ลูกา 11 سے مشہور بائبلی آیات

شئیر

อัมไป​พู​นาก็​ปัน​กวย​โลยฮ​กวย​บาบ ‍ อัมไป​ก็​นัง​ออ์น​เนว​ก็าก​เนว​ออ​กับ​กอน​คอง​อัมไป ‍ เจอ​พูซาง​พู​นาก็​ปัน​อัมปูอ​คอง​อัมไป​ปัอะ​ซะวัน​อะกี ‍ อัน​ก็​แฮง​ซี​ออ์น​เนว​ก็าก​เนว​ออ​กับ​อัมไป ‍ พู​อะลาะ​นาก็​แซก ‍ พูซาง​ก็​ซี​ออ์น​พู​กี​เบิน​ตะนายฮ​วินญาน​บอ์ริซุด​เตฮ​ออยะ" ‍ อังกิ​พะเยซู​เวา​นึง​จุม​ลูกซิด​เรือง​กาน​แซก​เรือง​กาน​อะทิดทาน ‍

"ไน​เมือ​อัน​ปัน​อังกิ​เจอ ‍ กึ​ซี​เวา​อังกิ​เดอ​กับ​อัมไป ‍ ออ์น​อัมไป​แซก​โลด ‍ เจอ​อัมไป​ก็​ซี​เบิน​เนว​นาก็​อัมไป​แซก​อะกี ‍ ออ์น​อัมไป​อันจูอยะ​โลด ‍ เจอ​อัมไป​ก็​ซี​โฮม​เนว​นาก็​อัมไป​อันจูอยะ​อะกี ‍ เจอ​ออ์น​อัมไป​โกะ​ปองโต​โลด ‍ เจอ​ปองโต​อะกี​ก็​ซี​ปัฮ​ออ์น​อัมไป ‍

พอะ​ปาย​พู​อะลาะ​นาก็​แซก ‍ พู​กี​ก็​ซี​เบิน ‍ พู​อะลาะ​นาก็​อันจูอยะ ‍ พู​กี​ก็​ซี​ละมอ์ฮ ‍ เจอ​พู​อะลาะ​นาก็​โกะ​ปองโต ‍ ปองโต​อะกี​ก็​ซี​ปัฮ​ออ์น​อัน ‍ เจอ​เนว​นาก็​อัมไป​แซก​นึง​พูซาง​อะกี ‍ อัมไป​ก็​ซี​เบิน​คือ​กัน ‍ คะแนม​อัมไป​แซก​อัอด​ตัอ​แปะ ‍

ซัง​อังกิ​พะเยซู​เลิด​เวา​ปาย ‍ "บัด​อัมไป​อะทิดทาน​ก็​ออ์น​อัมไป​เวา​อังกิ ‍ 'อัมปูอ​เอย ‍ มะเฮะ​อี​อะเยอะ​ละมึฮ​คอง​ไม ‍ พอะ​ปาย​ไม​ปัน​พู​นาก็​ยิงไย​บอ์ริซุด​ซมควน​ซี​เบิน​เกียด​อับ​อะเลอ ‍ แซก​ออ์น​ตัอะ​ไว ๆ เดอ ‍ มือ​นาก็​ไม​ซี​ตัอะ​ปกครอง​กวย​กู​นาะ​อะกี ‍

เจอ​แซก​ออ์น​ไม​อะไพ​คูอม​โลยฮ​คูอม​บาบ​คอง​มะเฮะ ‍ กือ​นาก็​มะเฮะ​อะไพ​พู​นาก็​อะไล​ตาะ​เนว​ตัอ​จับ​ตัอ​ออ​กับ​มะเฮะ​คือ​กัน ‍ เจอ​แซก​ออ์น​ไม​จูอย​มะเฮะ​ออ์น​เลก​จน​แว็ด​เดอ ‍ เนว​อะลาะ​นาก็​ซี​จวน​มะเฮะ​ปัอะ​ตาะ​เนว​นาก็​โลยฮ​อะกี' ‍ ออ์น​อัมไป​อะทิดทาน​แบบ​ไน​เดอ" ‍

แซก​ออ์น​มะเฮะ​เบิน​เนว​จีา​กู​จะไง​กือ​นาก็​มะเฮะ​จำเป็น​ตอง​เบิน​อะกี ‍

นึง​เต็นตอ์​คอง​กวย​ไฮ ‍ เนว​นาก็​เปรียบเทียบ​กือ​ตะเกียง​ก็​กือ​กลองมัด ‍ ค็าน​มัด​ไฮ​ออ ‍ ค็าน​ไฮ​ปรีาง​โฮม​ก็าก ‍ อัน​ก็​ซี​ซำ​กัน​กับ​เต็นตอ์​คอง​ไฮ​เบิน​อัอด​นึง​คูอม​ละลีาง​จน​ญิ​เจอ ‍ ฮัก​ค็าน​ไฮ​ตัอ​ปรีาง​โฮม ‍ เต็นตอ์​คอง​ไฮ​ก็​ซี​ซำ​อัอด​นึง​คูอม​กะนำ​จน​ญิ ‍

เจอ​พะเยซู​ก็​เวา​เปรียบเทียบ​แอน​ปาย ‍ "ตัอ​เบิน​มะเลอ​ดัก​นาก็​ตะก็าด​ตะเกียง​เจอ​ซี​เอด​อะปัอะ​ปะตอ์ะ ‍ ลือ​เอด​ท็าง​อะกรุบ​อะดอะ ‍ ฮัก​อัน​ซี​ต็าง​อะดอะ​จับเจือ ‍ เพือ​กวย​นาก็​มูด​จอ์ะ​ดง​คอง​อัน​ซี​ปรีาง​โฮม ‍