မဿဲ 7 سے مشہور بائبلی آیات

شئیر

“တောင်းကတ်၊ တောင်းရေဆိုကေ နင်ရို့ ရကတ်လိမည်။ ရှာကတ်၊ ရှာရေဆိုကေ တွိကတ်လိမည်။ အရာ တန်ခါးပိတ်ကို ခေါက်ကတ်၊ ခေါက်တေဆိုကေ နင်ရို့အတွက် ဖွင့်ပီးလိမည်။

အကြောင်းကား တောင်းရေလူတိုင်း ရကတ်တေ၊ ရှာရေလူတိုင်း တွိကတ်တေ အရာ တန်ခါးပိတ်ကို ခေါက်တေ လူတိုင်းအတွက် ဖွင့်ပီးရေ။

“ယင်းအတွက်န ငါ ပုံဥပမာတစ်ခု တင်ပြမည်။ ငါ့စကားကို ကြားရေအတိုင်း လိုက်နာသူစာ ပညာဟိတစ်ယောက်နတူရေ။ သူစာ ကျောက်ပြင်မာ အုပ်မြစ်ချရို့ အိမ်ဆောက်လီရေ။

“ယင်းအတွက်န နင်ရို့စာ အခြားလူရို့က ကျေးဇူးပြုခြင်းကို ရချင်ရေပိုင် နင်ရို့လည်း သူရို့ကို ကျေးဇူးပြုကတ်၊ အကြောင်းကား ဒေ စကားစာ မောရှေ၏ ပညှတ်တရားန ဘုရားသတင်းပို့သူရို့ အဓိက သွန်သင်ချက် ဖြစ်တေ။

ယေကေလည်း အသက်ရှင်ခြင်းတို့ လားစာလမ်းန လမ်းခဝစာ သျှေလည်းသျှေရေ အရာ ကျဉ်းလည်းကျဉ်းရေ။ ယင်းလမ်းကနီရို့ ဝင်လားသူ နည်းကတ်တေ။

“ကျဉ်းစာလမ်းခဝကနီရို့ ဝင်ကတ်၊ အကြောင်းကား ငရဲမီးအိုင်တို့ လားစာလမ်းန လမ်းခဝစာ ကြီးလည်းကြီးရေ အရာ ကျယ်လည်းကျယ်ရေ။ ယင်းလမ်းကနီရို့ ဝင်လားသူ များကတ်တေ။

နင်ရို့ ဆိုးယုတ်ကတ်ကေလည်းသောက် နင်ရို့စာ ကိုယ်ရို့မာ သားသမီးရို့ကို ကောင်းစာ ဝန်တိကို ပီးဖို့တတ်ကတ်တေ။ ယင်းပိုင်ဆိုကေ စဉ်းစားကြည့်ကတ်၊ နင်ရို့မာ ဂေါင်းခင်ဘုံသျှင် အဖစာ ကိုယ့်ဘားမာ တောင်းကတ်သူရို့ကို အရာလည်း ပိုရို့ ကောင်းစာ ဝန်တိကို ပီးဖို့ မဟုတ်လော!

ယေရှုစာ အရာလည်း ပြောလီရေ၊ “နင်ရို့ အခြားတစ်ယောက်ကို တရားမစစ်ဆေးကတ်ကေ့။ ယင်းပိုင်ဆိုကေ နင်ရို့လည်း တရားစစ်ဆေးခြင်းကို ခံရကတ်လိမည် မဟုတ်။ အကြောင်းကား နင်ရို့ အခြားတစ်ယောက်ကို တရားစစ်ဆေးရေပိုင် နင်ရို့လည်း တရားစစ်ဆေးခြင်းကို ခံရကတ်လိမည်။ အရာ နင်ရို့ အခြားတစ်ယောက်ကို ခြင်ရို့ ပီးကတ်စာပိုင် နင်ရို့လည်း ခြင်ရို့ ရကတ်လိမည်။

“ယေကေလည်း ငါ့စကားကို ကြားရေအတိုင်း မလိုက်နာသူစာ ပညာတုံးတစ်ယောက်နတူရေ။ သူစာ သလဲပြင်မာ အိမ်ဆောက်လီရေ။

“နင် ကိုယ့်မျက်စိမာ မျက်ချီးတစ်ပုံကို မမြင်ဘိုင်းန နင့် ညီအစ်ကို မျက်စိမာ မျက်ချီးတစ်ဖဲ့သျှေကို ဇာဖို့ မြင်နီစာလည်း? နင့် မျက်စိမာ မျက်ချီးတစ်ပုံ ဟိရို့အတိုင်းလည်း နင် ဇာပိုင်ပျင်ရို့ နင့် ညီအစ်ကို မျက်စိက မျက်ချီးတစ်ဖဲ့သျှေကို ထုတ်ဘိုက်လိုက်မည် ဟို့ ပြောနိုင်စာလည်း?

“အယောင်ဆောင် ဘုရားသတင်းပို့သူရို့ကို ရှောင်ကတ်! သူရို့စာ ယဉ်စာ သိုးဆိတ်ပိုင် ဟန်ဆောင်ရို့ နင်ရို့တို့ လာကတ်တေ၊ ယေကေလည်း သူရို့စာ အစာမွတ်စာ တောခွီးနတူကတ်တေ။ သူရို့ အယောင်ဆောင် ဖြစ်ကတ်တေဆိုစာကို သူရို့မာ အကျင့်သီလတိကို မြင်ရို့ နင်ရို့ သူရို့ကို သိရကတ်လိမည်။ စူးခြုံမာ စပျစ်သီး မသီးနိုင် အရာ ကြောင်ခြိုက်ခြုံမာ သဖန်းသီး မသီးနိုင်။

ယင်းပိုင်တထန် ကောင်းစာအပင်မာ ကောင်းစာအသီး သီးရေ အရာ မကောင်းစာအပင်မာ မကောင်းစာအသီး သီးရေ။

ကောင်းစာအပင်မာ မကောင်းစာအသီး မသီးနိုင် အရာ မကောင်းစာအပင်မာ ကောင်းစာအသီး မသီးနိုင်။

အသီးကောင်း မသီးစာအပင်စာ ခွတ်ရို့ မီးဖေါ်မာ အထည့် ခံရရေ။