Neto'te 6 سے مشہور بائبلی آیات

شئیر

Tshùaben fém mb'a na' nabte mènntùn njab num nsitsha' là, ndùlala ngù yantù ntùm ntù i.

Tshùaben yen ndù nukebwô mènntùn tshwèt njàm num nsitsha'a, nkwatenu ntù i nke mbe be mi kebwô njoṅ ndù fa.

Là Noa be mènfen num miag Tshùaben.

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

Tshùaben tshob ndù: Me nsi biagte njoṅ benntùn fa tse me na' nabte là num nsitsha'a; me nsi tamte njoṅ benntùn fa, tamte njoṅ nyàm nke'nke' fa, tamte njoṅ nyàm fa tse bo be nsoṅ bam sob nsi là boa nsaṅ mi a mfe kamànyam nà fa; nummbe me fém mba me na' nabte yub là.

Ndùse benntùn na' nto' neyàm num nsitsha'a, mbèn nke mbwe bon bènnzwi là, bon ba mfetù yen ndù ngonngon benntùn bwô yube, ndùlala bo lo' ts'a bwô yub là. Tshùaben tshob ndù: Me ke bèn mbam ndù mènntùn yôg matmat, nummb'a b'a mènntùn. A nsi ke yôg nda' num ngu'njù bon bàa nkù. Nsansa benntùn lo be num nsitsha' num yen ngelaṅ nà, mba num ngelaṅ z'a be njam yen nà là. Ngelaṅ bon ba mfetù ke ndo' ngonngon benntùn, bo bwe bon bo là, tshen bon nà na' mb'a ben neta bo be mbwembwe là, benntùn tse lén sob ju'ni là.

A ju ze Noa na' ngù là. A lo ghù njoṅ tshu fa tse Nsi na' ntshob yi là.

Nsi tshob Noa ndù: Yôg benntùn mi num nsitsha'a, me bèn njù' ndùlala. Nefètte lem dun num nsitsha' num nu benntùn. Ndùlala me nsi biagte yub boa tsha'a.

Lo' ntshwèn tù s'a ta là nkom sitima yi. O nsi kebt'é nto'nto' lo' zin diaṅ i yi njam ntùm bwe mba njam njù.

Nsi lôte tsha'a, njen ndù nukebwô dun bwe; nummbe njoṅ benntùn fa lo ghù à be nzin kebwô num nsitsha'a.

Tsho ntùm sitima bin à njoṅ tshu fa ts'a be njôg là, o ke ndo' yub bàa bàa, mandum bo mènnzwi, mba zit lo num ze tshaṅ i.