Cwaan 19
19
1Miitahsh kii'anoohkii Paailat (Pilate) ci‑ishiwinimintc Ciisahsoon cipahpahshanshe'ikaniwinitc. 2Shimaakanihshak itahsh okiihtatipaninaanaawaan kihciokaawiminakashiiwatihkwanan, ekii'oncioshihtoowaatc pahsihkwepisowaanohkwaan. Okiihpihtaanohkwaane'aawaan Ciisahsoon. Miitahsh kaa'ishipihcihkonaye'aawaatc e'mahkatemiskwaanik ehkinwekaninik kihciokimaank ci‑ishinaakosinitc. 3Okii'naanaasihkawaawaan tahsh ekii'inaawaatc: “Kihcipooshoo kiin okihciokimaamiwaan Coowak!” okii'ayinaawaan. Ekiihpahpahsiinkwekanaamaawaatc kaye.
4Miinawaa tahsh a'a Paailat kiihsaaka'am ekiihkanoonaatc i'imaa kaaishimaamawenonitc: “Inashke hsa, miinawaa kikasaakisiihtamawininim, cikihkenimek ekaa e'mihkamowaahsiwak kekoon cioncinihsintipan,” okii'inaa'. 5Miitahsh kaa'ishisaaka'ank Ciisahs ehkikishkank i'iwe okaawiminakishiiwaanohkwaan kaye kaamahkatemiskwaanik ehkinwekaninik. Amiihsh i'iwe kaa'ihkitotc Paailat: “Ina wa'a inini!”
6Ahpii tahsh Kihcianami'ewikimaak kaye kanawencikewi-shimaakanihshak e'waapamaawaatc Ciisahsoon, kiihshaakowewak: “Akosaka'o aashiteyaahtikonk! Akosaka'o!” kii'ihkitowak.
Paailat itahsh kii'ihkito: “Kiinawaa ko ishiwinihk, awiakosaka'ohk. Niin wiin kaawiin nimihkamowaahsiin keoncikiishaahkonikaniwitc cioncinihsintc,” okii'inaa'.
7Kii'nahkwehtamook itahsh iki kaamaamawenowaatc: “Niinawint nintayaamin i'iwe Onahshowewin. Inahte piko cinihsintc, aaniihsh Kishemanitoo oKosihsan kii'ishinihkaanitiso,”#19.7 nintayaamin Onahshowewin: waapantan Lev. 24.16. Kishemanitoo oKosihsan kii'ishinihkaanitiso: waapantan John 10.33-36. okii'inaawaan.
8Ahpii tahsh Paailat kaa'noontank o'owe ihkitowin, awahshime kiihkihcisekisi. 9Miinawaa kiihpiintike otipaahkonikewikamikonk ekiihkanoonaatc Ciisahsoon: “Aanti wenciiyan?” okii'inaan.
Kaawiin tahsh kekoon okii'ikohsiin. 10Paailat itahsh kii'ihkito: “Kaawiin ina kiwiihkanooshihsii? Kaawiin inahsh kikihkentansiin cikashkihtooyaan cipakitininaan kaye cikashkihtooyaan ciakosaka'okooyan aashiteyaahtikonk?” okii'inaan.
11Miitahsh kaa'ishinahkwehtaakotc: “Kaawiin kitaakashkihtoohsiin kekoon citootawiyan, mii ehta ishpimink oncimiinikooyan. Miitahsh o'oweni onci kaakiihpakitinamawihk a'a inini citipaahkonikooyaan, nawac mii 'aweti inentaakosi ehkikisitc i'i macitootamowin,” okii'ikoon Ciisahsoon.
12Miitahsh ekii'noontank a'a Paailat, otaanakiihkakwemihkaan keshipakitinaatc Ciisahsoon. Coowak itahsh kaakiihpaahtiinowaatc kiihshaakowewak: “Kiishpin pakitinatc a'a inini kaawiin kiwii'minwenimaahsii Maawac Kihcikokimaa. Kahkina awiya kaaitisotc wiin ehkihciokimaawitc e'itisotc, otaanawenimaan ini Maawac Kihciokimaan.”
