متّی 13 سے مشہور بائبلی آیات

شئیر

پَر چَنڳی مٹی اِچ چھَٹیے ڳئے بیج او ہِن جیرھے تعلیم کُوں سُݨ کرائیں اُونکُوں سمجھ گھِندِن اَتے وَدھدے وَدھدے تریِہہ گُنا، سَٹھ گُنا اَتے سو گُنا پَھل چا گھِندِن۔“

اَتے جیرھے بیج کنڈئیں آلی بوٹئیں اِچ چھَٹیج ڳئے ایہ او لوک ہِن جیرھے تعلیم کُوں سُݨدے تاں ہِن پرَ دُنیاں دی فکر اَتے دولت دا دھوکہ اُوں تعلیم کُوں دبا گھِندے اَتے او پَھل نَئیِں چیندی۔

جیرھے بادشاہی دا پیغام تاں سُݨدِن پَر اُونکُوں سمجھدے نَئیِں ایہ اُنہیں بیجیں وانگوں ہِن جیرھے راہ دے نال چھَٹیج ڳئے اَتے وَل بُرا آ کرائیں او پیغام دِلیں اِچوں کڈھ ویندے جیرھا اُنہیں دے دِلیں اِچ رَہا ݙِتا ڳیا ہا۔

جیرھے لوک تعلیم کُوں سُݨدے ای خُشی نال مَن گھِندِن اُوں بیج وانگوں ہِن جیرھے پَتھریلی جاہ تے چھَٹیج ڳئے۔ اُنہیں اِچ تعلیم دی پاڑ نَئیِں پھَپھَڑدی اِیں کیتے او ڈھیر عرصہ تعلیم اُتے قائم نَئیِں رَہندے اَتے جݙّاں کُوئی مُصیبت یا ݙُکھ دا شکار تھِیندِن تاں او گُمراہ تھی کرائیں اِیمان کنُوں پِھر ویندِن۔

یِسُوع ہِک ٻئی مثال سُݨائی، ”اَسمان دی بادشاہی کھیت اِچ لُکیے خزانے وانگوں ہے جیرھا کہیں بندے کُوں مِلیا اَتے اُوں اُونکُوں وَلا لُکا ݙِتا اَتے او ٻَہُوں خُش تھِیا اَتے اپݨی ساری جائیداد ویچ کرائیں اُوں کھیت کُوں مُل گھِن گھِدا۔“

اَتے کُجھ بیج چَنڳی زمین تے ڈھٹے اَتے پَھل پُھل کرائیں، کِتھائیں سَو گُنا کِتھائیں سَٹھ گُنا اَتے کِتھائیں تریِہہ گُنا پیداوار ݙِتی۔

رَڑھ کپیڄݨ تَئیِں اُنہیں کُوں کݨک دے کٹھے وَدھݨ ݙیو، اُوں ویلے مَیں کپݨ آلیاں کُوں آکھ ݙیساں جو پہلے کَوڑے داݨے کٹھے کر گھِنو اَتے اُنہیں کُوں ساڑݨ کیتے گٹھیں ٻَدھ گھِنو وَل کݨک کُوں کَٹھا کر کرائیں میݙے گودام اِچ جمع کر ݙیو۔‘“