Metiu 5 سے مشہور بائبلی آیات

شئیر

Tera ixo singe aros elam ma i lok livin i maxalapok ke ebaket. Ikop. Ni i lok livin i te evanga xikis seren, kusu evesoso ren na soso amolonga nidi axava konong ke eunu. Teren mun na engas bina lok evesoso tirimi na soso mugaga emomono, kusu tina mik eroloklok mapmaran bi kolox i, ma tina mimi asu mine Tamami re exalibet.”

Nimi bi langan evesoso ti evapua axava. Loxo kolonu vuruk i kis pana re evakubu, noxo epovo ri lok pilinge.

Nidi ua ebeak kindi i madakdak, ne Moroa ga lox anarong di, teia tinabo mix i.

Nidi ua ti vavara lexengepe ti kolok eroloklok momoton, ne Moroa ga lox anarong di, teia nini nabo ruxe aumsu evapakes sindi.

Mado a xoran tirimi xodek, bina beamu nidi ti munemik minimi, ma binan sing tindi ti kolok asongot nimi

“Nidi ua ti etere i loxo ebeak kindi i pakes si ne Moroa, ne Moroa ga lox anarong di, teia emomono xodek tinabo beles te eninto re exalibet.

Nidi ua ti kolok emium kitibukot tindi ti kis munemik, ne Moroa ga lox anarong di, teia nini nabo torong di examadak keren.

Nidi ua mo tin teng tuntun, ne Moroa ga lox anarong di, teia nini nabo lok amamana ebeak kindi.

Nidi ua ti kip erosongsongot tevangasa ti kolok eroloklok momoton, ne Moroa ga lox anarong di, teia emomono xodek tinabo beles te eninto re exalibet.

Nidi ua ti bearun emomono ves, ne Moroa ga lox anarong di, teia nini nabo bearun di.

Loxo emomono tina xora tirimi mi erokoxora miningot ma tina sev asongot nimi ma tina xoxora mumu nimi mi erokoxora ella tevangasa nimi bi mumu ia, ne Moroa ga lox anarong nimi. Bina umsu mi eleklek ma bina sosoro, teia eunun puruk mo i kolok kirimi nak pana te exalibet. Teia teren mun na engas exulau xoxora livi tiga roro mugaga tirimi ti ga leke erosongsongot.”

Nidi ua ti kolok asii ero asing kindi, ne Moroa ga lox anarong di, teia nini nabo rebe di min na evua axava.

Ma ne Iesu ga xora bok kindi xodek, “Nimi bi langan exontas ti evapua axava. Mado loxo edotdoso te exontas na xava, noxop bok tin te ngas pes kusu ti lok amamau amu box i. Noxop maran tan ti lok tevanga min, koren ma tibo iu xepe min ma emomono tibo but aminingor i.

Nimi bina kolok mapmaran tutuna langan ne Tamami i kolok pana re exalibet ip maran tutuna.”

Bina xapie mun kodek, ii o ikop. Te erokoxora bok pana ren na, i eia monak ke eradi miningot.”

Ma ne Iesu ga xora bok kodek, “Biga rongai na exoxora xis tiga xorai xodek, ‘Loxo u lok borot exatli tera, exatli bok kunu tibo lok borot i. Ma loxo u sep pit engisak ke era, engisak bok kunu tina sep pir i.’ Mado a xoran i tirimi kodek: Bigus sepo eminingot tera i lok i riu. Ikop. Loxo tera na voso pales tuna runu, una vukupe box i ti voso pales u re xia runu.

Loxo exatli tuna tunu na lok asubu u ti eminingot, una ik asu i ma una iu kepe min. I lok pukat tiu loxo una lok kepe texot te ebantuxu tunu, kusu ebantuxu axava tunu noxo beles ti exot songsongot. Loxo exumak tuna na lok asubu u ti eminingot, una lak korop i ma una iu xepe min! I lok pukat tiu loxo una lok kepe texot te ebantuxu tunu, kusu ebantuxu axava tunu noxo beles ti exot songsongot.”