13Ahpiihsh a'a Paailat kaa'noontank kaaihkitonitc, okiihsaakisi'aan miinawaa Ciisahsoon. Amiihsh kaa'ishionapitc otipaahkonikewapiwinink i'imaa kaa‑ayaanik, KaaAhsiniiwaapihkahk kaaishinihkaatek. Amii 'iwe Hiiparoo (Hebrew) kaaishikiishwemakahk, Kaapahtaa (Gabbatha). 14Mii 'iwe ahpii kekaa e'aapihtakiishikahk, ekii'ishikiishikahk e'waweshihcikewaatc ewiihPimaaci'ikoowi Wiihkwantink. Miihsh 'owe Paailat okii'inaa' Coowa': “Wa'a kikihciokimaamiwaa!”
15Kiihshaakowewa' itahsh: “Inkoci weti maaciish! Awinihshi! Aashiteyaahtikonk ciakosaka'watc!”
Paailat itahsh kii'ihkito: “Ninka‑akosaka'waa na kikihciokimaamiwaa?”
Kihcianami'ewikimaak itahsh okii'nahkwehtawaawaan: “Kaawiin awiya ninkihciokimaaminaan nintayaawaahsiwaanaan, mii ehta Maawac Kihciokimaa.”
16Miitahsh kekahpii Paailat kaa'ishipakitinamawaatc ciakosaka'waanitc Ciisahsoon.
Ekii'akosaka'ontc Ciisahs aashiteyaahtikonk
(Matthew 27.32-34; Mark 15.21-32; Luke 23.26-43)
Shimaakanihshak itahsh okii'maaciinaawaan Ciisahsoon, 17wiin ekiihpiminikehtamaasonitc otaashiteyaahtikomini,#19.17 otaashiteyaahtikomini: mii hsa kahkina awiya kaakii'inaahkonintc cinihsintc kaahtootawintc ci‑ishiwanetc otaashiteyaahtikoman ci‑ishiwinaatc aanti waahtashi akosaka'ontc. Kaakiihpimitaahkwakoocininitc ehta kaakiihpimiwane'intc. ekii'anisaaka'aminitc ootenaank, piinihsh ekii'ani‑ishaatc weti Ohtikwaanikekanihkaank kaaishinihkaatenik pihkwatinaa, mii 'iwe Coowak kaaishikiishwewaatc Kaalkahtaa (Golgotha). 18Amiitahsh weti kaahtashiakosaka'waawaatc Ciisahsoon aashiteyaahtikonk. Tako ahshic niishin ininiwa' okiihsaka'waawaa'. Kwehkwehk inahke kii'akoocinoo' kaa'ishipatahkisonitc aashiteyaahtikoo'. Ciisahs itahsh nahsawaya'ii 'imaa kii'akoocin. 19Paailat (Pilate) tahsh okii'oshipii'aan kihkinawaapancikan. Kii'anoohkii ciahcikaatenik 'imaa aashiteyaahtikonk. Miihsh 'iwe kaa'ishipii'ikaatek: “Ciisahs Naasaritink (Nazareth) wenciitc, Coowak Okihciokimaamiwaan.” 20O'o kihkinawaapancikan okii'anamihtoonaawaa niipiwa' awiya, aaniihsh pehsho 'imaa ootenaank kii'ayaa Ciisahs ekiihtashiakosaka'ikaniwitc. Miitahsh 'iwe nihswayak e'ishikiishwenk kii'ishipii'ikaate kihkinawaapancikan, Hiiparoo (Hebrew), Laahtin (Latin), Kariihk (Greek) kaa‑ayishikiishwenk kii'ishipii'ikaate. 21Okihcianami'ewikimaamiwaa' itahsh iki Coowak okiihkanoonaani Paailatoon: “Keko wiin ishipii'anken, ‘Coowak Okihciokimaamiwaan!’ 'Owe wiin ishipii'an: ‘Wa'a kaa'ihkitotc, niin Coowak okihciokimaamiwaan,’ mii 'iwe ishipii'an,” okii'ikoo'.
22Paailat tahsh okii'nahkwehtawaa': “I'iwe kaakii'oshipii'amaan, aaniihsh inaa ninkii'oshipii'aan,” okii'inaa'.
