ZYAŊ 15 سے مشہور بائبلی آیات

شئیر

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

Ràrɛɛna rì mɛ̀ yɛ̀ɛ ǹɗì ǹɗàrɛn ri mìni. Ŋwaɓ wu yin lɛ wu wum ɓìɗùn wɔ rì wɔ, di wu yin wu ràrɛn ɗi ǹɗyèm. Fɔlɔɔ nnɛ mìni girig ɓì yin lɛ ɓì wum ɓìɗùn di ɓì yin ɓɛràrɛn ɗi mɛ̀.

I ɓì rì a lɔ̀ŋkɛm̀, ɓiɓan ɓyɛm̀ ɓi ɓa rì ìkɔ̀ɔ̀ ɓi mìni, tɔɔghna com kìcèm ki ɓì kɔ̀ni, ɓɛ ri mìni kɔ ɓiì faà.

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

Ǹkɔ̀nɛ̀n àdɛŋ à cee ɓi anɛ lɛ, mum a fa cɛɓ kii ɓisuu mɛghan mii.

Ŋwaɓ wucèm wu wu ri wù ròŋɛn ɓi mɛ̀, wɛ̀ kɛɛ̀ wum ɓiɗùn, à ti à rengì wɔ. Ŋwaɓ wucèm wu wu wumi ɓìɗùn, à farì wɔ lɛ wɛɛ konag tì kì wumì.

Kìdɔ̀gsɛna kɛm̀ ki ri lɛ: Kɔnɛɛna mìni rì mìni, fɛlɛ yɛ̀ɛ mɛ̀ ǹkeesìghà mìni.

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

Mɛ̀ ǹɗì kɔɔ̀kɔɔ̀ à dɛm i viìnyɛ̀, Seŋi wɛ̀m m̀pègsɛ̀n dɛm.

Ŋwaànɛ à yin nɗàrɛn ɗi mɛ̀, ɓɛ mag nyi ɓi dan yɛ̀ɛ ŋwaɓ wu kite, à womdàg; ɓɛ ɓadɛ̀n min myaɓ mɛ ɓiloŋ mɛǹ, ɓɛ pig mɔ ɓi ɗuu, mɛ ɗikì.

Ǹkalii mìni fɔlɔɔ lɛ, kìnyàà ki ǹɗì rì kɔ, kɛɛ ɓa a lɔ̀ŋkin, kìnyàà kin ki ki ron lɛ kɔɔ̀kɔɔ̀.

I ɓì ɓèŋi ɓìdɔ̀gsɛna ɓyɛm̀, ɓì ɓiì kɔ̀rii ɓi nkɔ̀nɛ̀n wɛ̀m, fɛlɛ yɛ̀ɛ mɛ̀ m̀ɓègà ɓìdɔ̀gsɛna ɓi Seŋi wɛ̀m fɔɔnnɛ ǹkɔ̀kɔrii ɓi nkɔ̀nɛ̀n wìì.

Kìɓan ki mɛ̀ ǹsiŋ̀dɛɛ mìni ki ri lɛ, ɓi kɔnɛn mìni rì mìni.

I ɓi ɓa ɓum ɓɛ ziinɛ, di ziinɛ ì rì lɛ ì keesì mìni fɛlɛ yɛ̀ɛ com ki yɔ̀. Nni yɛ̀ɛ ɓì yin ɓum ɓɛ ziinɛ, ki ki ɓa lɛ m̀ɓɔ̀ngà mìni, m̀pisì mìni ɓi ziinɛ, kɛɛ̀ki ziinɛ yɛɛ̀ ɓèeɓeèzɛ̀n mìni miì.