IRPHUTNA 22

Pathianin Abrahama a nâi Isaka inhlan hranga inphût

1 # Heb 11.17-19 Khan, hiang hin a nia, zoro sôtloite hnunga chu, Pathianin Abrahama chu a fiaa, “Abrahama,” a tia; khanchu ama’n “Hin ki om,” a tia. 2#2 Tsn 3.1 Khan ama’n, “Ni nâi, ni nâikhât neisun, ni inrentak Isaka kha hruaiin lân, Moria rama khan fe ro, kha hmuna nang ki ihril hrang tâng inkhata khan hâlirvôm thilinhlan ro,” a tia.

3Khan Abrahama chu zînga a thoia, thing a tuka, a neinun pêlna sakuartung le a siahlo ompuihai inhni leh a nâi Isaka a hruaihaia; Pathianin a ihril pena tiang khan a fe tâka. 4Khan, sûn thum ni tena chu Abrahama kha a hong tanga, a fena hrang hmun chu hlavitin a la hmua. 5Khanchu Abrahama’n a siahlohai ruai kuang khan, “Hi hmuna hin sakuartung leh hin lei om roi, kei le nâipang hi so hmuna son va fe kin ta, Pathian chubai va mûk kin ta, kha zoiin nin kuang hong kîr nôk kin ti,” a tia. 6Khan Abrahama’n hâlirvôm thilinhlanna thing kha a lâka; a nâipa Isaka a’rputtira; ama’n mei le chemte chôiin a nâipa leh an fea. 7Khan Isaka’n a pa Abrahama kha hiang hin a ti pea, “Ka pa,” a tia; khan ama’n, “Ki nâipa hin ki om,” a tia. Khanchu Isaka’n, “En ro, mei le thing chu a oma; khannisian hâlirvôm thil inhlan hrang belra tuai teh khôn mo a om?” a tia. 8Khan Abrahama’n, “Ki nâipa, Pathianin ama ta hranga thilinhlan hrang chu a zoro taka ni pe a ti,” a tia. Khaang khan an irzui maia.

9 # Jak 2.21 Khan, Pathianin a inhrilna hmun chu an va tunga; Abrahama’n maichâm a siam irfûka, thing a tana a buka, a nâipa Isaka kha a khita maichâm chunga an zâltira. 10Khan, Abrahama’n chem an bana a nâipa thatna hrangin. 11Khan, Rengpa vântirtônin irvân ata a zuan sama, “Abraham, Abraham,” a zuang tia: khan ama’n, “Hin ki om,” a tia. 12Khan Pathianin, “Nâipang chunga khan ni kut insum no’n lân, ite tôn viat no ro: ni nâi neisun khom pêk hrangin nin hroi ta no sikin, Pathian ni chi ti kin hriat ta,” a tia. 13Khan Abrahama khan a hnung a’rheia, a en vêla, a hnung tiang belrachal a’rki thinga inôk hi a ngîr pea; khanchu Abrahama’n belra kha a chela, a nâipa irthûlin hâlirvôm thilinhlanna hrangin a hmang tâka. 14Khasikin Abrahama’n kha hmun irhming kha Jehova Jire a phua tâka; a vuan sûn tena, Rengpa tânga ngaitua ni a ti, an iti ngai ang hin.

15Khan Rengpa vântirtônin voihnina irvân ata a zuan sam nôka, 16#Heb 6.13-14 “Hi thil hi ni tho tâk sikin, ni nâi neisun nin hroi ta no sikin, sat nang vur ngêt ki ti. 17#Heb 11.12 Irvâna ârsi zât le tuia chiai tam nêkin ni’rchihai la’npung ngêt ki ti, nir chihaiin an irdoipuihai kul mikot khom la nei an tih ti le. 18#Tîr 3.25 Ki hê ni lâk tâk sikin, ni’rchi lai ata rammuala chi tin vânsatna la dong an ti; mâni le mâni irtiin thu ki inkung a ni ta, Rengpa’n a ti,” a zuang tia. 19Kha zoiin chu Abrahama chu a siahlo pasal hnihai omna khan a kîr nôka, khanchu Beerseba khan Abrahama chu a om ngai tâka.

Nahora irchihai

20Khan hiang hi a hong nia, Abrahama kuang khan, “Irngai ro, Milkaii khomin ni sangpa Nahora kha nâi a neipui ta,” iti an hrila. 21A nâilutîr chu Uza a ni, a sangpa chu Buza a ni, Kemuela, Arama pa le; 22Kheseda hai, Hazova hai, Pildasa hai, Jidlafa hai, Bethuela hai hi an nia. 23Khan, Bethuela’n chu nâinupang Rebeki a neia, hi mi kiriathai hi Milkaii, Abrahama sangpa Nahora nâihai an ni. 24Meithâinu irhming Reumi nu khomin Teba hai, Gahama hai, Tahasa hai, Maaka hai, a ineihai a ni.

موجودہ انتخاب:

IRPHUTNA 22: HRACLBSI

سرخی

شئیر

کاپی