23Shimaakanihshak itahsh ahpii kaa'ishkwaa‑akosaka'waawaatc Ciisahsoon, okii'otaahpinaanaawaan ini Ciisahsoon okikishkikanini 'imaa kaa/ahtenikin. Okii'niiwihtoonaawaan tahsh tetak pepankii ciayaawaatc iki shimaakanihshak ekii'niiwiwaatc. Takohsh kaye kii'ayaani kaakii'naapishkaminitc. Mihcipeshikwan kii'oshihcikaate misiwe piinihsh mishakaameyiik. Kaawiin kii'niishokwaatehsinoon. 24#Psa 22.19. Mii 'iwe kaa'ishikanoonitiwaat shimaakanihshak: “Kaawiin kikapiikopitoohsiimin, mihcishinawiwepiniketaa, awenen keayaatc,” kii'ihkitowak. Mii 'iwe kaa'ishiwepahk citipihsek i'i Kihcioshipii'ikewin kaaihkitoomakahk:
“Kii'nenaawinamaatiwak ini ninkikishkikanan
kaye kaakii'naapishkamaan kii'oncishinawiwepinikewak,”
ihkitoomakan. Mii 'iwe tepwe shimaakanihshak kii'ishihcikewak.
25'Imaa tahsh otaashiteyaahtikomink Ciisahs, ciikaya'ii kii'niipawiwan omaamaan, kaye omaamaan wiicihkweni kiihtakoniipawiwan. Shikwa Meri (Mary) Kaloohpahs (Clopas) wiiwan, kaye kotak Meri Maakatalaank#19.25 Maakatala hsa ootena kaakii'ayaak ninkaapii'anonk inahkekaam Kaalaliiwi Saaka'ikaniink. (Magdala) kaaonciitc, kii'ahshicikaapawiwak. 26Ciisahs okii'waapamaan ini omaamaan kaye ini peshik okihkino'amawaakanan maawac kaasaaki'aatc ehciikikaapawinitc i'imaa. Miitahsh kaa'ishikanoonaatc ini omaamaan: “Nimaamaa!” okii'inaan, “kikosihs wa'a.” 27Shikwa okiihkanoonaan okihkino'amawaakanan: “Wa'a kimaamaa,” okii'inaan. Miitahsh 'imaa ahpan iko wa'a kihkino'amawaakan okii'ishiwinaan wiin kaaishitaatc ekiihtashikanawenimaatc ini omaamaani Ciisahsoon.
Ekii'nipotc Ciisahs
(Matthew 27.45-56; Mark 15.33-41; Luke 23.44-49)
28 #
Psa 22.16. Ciisahs tahsh okiikihkentaan aasha kahkina kekoon ehkiishihcikaatenik, miihsh citipihsek i'i Kihcioshipii'ikewin kii'onci‑ihkito: “Ninoontewii'minihkwe.”
29Kii'ahte 'imaa onaakan e'mooshkinepiik kaawentakintek shoominaapo. Iska'ipaan itahsh kiihcehkipinikaate shoominaaponk, miitahsh okii'ahtoonaawaan aanihkawashkwaahtikonk, ihsap#19.29 Mii hsa 'iwe ihsap (hyssop) tinowaahtik kaakii'aapatahk kiikihci inahkamikahk, miskwiink ekii'ishi cehkipiinikaatek, miitahsh kaaishi sihswepiikiwepinamawintwaa awiyak. Waapantan Hebrews 9.19. (hyssop) e'ishinihkaatek, ekii'niimaahkwa'amawaawaatc itahsh otooniniink Ciisahsoon e'mina'aawaatc. 30Ahpii tahsh kaakii'minihkwetc, mii 'iwe kaa'ihkitotc: “Aasha kahkina kiishihse!”
Kii'acitawihkweni tahsh, amii ko ekii'nipotc.
