Luk 3 سے مشہور بائبلی آیات

شئیر

Tar binaka ka siokor uahuhuisir tamat, Iesu ka uahuhu ponoin, doh gine re lotu peon i Heuene ke takapuk, doha Iabena Dedeil ke la uaponaha tatanon misiana tar tukununar baluh, kare mene turuha God i Heuene pare, “Ingga ter tuguo geru malahirintiehe tunin, doh inggo u uaha totomua.”

Temaeitie Jon ke mene hahaua tasisina pare, “Inggo u uahuhu keip tamiuoum tar kodom, bo a tang sioko ger i ranantiehe uain na nitampopokoho totoguo, inggon e turung lame. Doh inggo ahik pono paha tamata uaia tar luaka tena toking bungbungunar suon, inggono tere turung uahuhu keip tamiuoum tar Iabena Dedeil, doho hue.

Ahik! Bo inggoum puk mu uapalih, karung ueldolomo katongosioum mare ualasirasioum pare, kung uapalih tenami niguata uasa. Doh ahik pah mu uelkule katongosioum pare, ‘God ahik pahe uabato tagigeig, ge inggeig pe o bunguna Abraham.’ ” “Inggo gine ru hire tamiuoum, God e matot e guata mo bubunguna Abraham tar palauanine!

Ginempe daan God e kaleuatoro tar uabato tasir tamata ge ahik pah ra uapalih tenas niguata uasa. God e turung uabato tasisina ngohina tar tamata gere kaleuatoro tar kangana tar tokout uahiua tar doukunit ge ahik pahe uauaia me kukuanan, kare ualuh taninina toro hue!”

Misianar nibolo uahiua peono tono buk propet Aisaia pare, “A tang siokor tamata gere kila uauleik tur tar butur paden e kula pare, ‘Kaleuatoro tena leler Tamata Noman, uakodkodoho tanika toro lel, o ueltageihina ro siusana ra siokor uig, doho siusan mero ponponina ra uamalatahaig, doho lele ger pudpudo ra uakodkodohoig, doho butur ger sa ra tuha uamamadalouoig, doho tamata uakapa ra turung banga gete uelkarus God tasir tamat.’ ”