UPUTUKILO 1 سے مشہور بائبلی آیات

شئیر

Zambi yamba ngwenyi, Tulingenu mutu mu chano chetu, mwe mu kulifwa chetu. Akapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia yimuna, ni helu lia hashi heswe, ni helu lia akwa kukalala eswe aze akukalala hashi. Mba Zambi yatanga mutu mu chano chenyi; mu chano cha Zambi yamutanga. Lunga ni pwo yaatanga.

Mba Zambi yaawahisa. Zambi yamba kuli ayo ngwenyi, Semenu nuliokese, nukazalise hashi, nukazeyeseho. Nukapwe ni chiyulo helu lia yishi a mu kalunga-lwiji, ni helu lia tujila a mwilu, ni helu lia tushitu eswe akwenda hashi.

Ha uputukilo Zambi watangile malilu ni hashi.

Hashi hapwile hahululu kanda hamokomoko mba helu lia jondo hapwile milima. Spiritu ya Zambi wapwile nikujingajinga helu lia meya.

Zambi yamba ngwenyi, Kupwe pangu, mba yikupwa pangu.

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Zambi yamona pangu, ngwenyi, Linapeme, mba Zambi yahandununa hakachi ka pangu ni milima.

Zambi yamba ngwenyi, Talenu hinanwaha yiputa yakwima mbuto yili hashi heswe, ni mitondo yeswe yize yikwete mihuko yakwima mbuto. Yeswe muyipwa ya kulia kuli yenu.

Zambi yaluka pangu ngwenyi, Tangwa. Milima yayiluka ngwenyi, Ufuku. Yikupwa chingoloshi, yikupwa chimene, tangwa litangu.

Mba Zambi yamba ngwenyi, Hakachi ka meya hapwe kuzazuluka chikahandunune meya ni meya.

Ni kuli tushitu eswe a hashi, ni tujila eswe a mwilu, ni eswe akukalala hashi akwete mwono, hinaaha yiputa ya wisu ya kulia. Mba yichipwa chocho.

Zambi yamba ngwenyi, Kupwe mapangu mwilu akahandunune mwalwa ni ufuku. Akapwe yilayi, ha tungonde, ni ha matangwa, ni ha miaka.

Zambi yamba ngwenyi, Ha mavu hasoke mwambu, ni yiputa yakwima mbuto, ni mitondo ya mihuko yize yakwima mihuko nikulita ni milali yayo, yize yikwete mbuto yayo muchima ha mavu. Yichipwa chocho.

Zambi yatanga kuzazuluka, yahandununa meya a kushi lia kuzazuluka ni meya a helu lia kuzazuluka, yichipwa chocho.

Mba ha mavu hasokele mwambu, ni yiputa yakwima mbuto nikulita ni milali yayo, ni mitondo yakwima mihuko yikwete mbuto yayo muchima nikulita ni milali yayo. Mba Zambi yachimona ngwenyi, Chinapeme.

Zambi yatanga e mapangu aali anene; pangu linene likayule mwalwa, pangu likepe likayule ufuku. Yatanga matongonoshi nawa.

Zambi yamba ngwenyi, Meya aze ali kushi lia lilu aswile muma mumuwika, mavu omu asoloke. Yichipwa chocho. Zambi yaluka mavu omu ngwenyi, Hashi. Kuswila cha meya yachiluka ngwenyi, Kalunga-lwiji, mba Zambi yachimona ngwenyi, Chinapeme.

Mba Zambi yaawahisa ngwenyi, Semenu nuliokese, nukazalise meya a mu kalunga-lwiji. Tujila aliokese hashi.

Zambi yamba ngwenyi, Hashi hazale ni akwa mwono nikulita ni mavungu jo, ni yimuna, ni akwa kukalala, ni tushitu a hashi nikulita ni mavungu jo. Mba yichipwa chocho.

Zambi yamba ngwenyi, Meya akazale ni yizavu ya akwa mwono. Tujila akahumuke helu lia hashi mu kuzazuluka cha lilu.

Zambi yalinga tushitu a hashi nikulita ni mavungu jo, ni yimuna nikulita ni mavungu jo, ni akwa kukalala eswe nikulita ni mavungu jo. Mba Zambi yachimona ngwenyi, Chinapeme.