Shimaakanihsh ekiihpashipa'waatc Ciisahsoon ohpimenaw
31Coowak kaaniikaanisiwaatc okiihkakwecimaawaan Paailatoon (Pilate) cipoohkokaatekanaamimintc#19.31 cipoohkokaatekanaamimintc: ninkotink awiya hsa kiiakosaka'ontc kiihpoohkokaatekanaamaa cikitaahtapaahpinetc. i'i kaakii'akosaka'ikaniwinitc, kaye cionciotaahpinikaatenikin aashiteyaahtikonk wiiyawini. Mii 'owe kaakii'oncikakwecimaawaatc, ekiihPahkweshikanikiishikahk ekii'ishikiishikahk ekii'waweshihcikewaatc ewii'Anwepiiwi kiishikaninik. Aaniihsh kaawiin kii'inentansiiwak keyaapi ciakootenikin ewii'Anwepiiwi kiishikaninik, aaniihsh aahpici kiihkihci‑inentaakwan i'i kaawii'Anwepiiwi kiishikahk.#19.31 Memintake hsa ko kiiwiihkihci‑inentaakwan i'i kaakiiwii'Anwepiiwi kiishikahk, aaniihsh mii 'i ahpii kaa'maatahkamakahk kaakiih Pimaaci'ikoowi Wiihkwantink. 32Miitahsh i'iwe kaakii'onci‑ishaawaatc shimaakanihshak ekii'awipoohkokaate'waawaatc ini nihtam kaye ini kotak kaakiihtako akosaka'okoomaanitc Ciisahsoon. 33Ahpii tahsh wiin wetihsaawaatc Ciisahsoon okii'waapamaawaan aasha ekii'niponitc. Mii'i kaawiin okiihpoohkokaate'waahsiwaawaan. 34Peshik itahsh iki shimaakanihshak, pashipa'ikan okiihpashipa'waan Ciisahsoon ohpimenaw. Shemaak kii'oncisaakiciciwan nipi kaye miskwi. 35A'a tahsh kaakii'waapantank okiihtipaatotaan, kekiinawaa tahsh cionciotepwehtamowiniyek. Tepwemakanini otipaacimowin. Okihkentaan iko ehtepwetc. 36#Exo 12.46; Psa 34.21. O'o kii'onci‑ishihcike'aa Ciisahs citipihsek i'iwe Kihcioshipii'ikewin kaaishipii'ikaatek: “Kaawiin awaac peshik ohkan cipiikonikaatenik,” ihkitoomakan. 37#Zech 12.10; Rev 1.7. Miinawaa tahsh kotak Kihcioshipii'ikewin ihkitoomakan: “Okakanawaapamaawaan ini kaakiihpashipa'waawaatc.”
Ekii'na'inintc Ciisahs
(Matthew 27.57-61; Mark 15.42-47; Luke 23.50-56)
38Kahkina kaa'ishkwaaishihsek o'o, kii'ishaa Coosap (Joseph), mii weti Eramahtiiya (Arimathea) ootenaank kaakii'onciitc. Miiwan ini peshik Ciisahs kaakiihpiminisha'okotc. Kiimooc itahsh kiihpiminisha'ike Coosap, ekiihkohsaatc oniikaanisiiwi Coowa'. Mii wa'a okii'awikakwecimaan Paailatoon (Pilate) ewii'otaahpinank wiiyawini Ciisahsoon. “Eha' kikaotaahpinaan,” okii'ikoon. Miitahsh kaa'ishi‑ishaatc Coosap ekii'awiotaahpinank i'i wiiyawini ekii'animaaciitootc. 39#Jhn 3.1-2. Kiihpiishaa kewiin Nihkatiimahs (Nicodemus), a'a nihtam ehtipihkaninik kaakii'antawaapamaatc Ciisahsoon. Okiihpiitoon kaaminomaakwaninikin#19.39 kaaminomaakwahkininikin: okii'inwaataanaawaan wiipa cinihshiwanaataninik wiiyaw.. Mar (myrrh)#19.39 Mar (myrrh) mii hsa 'i kaaicikaatek minaakwa'on kaaonciik mihtikopikiink., aaloos (aloes)#19.39 aaloos (aloes) mii hsa 'i kaaminomaakwahk kaaoncioshihcikaatek aniipiihshink. kaakinikawinikaatekin kiihtinowan, maakishaa ninkotwaahk tahsokosikwan minihk. 40Miitahsh oko niishin okii'otaahpinaanaawaa wiiyawini Ciisahsoon, ekiihtitipeyiikinamowaatc waapishkiikin, tako 'i kaaminomaakwaninik ekii'mashkihkiiwihtoowaatc. Mii 'i kaa'ishihcikewaatc Coowak e'na'inamowaatc miiyaw. 41I'imaa kaakiihtashinihsintc Ciisahs, pehsho 'imaa kii'ayaa kihtikewin. I'imaahsh kihtikewinink wiimpaapihkohkaan tino kaashina'initink kii'ayaa, ekaa wiihkaa mahshi awiya 'imaa ekii'na'inaahsiwintc. 42Mii 'imaa kaa'ishina'ihsitoowaatc Ciisahsoon wiiyawini, aaniihsh aasha kii'ishikiishikan cipwaa Anwepiiwi-kiishikahk,#19.42 Anwepiiwi kiishikahk: kiipankihshimonk mii hsa e'maacihsek Anwepiiwi kiishikahk. Waapantan kaye 5.10. kaye kiihpehshowan i'i kaashina'initink i'imaa kaakiihtashiniponitc.
