Jean 4 سے مشہور بائبلی آیات

شئیر

Zhiklè, Mèzhèɓ, a ndohi man ta woya a ta tsi riaʼa, sèi ta tsi riaʼa te Mèzhèɓ, a nzuraʼa.

Aman patsaʼa a shkè, ani a zhè ma, aman ndohi man ta tsi ri Zhiklè zuraʼa, ta tsi ri a Bab Zhiklè te Mèzhèɓ Zhiklè, a nzuraʼa. Aman Bab ga a woya a ta tsi ri arsa.

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

A Yèsu a mʼmbeɗa na a ma: Aman agassa ka sun skwi man Zhiklè a vi a ndohai, a ka sun nengaʼa man a gaɗa ka: Ɓedzay iyam a i siaʼa, ar ka jhèɗè nengaʼa, a nengaʼa a nva ka iyam nshèffè.

A Yèsu a ngaɗa ta: Na haha, skwi nʼndi ga, aman i gi skwi man ndo nzlindekayè a woya i giaʼa, a i ndivè mizlinè nengaʼa.

A ngwoz a ngaɗa na: Bai, skwi man a ka kèl iyam a vna, azɓai; thal iyam nra a vata. Ka ngècè iyam nshèffè tema?

Ngwoz a ngaɗa na: I suna, Messie a di a shkè, ta baha na Kristi. Aman nengaʼa a da shkè ma, a da senda nga skwi tèlèba. Yèsu a ngaɗa na: Nengaʼa iyè, man nga gèɗè a ka, haha.

Vo-washkè, va-rka ndo ngiɗè man a gaɗayè skwi tèlèba man i gau. Nengaʼa Kristi ka ɓi ɗè?