Mberaand 3 سے مشہور بائبلی آیات

شئیر

O tew oxe a ga’a yee xa tim axe no ndaxar ne kaa mos bo too a yaawnoox, ne’atiim da mbaag o cooxit yiif. A dalfooxa o woq na xa tim axe, a moɗ, soo a ci o kor oxe ten reeƭna paam um ta moɗ itam.

No muumeen ke o Yaal oxe Roog a sak’ina fop, da ndef na koƥ ale, fangool fee moƴ’u o ƴiƴ teen. A laamta o tew oxe yee: «Ndax no ndigil Roog kaa lay ee nu moɗkee xa tim axe no taxar ke na ƭing ale fop?»

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»

A geleerooxa, a lay o tew oxe yee: «Xam ɓaat o ƭomel gaaj of. Boo o ƥiy a sutooraa na wo, o ɗomel boo mat o xon, too yaqankee o ƴufanaa o kor of yaam a yuxum, too ten na kelfa’kang.»

Boo yaa o nomtooxkaa no lanq ke hat’oona, ñiitoox foop no rak of na taxkaa o jeg ñaamel. No lanq ke hato, too teen o nomtooxkaa.»

A laya a Aadama yee: «Feek kaa o nan o ñuxur no teef, moɗ o rim ole no ndaxar ne xañit’oonga, lanq ke a salooxe yaam wo. No ñaal ke no ñoow o ñis of fop, ŋos-ŋos tigi na taxkaa o jeg ñaamel.

O Yaal oxe Roog a laamtaan ee: «An andnoorong ee o ƥor yoqo yee? Ndax kaa o moɗ o rim ole no ndaxar ne xañit’oonga?»

A cinj ye ta raxna o koor oxe, a sipa pindel yeeyetax no batand naa na ƭing alaa Edeen, da saq laƥ kaa na kaƥaa, a yetooxaa a ƭat ale jofna no ndaxar ne no ñoow ole.

O koor oxe a ne’a o teem Awa, ee yaam ten refu ya no wiin we fop.