John 2 سے مشہور بائبلی آیات

شئیر

Sae Jesus begude to do his wunner‐works in Galilee‐Cana, and schawed forth his glorie: and the disciples lippened on him.

Quoʼ Jesus, “Eh, wumman, what hae I to do wiʼ ye e’noo? My ʼoor will be here belyve!”

And Jesus had them fill the watir‐jars wiʼ watir. And they teemed them lippin‐fou. And he spak till them, “Dip oot noo, and tak to the Maister oʼ the feast!” And they gaed wiʼt.

Jesus said till them, “Mak an end oʼ this temple, and in thrie days Iʼll restore it!”

And he made a tawse oʼ smaʼ cords, and caʼd them aʼ oot, and the sheep and the nowte beass; and teemed oot the trokersʼ siller, and coupit their tables. And tellʼt them that trokit wiʼ doos, “Tak thae things awa; yeʼse no mak my Faitherʼs Hoose a hoose oʼ traffic!”