موجودہ انتخاب:
Cwaan 19: OJBR
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Ojibwe Shorter Bible (Roman Script) © 2008 Canadian Bible Society
Cwaan 19
19
1Miitahsh kii'anoohkii Paailat (Pilate) ci‑ishiwinimintc Ciisahsoon cipahpahshanshe'ikaniwinitc. 2Shimaakanihshak itahsh okiihtatipaninaanaawaan kihciokaawiminakashiiwatihkwanan, ekii'oncioshihtoowaatc pahsihkwepisowaanohkwaan. Okiihpihtaanohkwaane'aawaan Ciisahsoon. Miitahsh kaa'ishipihcihkonaye'aawaatc e'mahkatemiskwaanik ehkinwekaninik kihciokimaank ci‑ishinaakosinitc. 3Okii'naanaasihkawaawaan tahsh ekii'inaawaatc: “Kihcipooshoo kiin okihciokimaamiwaan Coowak!” okii'ayinaawaan. Ekiihpahpahsiinkwekanaamaawaatc kaye.
4Miinawaa tahsh a'a Paailat kiihsaaka'am ekiihkanoonaatc i'imaa kaaishimaamawenonitc: “Inashke hsa, miinawaa kikasaakisiihtamawininim, cikihkenimek ekaa e'mihkamowaahsiwak kekoon cioncinihsintipan,” okii'inaa'. 5Miitahsh kaa'ishisaaka'ank Ciisahs ehkikishkank i'iwe okaawiminakishiiwaanohkwaan kaye kaamahkatemiskwaanik ehkinwekaninik. Amiihsh i'iwe kaa'ihkitotc Paailat: “Ina wa'a inini!”
6Ahpii tahsh Kihcianami'ewikimaak kaye kanawencikewi-shimaakanihshak e'waapamaawaatc Ciisahsoon, kiihshaakowewak: “Akosaka'o aashiteyaahtikonk! Akosaka'o!” kii'ihkitowak.
Paailat itahsh kii'ihkito: “Kiinawaa ko ishiwinihk, awiakosaka'ohk. Niin wiin kaawiin nimihkamowaahsiin keoncikiishaahkonikaniwitc cioncinihsintc,” okii'inaa'.
7Kii'nahkwehtamook itahsh iki kaamaamawenowaatc: “Niinawint nintayaamin i'iwe Onahshowewin. Inahte piko cinihsintc, aaniihsh Kishemanitoo oKosihsan kii'ishinihkaanitiso,”#19.7 nintayaamin Onahshowewin: waapantan Lev. 24.16. Kishemanitoo oKosihsan kii'ishinihkaanitiso: waapantan John 10.33-36. okii'inaawaan.
8Ahpii tahsh Paailat kaa'noontank o'owe ihkitowin, awahshime kiihkihcisekisi. 9Miinawaa kiihpiintike otipaahkonikewikamikonk ekiihkanoonaatc Ciisahsoon: “Aanti wenciiyan?” okii'inaan.
Kaawiin tahsh kekoon okii'ikohsiin. 10Paailat itahsh kii'ihkito: “Kaawiin ina kiwiihkanooshihsii? Kaawiin inahsh kikihkentansiin cikashkihtooyaan cipakitininaan kaye cikashkihtooyaan ciakosaka'okooyan aashiteyaahtikonk?” okii'inaan.
11Miitahsh kaa'ishinahkwehtaakotc: “Kaawiin kitaakashkihtoohsiin kekoon citootawiyan, mii ehta ishpimink oncimiinikooyan. Miitahsh o'oweni onci kaakiihpakitinamawihk a'a inini citipaahkonikooyaan, nawac mii 'aweti inentaakosi ehkikisitc i'i macitootamowin,” okii'ikoon Ciisahsoon.
12Miitahsh ekii'noontank a'a Paailat, otaanakiihkakwemihkaan keshipakitinaatc Ciisahsoon. Coowak itahsh kaakiihpaahtiinowaatc kiihshaakowewak: “Kiishpin pakitinatc a'a inini kaawiin kiwii'minwenimaahsii Maawac Kihcikokimaa. Kahkina awiya kaaitisotc wiin ehkihciokimaawitc e'itisotc, otaanawenimaan ini Maawac Kihciokimaan.”
