Joni 15 سے مشہور بائبلی آیات

شئیر

“Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Amukalilile muli ndime anebo ndaakukalilila muli ndimwe. Taaku musampi utabete kucinyina weenga wacata shisepo. Inga wacatabo shisepo na kooli kucinyina. Mbweeke ubo amwebo tamukoonshi kucata shisepo na mwabuula kukalilila muli ndime.

Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Taaku lusuno lunene muntu ndweenga wabaalo kwiinda loolu lwakwaamba ayi aabe buumi bwakwe ceebo ca babye.

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Mulawo wangu ngooyu, amusunane bweenka mboomusuni anebo.

Na kamucata shisepo shiinji, ico inga caletela bulemu baTa, alimwi cilaakutondesha ayi muli bashikwiiya bangu bancinencine.

“Nebo ndi munyansa wancinencine alimwi baTa mbobene muunda.

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

“Ndamulwiita shintu ishi kwaamba ayi kusangalala kwangu kube muli ndimwe alimwi akwaamba ayi kusangalala kwanu kushikeewo.

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Anu mulawo wangu ngwakwaamba ayi musunane.

Nemwalinga kwikala mbuli bamucishi ca panshi naakwiinga kabamusuni. Ono mukwiinga mwebo tamubete bamucishi, sombi ndakamusala kuswa muli ncico, balimupatite.