Yohaanisa 15 سے مشہور بائبلی آیات

شئیر

“Taani woyne ubba; hinte tasheta. Tanan de7eysinne taani iyan de7eysi, I daro ayfe ayfana. Ta bayna hinte xalaala aykoka oothanaw danda7eketa.

Tanan de7ite; taanika hintenan de7ana. Woyne tashey ubbara doona ixiko he tashey barka ayfe ayfanaw danda7enna. Hessadaka, hinteka tanan de7onna ixiko ayfe ayfanaw danda7eketa.

Hinte tanan de7iko, ta qaalayka hintenan de7iko, hinte koyiyabay ayba gidikoka woossite; hinte ekana.

Taani hintena doorasipe attishin, hinte tana dooribeketa. Hinte bidi dhayonna ayfe ayfana mela taani hintena shuumas. Yaaniko, ta Aaway hinte ta sunthan woossidaba ubbaa immana.

Ba shempuwa ba laggiyas aathidi immeysafe aadhiya gita siiqoy baawa.

I, ta bolla de7iya ayfe ayfonna tashiya ubbaa karees. Ayfiya tashiya kasepe aadhidi ayfana mela he tashiya I giigisana.

Ta kiitay haysa; taani hintena dosidaysada hinteka issoy issuwa dosite.

Hinte daro ayfe ayfiya ta tamaare gidiko, hessan ta Aaway bonchetana.

“Taani tuma woyne ubba. Goshshanchoy ta Aawa.

Tanan doonna uray tashiyada karen yegitidi melana. Hessa mela tasheti shiiqidi taman yegetana, xuugetana.

“Ta ufaysay hintenan gidana melanne hinte ufaysay polo gidana mela taani hintew hessa odas.

Taani ta Aawa kiitaa naagada iya siiquwan de7idaysada hinteka ta kiitaa naagiko ta siiquwan daana.

Ta kiitay haysa: issoy issuwa dosite.

Hinte alamiyaba gidiyako alamey hintena dosana. Shin taani hintena alamepe doorida gishonne hinte alamiyaba gidonna gisho alamey hintena ixees.