متّی 19 سے مشہور بائبلی آیات

شئیر

یسُوع اُنہاں دو ڈیکھ تے آکھیا، ”اِنسان کیتے تاں ایہ نا ممکن ہے پر خُدا کیتے سبھ کُجھ ممکن ہے۔“

بس او ڈُو نئیں بلکہ ہِک تَن ہِن۔ اِیں واسطے جِینکُوں خُدا جوڑیا ہے اُونکُوں اِنسان جُدا نہ کرے۔“

اُوں جواب ءچ آکھیا، ”کیا تُساں نئیں پڑھیا جو مُنڈھ کنُوں خالق اُنہاں کُوں مرد تے عورت بنڑایا تے آکھیا جو ’اِیں وجہ تُوں مرد آپنڑے ماء پِیُو کنُوں اَنج تھی تے آپنڑی ذال نال راہسی تے او ہِک تَن ہوسن؟‘

پر یسُوع آکھیا، ”بالاں کُوں میڈے کولھ آوݨ ڈیؤ تے اُنہاں کُوں نہ ہٹکو کیوں جو اسمان دی بادشاہی ایجھیاں ای دی ہے۔“

پر بہُوں سارے جیہڑے اوّل ہِن آخر تھی ویسن تے آخر اوّل۔“

تے جئیں کہیں گھراں یا بِھرانواں یا بھینڑاں یا پِیُو یا ماء یا بالاں یا رَڑھاں کُوں میڈے ناں دی خاطر چھوڑ ڈِتے اُونکُوں سو گُنا مِلسی، تے او ہمیشاں دی زندگی دا وارث تھیسی۔

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

اُوں اُونکُوں آکھیا جو ”تُوں مَیں کنُوں نیکی بارے کیوں پُچھدیں؟ نیک تاں بس ہِک ای ہے پر جے تُوں زندگی ءچ داخل تھیوݨ چاہندیں تاں حُکماں اُتے عمل کر۔“

مَیں وَل آدھا ہاں جو اُٹھ دا سُوئی دے نکے ءچوں لنگھ ونجنڑ، دولت مند دے اسمان دی بادشاہی ءچ داخل تھیوݨ کنُوں زیادہ سوکھا ہے۔“

مَیں تُہاکُوں آدھا ہاں جو جیہڑا کوئی آپنڑی ذال کُوں اُوندی حرامکاری دے سِوا کہیں بئی وجہ کنُوں چھوڑ ڈیوے تے کہیں بئی عورت نال شادی کر گِھنے او زِنا کریندے [ تے جیہڑا کوئی اُوں چھوڑی ہوئی نال شادی کریندے او وی زِنا کریندے۔]“

تے یسُوع آپنڑے شاگرداں کُوں آکھیا، ”مَیں تُہاکُوں سچ آدھا ہاں جو دولت مند دا اسمان دی بادشاہی ءچ داخل تھیوݨ مُشکل ہے۔