Jean 14 سے مشہور بائبلی آیات

شئیر

I jèka kinè gumi ga. Gumi ga i va kinè. I va kinè, ara man herkeda a va kinè ka ɓai. Kin gu zlau te ndav kinè ɓai, kin gudzu ɓai!

A Yèsu a ngaɗa na: Iyè civèɗ, a ma nzuraʼa, a nshèffê; ndo ngiɗè a shkè a sam Bab ga azɓai, sèi a bezkaɗ a iyè.

Kin gu zlau te ndav kinè ɓai! Vo-co Zhiklè a ndav kinè, va-ciyè a ndav kinè ba!

Ndo nʼnza kinè a deɓa, Mèzhèb Zhiklè nkezlaʼa, man Bab ga a da zlündkodai a nzlembaɗ ga, nengaʼa a da senda kinè skwi tèlèba. Ma man i gaɗa kinè, a da hodko kinè tèlèba a gèɗ.

Ndo man a ngots a ma nkwèr ga a fi gèɗèʼa, nengaʼa ndo man a woy iyè a ndav na. Ndo man a woy iyè a ndav na, Bab ga ba a woy nengaʼa a ndav na, a i woyaʼa a ndav ga, a i da ngreda na va ga.

A i woy a i tsi ri a Bab ga, a va kinè ndo nʼnzaka kinè a deɓa, man a nzi a sam kinè a mèdèp, Mèzhèɓ nzuraʼa, man herkeda a slaha a ncè ɓai, te man a rka bai, a sun bai. Aman kinè, kin sun nengaʼa, te man nengaʼa a nzi a sam kinè, a zhè te ndav kinè.

A skwi ko mèmè kin jhèɗè a nzlembaɗ ga, i giaʼa, a ta slébèrdè Bab ga te kra na. Aman kin jhèɗè skwi te ri ga a nzlembaɗ ga, i woya man i giaʼa.

Aman kin woy iyè a ndav kinè, va-fu gèɗ a ma nkwèr ga

Te gi Bab ga, sam a zhè kumba. Man az arsa ɓai, ar i gaɗa kinè. I woy a i dè a i tila kinè sam a hai.

Aman i da tila kinè sam a hai, a di i shkè a deɓa, a i hil kinè a sam ga. Aman a sam man iyè a pa, kinè ba a pa.

Thomas a ngaɗa na: Bai, nga sun sam man ka dè a pa ɓai, a nga slaha nga shin civèɗ dè?