UBWANDILO 27 سے مشہور بائبلی آیات

شئیر

Kyala akutimikisyege indungwa ya kumwanya, akupege ni mboto pakisu! Ifikolo fya bandu fikubombelege ugwe, fibungulukege nkyeni mmyako! Uyege Malafyale ku bamyinu, na ba bamyinu aba muli nnemwe yumoywene bakulambilege ugwe! Bagunigwege bosa aba bikukuguna ugwe, Basayigwege aba bikukusaya ugwe!”

Umwene Esau alinkuti, “Ngimba muka momumo kumbagilile itolo ukuti abilikiligwege ingamu ya Yakobu? Namanga lilino ansyobile une kabili, mbwandilo apokile ubwakipanda bwangu; kangi lilino po ambokile une ulusayo.” Popapo Esau alinkundalusya ugwise, alinkuti, “Gwe Tata, ngimba uli nulusayo lumolwene itolo, ukansyakisyapo lumo ulungi?”

Popapo Isaka alinkumbula alinkuti, “Keta, gwisakuyengaga kubutali ni kisu ikya mboto, indungwa ya kumwanya yitisakugibundasyaga imigunda gyako. Fyosa ifyakukutula gwisakufyagilaga mu nkulwa ubwite, gwisakumbombelaga unnugunago. Loli linga kisile ikyinja ikyakunsambukila, po gwisakwiyabulaga ku ngoye syake isi akupinyile ugwe.”

Esau alinkwendela ukumpyelesya ugwise alinkuti, “Gwe Tata, ngimba gwali nulusayo lumolwene itolo, unsayege nanine bo gwe tata?” Po lelo Esau alinkukuta fiyo.