Matyò 7 سے مشہور بائبلی آیات

شئیر

Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Kûmə̀ nə ə̀ pfɨfə pîndè sê Zhə̀fè ə è nə̂ kyi, ə kyiŋə pîndè ə è nə̂ fe. Nâʼà pîndè vɛ ə è ngɔʼte chondɛve, ə Zhə̀fè nə̂ chwie sè vəyn.

E za nyi nə naʼapî ndè vɛ è zɨ wâmnè zɨme ə ndə̀mə̀ zəynze, ə nə̀ èghɛ zɛ ə ze pîə, è nyi kə wùə etɔfə vɛ ə è pɛ ndɛ ə̀ vəyn etùə ànayn kə sas ə ndɛ ətəynze ə fɛtə̂ tɛ.

Nə̀yn sê wùə mɔ̀ʼɔ kè eghɨ kə ò kyiŋə nə è nəyn sê ghò, ə̀ zɨnə nyi eghɛ zɛ làŋ ə Mosîskè tyə̀nə è zaʼlê ə fɨ̀aʼtè èghaʼâzè. E nyi nə ghàyn ə nə̂ naʼapi ghè sê ghɨ kè kə ghàyn kɔ̀ŋə̀ nə ə nə nə̂ sê ghàyn. Ə̀ zɨnə nyi eghɛ zɛ lâŋ ə Fezhə̀kè è kə Fɨaʼtèkè lotə zaʼlə.

Pîza, cho ə mbàyn zɛ ə ze njiə endam zɛ ə ze tə mìə va tətə̂ kə nyi. Ndom vɛ ə ve ndùə fumə, e tɛ kə nyi se tsɛ̀ ətəyn. Ə̀ nyi ke m̀fɨatə̀ mə ghɨ̀m kə m̀ tsɛ fu.

Njisə̀s ə pìə kwəynsə̂ nə, Nji elùʼ efɔ̀yn ə Fezhə̀e echo ndɛ etətə̂ kûmə̀ nə ndom ewùsve ghaʼa kə nyî mə ndom vɛ ə ve ndûə ətəyn ghaʼa kə nyî, ghɨ ghe tsɨ̂ə kə nyi kə ndûə ətəyn.

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Kə ghàyn ə saʼa ghɨ mɔ̀ʼɔ, kə Zhə̀fè tə tàʼa saʼa ghàyn. Kûmə̀ nə Zhə̀fè tə saʼa ghàyn kè endom vɛ ə ghàyn saʼa ghɨ mɔ̀ʼɔ ghe ətəyn. Kûmə̀ nə fɨ̀aʼ zɛ ə ghàyn saʼa ghɨghe ətəyn, ə̀ nyì kepî fɨ̀aʼ ətəyn ə Zhə̀fè tə saʼa ghàyn ətəyn

Pîza, mə ə̀ zɨ pîndè ghɛ zɨme ə tàʼa kɔʼsê ə zəyn, nyi ke kə angô kɛ ə ke pɛ ndɛ ə̀ vəyn etùə àshishi.

kûmə̀ ghè ə ò naynə saʼlə̀ fə fe kâʼfè ànɛ̂ eshi, pîza fe va kôm ə fekàʼ kɛ ə ke nyi ə gho eshi ə? Ò kàʼa ò pi zayn sê ànɛ̂ nə, “tyəʼ m fɨse saʼlə̀ fə fe kâʼfè ə ghò eshi,” mə ò kyi akôm ə gho e shi ə?

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase. Ghàyn nə kê ghənə tɔynə̂ endom vɛ ə ghənə nə̂ ghɛ ghe ətəyn. Ə paʼà tyə̂m pə kɔ̂nə̀ m̀namâs ə tə m̀sòlèndzɔŋ, pî sèfîks vayn kàʼa se mu m̀maŋngòlə̀.

Kè pi endom nə vɨnə mə, kâʼ fɛ ə fe ndəmə achûŋ nə muə kəpî ètwɔm echûŋvè. Pîza kâʼ fɛ ə fe ndəmə va achûŋ vayn kàʼa fe mu twɔm echûŋvè.

Kâʼ fe chûŋfè vayn kàʼa fe mu twɔm e pive, mə fepife vâyn kàʼa fe mu twɔm echûŋvè.

Ə tə kwə̂ maʼà nâʼà pì fèkâʼ fè kè fɛ ə fe muə va twɔm echûŋvè ə maʼa ewùs.