോദാ് റാജാവു മ്‌ഗാണ കൊല്ല്യ ബേ്ണ്ടി പരാക്ക്യ ണെനേത്തിര്‌ക്കാ്. അദ്‌ണാലെ ണീ എ്ന്ത് മ്‌ഗാണാമ് അവ്വാസിനാമ് കൂട്ടി ഈജിത്ത് ണാഡ്‌ക്കെ ഓഡി പോ. ണാന് ണിനാക്കെ സൊല്ലുറമാട്ട്‌ക്ക് അദിലിതാനെ പെ്ളെ>> എന്ത് സൊന്നാ്.