G%E9nesis 28 سے مشہور بائبلی آیات

شئیر

Yin in o awu', katinchajij na xaipa kat-e wi, xaq katink'am chali waral che ulewi, lik katwo'taj taj k'a kin-an ni ronojel pacha inb'im chawe.” Xcha.

xaq xrachik'aj chi i Ajwal o li puwi i yoch chi xaq xub'ij i tziji che: “Yin in Kajwal xaq in ki-Dios amam mam Abraham xaq aqajaw mam Isaac. Chawe yet xaq chke amuq axikin kinya wi ulew le ipa at kotz'ol wi.

Are xk'un saq chwach ma Jacob, xub'ij i tziji: “Saq laj tzij i Ajwal o waral che i k'ijib'ali, yin weta'am ti te'eq.”

Are uri ma Jacob xu'an i sujuniki: “We kinuchajij i Dios xaq we kinrachnimaj ipa enam wi we wo'or, we kuya inwa, we kuya in-u', xaq we utz inwach are kinupon tan chik chi rachoch inqajaw, are ni uri i Ajwal le in-Dios. I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.” Xcha.

I amuq axikin lik kek'iyar na pacha uk'aj ulew, kkinojsaj nu b'i uwach ulew prelb'al ij xaq puqajb'al ij, pa moxab' xaq pa wiqab'; konojel alk'uwal re uwach i jyub' ta'aj kinya ni utzil chomal pkiwi awumal yet, xaq kumal amuq axikin.

Che i k'ijib'al le o jun tinimit chi Luz te'eq ub'i xwiri ma Jacob xujalwachij ub'i i tinimit le xuya pub'i Bet-el.