متّی 20 سے مشہور بائبلی آیات

شئیر

پَر تُساں ہِک ٻئے نال اِیویں نہ کراہے پَر جیرھا وَݙّا ٻݨن چاہوے او ٻنہیں دا خادم ٻݨے۔ اَتے جیرھا تُہاݙے اِچوں اُچا مرتبہ چاہندے او تُہاݙا ٻاہنا ٻݨے۔ جیویں جو اِبنِ‌آدم یعنی مَیں اِیں کیتے نَئیِں آیاں جو ٻئے میݙی خدمت کرَݨ پَر اِیں کیتے آیا جو مَیں ٻنہیں دی خدمت کراں اَتے اپݨی جان لوکیں کیتے فِدیے اِچ ݙیواں۔“

اَتے یِسُوع آکھیا، ”اِیویں جیرھے چھیکڑی ہِن او پہلے تھی ویسِن اَتے جیرھے پہلے ہِن او چھیکڑی تھی ویسِن۔“

یِسُوع کُوں اُنہیں اُتے ترس آیا اَتے اُوں اُنہیں دی اَکھیں اُتے ہَتھ رکھیا اَتے او ہُوں ویلے ݙیکھݨ لڳ پئے اَتے اُوندے پِچھُوں ٹُر پئے۔