APAN AQAO: 15 سے مشہور بائبلی آیات

شئیر

Abram wa ASANG re khug ngha: ra"- ce: mathao mae ASANG wa yao: re ngaui mung: yao: re khae: yu: ra".

Ai: thao Abram wa qhu" lho dalam: myao mung:- ASANG wa yao: re- Abram we" dagyaug wa,- ngo wa nao re gyaug ci" rumae" gug: gam byid: nae"- amung: jhaung qhu" qi: byid: nae" ga: ta" ra" thoe re the' gyo" ra".

ASANG wa yao: re taung gaung khyo jhui" thug' ye: mung: mug:gaung re qu" wa, amung: kyi jham re nghe' qu" wa, nao wa ai: khyi jham nho" ni" myid:zo: qe qo" li" nae"- ga: ta" ra".

Ai: thao yao: wa ai: jeim Elieze wa ni" nho: jo,nho" ma re sang nae" mangad: nao yao" yauggai zo: wa ni" nho: yham khaung sang yaug ngad: li" nae" ga: dao: dam: jhau: ra" thoe re the' gyo" ra".

ASANG wa yao: re Ni" myid:zo: qe wa taung bug mung" mae bang" vo boe" li" genae" yao: bam wa ai: mung" mae jeim doe, mung: byid yo zin lam: lam: se' da: be, khyad' kad' ru qhug' li" genae".

Ngadqere: Abram wa phung qam: so' ASANG we"- nao ngore pe" jhaung qhu" byid: nae" i? Ngo wa zo: dau lhao" re: maqo" yaug angad:. Nga" yham khaung sang: yu nae" yaug wa Damasku mae" Elieze za: ngad: ra".

Ailao" aitau mae ASANG wa Abram we' dao: thang" kad' ra". Yao: wa- Kenid mung"- Kenizi mung" Kadoni mung"- Hiti mung" Parizi Rephaim- Amori Khanan ni- Girgashid- Yebusi byu qere na: ra" mung" ngad: ra"- Egutu mug: kyo: mae" Uphrad gyaung: joe" sho' ngad: ra" ce: mug: myid alhab' re ni" myid:zo: qere ngo byid: nae" ein: ngo dao:so: byid' ra"- ga: ta" ra".

Ni" myid:zo: qe ce: jo, qo khyo tug' joe" lo nae" byu byid qae: myao" li" nae"- pe"mung:ga"re yao: bam wa gyai makhyang: mo, boe" li" mung: qobo dae byid' ru qhug' yo, joe" sho' ngo wa Amori byu qere makhe' thug' pye' nae"- ga: ta" ra".