ᒨᓯᓯ ᓯᕗᓪᓖᑦ 3 سے مشہور بائبلی آیات

شئیر

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᖁᒡᓗᒋᐊᕐᓕ ᓯᓔᕐᕆᒃᓯᒃᑲᐅᓂᕐᐸᐅᓚᐅᕐᐳᖅ ᐆᒪᔪᓕᒫᓂᑦ ᓄᔪᐊᕐᑐᓂᑦ ᐊᑕᓂᐅᑉ ᒎᑎᐅᑉ ᐱᓐᖑᕐᑎᓯᒪᔭᖏᓐᓂᑦ. ᖁᒡᓗᒋᐊᓪᓗ ᐊᕐᓇᖅ ᐊᐱᕆᕚ, “ᒎᑎ ᐅᖃᓚᐅᕐᐹ, ᓇᐹᕐᑐᓂᑦ ᓇᓪᓕᐊᓐᓂᑐᐃᓐᓇᖅ ᓂᕆᔪᒃᓴᐅᓐᖏᓚᓯᒃ ᐱᕈᕐᓰᕕᖕᒦᑦᑐᓂᒃ?”

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᐊᕐᓇᒧᓪᓗ ᐅᖃᕐᐳᖅ, “ᐋᓐᓂᐊᕐᔪᐊᖃᑦᑕᕈᒫᓕᕐᐳᑎᑦ ᐃᕐᓂᓱᓕᕌᖓᕕᑦ; ᐋᓐᓂᐊᕐᓗᑎᑦ ᕿᑐᕐᖓᕐᑖᖃᑦᑕᕈᒫᓕᕐᐳᑎᑦ, ᑍᒤᒃᑲᓗᐊᕐᑎᓪᓗᒍ ᐅᐃᖕᓄᑦ ᐱᔪᒪᓂᕾᓐᓇᕐᓂᐊᕐᐳᑎᑦ, ᐅᐃᓪᓗ ᐊᖓᔪᖅᑳᖑᓂᐊᕐᐳᖅ ᐃᓕᖕᓄᑦ.”

ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”

ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᓂᒃ ᓈᓚᓚᐅᕋᕕᑦ, ᓇᐹᕐᑐᒥᓪᓗ ᓂᕆᓪᓗᑎᑦ ᐃᓂᕐᑎᕈᑎᒋᓚᐅᕐᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᕐᓯᑎᑕᐅᓂᐊᓕᕐᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᕐᓗᑎᑦ ᓂᕿᒃᓴᕐᓯᐅᕐᐸᖕᓂᐊᓕᕐᐳᑎᑦ ᓄᓇᒥ ᐃᓅᓯᓕᒫᕐᓂ.

ᑖᑦᓱᒪ ᐊᐱᕆᕚ, “ᑭᐊ ᐊᓐᓅᕋᖃᖏᓐᓂᕋᕐᓗᑎᑦ ᐅᖃᐅᑎᖕᒪᑎᑦ, ᓂᕆᓚᐅᕋᕖᑦ ᓇᐹᕐᑐᒥᑦ ᓂᕆᖁᓇᒃ ᐃᓂᕐᑎᕈᑎᒋᓚᐅᕐᑕᓐᓂᒃ?”

ᐊᖑᓪᓗ ᐊᓂᑎᑉᐹ ᑕᕝᕙᓐᖓᑦ; ᐂᖏᓕᓗ ᓯᕈᐱᒻ ᑕᕝᕗᓐᖓᕐᑎᑉᐹ ᐱᕈᕐᓰᕕᐅᑉ ᐄᑕᓂᐅᑉ ᖃᐅᓕᕐᕕᐊᑕ ᓇᓛᓄᑦ, ᓴᕕᒡᔪᐊᕐᒥᒡᓗ ᐃᑯᐊᓚᔪᒥᒃ ᓇᒧᑐᐃᓐᓇᖅ ᓵᖃᑦᑕᕐᑐᒥᒃ ᑕᕝᕗᓐᖓᕐᓯᒋᓪᓗᓂ, ᐊᖅᑯᑦ ᓴᐳᒻᒥᓪᓗᒍ ᓇᐹᕐᑐᒧᐊᖓᔪᖅ ᐃᓅᓯᖃᕐᓇᕐᑐᒧᑦ ᐃᓱᖃᖏᑦᑐᒧᑦ.

ᐊᖑᑎᐅᓪᓗ ᓄᓕᐊᓂ ᐊᑦᓯᕐᐹ ᐄᕕᒥᒃ; ᐊᓈᓇᒋᔭᐅᓕᕐᒪᑦ ᐃᓅᔪᓕᒫᓄᑦ.