ငဝ်ႈၵမ်ႇၽႃႇ 5 سے مشہور بائبلی آیات

شئیر

ဢေးၼွၵ်ႉ ​ၼၼ်ႉ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ လိုၼ်း​ၼၼ်ႉ​မၼ်း​ဢမ်ႇ​မီး။ လွင်ႈ​မၼ်း​ၸမ်ႉ ၽြႃး​ပဵၼ်​ၸဝ်ႈ​သိမ်း​ဢဝ်​မၼ်း​ဢေႃႈ။

ဝၢႆး​သေ​မီး​ မထူႉသလႃႉ ​ၼၼ်ႉ၊ ဢေးၼွၵ်ႉ ​ၵႂႃႇ​ၵႂႃႇ​မႃး​မႃး​လူၺ်ႈ​ၵၼ်​တင်း​ၽြႃး​ပဵၼ်​ၸဝ်ႈ သၢမ်​ပၢၵ်ႇ​ပီႊ​တဵမ်​တဵမ်​လႄႈ၊ သမ်ႉ​မီး​လုၵ်ႈ​ၸၢႆး​လႂ်​တင်း​လုၵ်ႈ​ယိင်း​လႂ်​ဢေႃႈ။

ၸရၢင်း​ၸူဝ်ႈ​လုၵ်ႈ​ပၢၼ်​လၢၼ်​ၸိူဝ်ႉ​ၶိူဝ်း​ ဢႃႇတၢမ်ႇ ​ၸမ်ႉ၊ ၼႂ်း​ၶိင်ႇ​ဝၼ်း​ဢၼ်​ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၼၼ်ႉ၊ ၽြႃး​ပဵၼ်​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​မၼ်း​ၸွမ်း​ၼင်ႇ​ပုင်ႇ​ႁၢင်ႈ​ၽၢင်​တူဝ်​ၸဝ်ႈ​ၵဝ်ႇ​ဢေႃႈ။

မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၸၢႆး​ၵူၼ်း​ယိင်း​လႄႈ ပၼ်​တၢင်း​လီ​ဢေႃႈ။ ၼႂ်း​ဝၼ်း​ဢၼ်​မၼ်း​ၸဝ်ႈ​ၽၢၼ်ႇ​သၢင်း​ႁဵတ်း​ပဵၼ်​ၼၼ်ႉ​ၵေႃႈ မၼ်း​ၸဝ်ႈ​ႁွင်ႉ​ႁဵၵ်ႈ​ၸိုဝ်ႈ​ၶဝ်​ ဢႃႇတၢမ်ႇ ​ဢေႃႈ။