13Ahpiihsh a'a Paailat kaa'noontank kaaihkitonitc, okiihsaakisi'aan miinawaa Ciisahsoon. Amiihsh kaa'ishionapitc otipaahkonikewapiwinink i'imaa kaa‑ayaanik, KaaAhsiniiwaapihkahk kaaishinihkaatek. Amii 'iwe Hiiparoo (Hebrew) kaaishikiishwemakahk, Kaapahtaa (Gabbatha). 14Mii 'iwe ahpii kekaa e'aapihtakiishikahk, ekii'ishikiishikahk e'waweshihcikewaatc ewiihPimaaci'ikoowi Wiihkwantink. Miihsh 'owe Paailat okii'inaa' Coowa': “Wa'a kikihciokimaamiwaa!”
15Kiihshaakowewa' itahsh: “Inkoci weti maaciish! Awinihshi! Aashiteyaahtikonk ciakosaka'watc!”
Paailat itahsh kii'ihkito: “Ninka‑akosaka'waa na kikihciokimaamiwaa?”
Kihcianami'ewikimaak itahsh okii'nahkwehtawaawaan: “Kaawiin awiya ninkihciokimaaminaan nintayaawaahsiwaanaan, mii ehta Maawac Kihciokimaa.”
16Miitahsh kekahpii Paailat kaa'ishipakitinamawaatc ciakosaka'waanitc Ciisahsoon.
Ekii'akosaka'ontc Ciisahs aashiteyaahtikonk
(Matthew 27.32-34; Mark 15.21-32; Luke 23.26-43)
Shimaakanihshak itahsh okii'maaciinaawaan Ciisahsoon, 17wiin ekiihpiminikehtamaasonitc otaashiteyaahtikomini,#19.17 otaashiteyaahtikomini: mii hsa kahkina awiya kaakii'inaahkonintc cinihsintc kaahtootawintc ci‑ishiwanetc otaashiteyaahtikoman ci‑ishiwinaatc aanti waahtashi akosaka'ontc. Kaakiihpimitaahkwakoocininitc ehta kaakiihpimiwane'intc. ekii'anisaaka'aminitc ootenaank, piinihsh ekii'ani‑ishaatc weti Ohtikwaanikekanihkaank kaaishinihkaatenik pihkwatinaa, mii 'iwe Coowak kaaishikiishwewaatc Kaalkahtaa (Golgotha). 18Amiitahsh weti kaahtashiakosaka'waawaatc Ciisahsoon aashiteyaahtikonk. Tako ahshic niishin ininiwa' okiihsaka'waawaa'. Kwehkwehk inahke kii'akoocinoo' kaa'ishipatahkisonitc aashiteyaahtikoo'. Ciisahs itahsh nahsawaya'ii 'imaa kii'akoocin. 19Paailat (Pilate) tahsh okii'oshipii'aan kihkinawaapancikan. Kii'anoohkii ciahcikaatenik 'imaa aashiteyaahtikonk. Miihsh 'iwe kaa'ishipii'ikaatek: “Ciisahs Naasaritink (Nazareth) wenciitc, Coowak Okihciokimaamiwaan.” 20O'o kihkinawaapancikan okii'anamihtoonaawaa niipiwa' awiya, aaniihsh pehsho 'imaa ootenaank kii'ayaa Ciisahs ekiihtashiakosaka'ikaniwitc. Miitahsh 'iwe nihswayak e'ishikiishwenk kii'ishipii'ikaate kihkinawaapancikan, Hiiparoo (Hebrew), Laahtin (Latin), Kariihk (Greek) kaa‑ayishikiishwenk kii'ishipii'ikaate. 21Okihcianami'ewikimaamiwaa' itahsh iki Coowak okiihkanoonaani Paailatoon: “Keko wiin ishipii'anken, ‘Coowak Okihciokimaamiwaan!’ 'Owe wiin ishipii'an: ‘Wa'a kaa'ihkitotc, niin Coowak okihciokimaamiwaan,’ mii 'iwe ishipii'an,” okii'ikoo'.
22Paailat tahsh okii'nahkwehtawaa': “I'iwe kaakii'oshipii'amaan, aaniihsh inaa ninkii'oshipii'aan,” okii'inaa'.
23Shimaakanihshak itahsh ahpii kaa'ishkwaa‑akosaka'waawaatc Ciisahsoon, okii'otaahpinaanaawaan ini Ciisahsoon okikishkikanini 'imaa kaa/ahtenikin. Okii'niiwihtoonaawaan tahsh tetak pepankii ciayaawaatc iki shimaakanihshak ekii'niiwiwaatc. Takohsh kaye kii'ayaani kaakii'naapishkaminitc. Mihcipeshikwan kii'oshihcikaate misiwe piinihsh mishakaameyiik. Kaawiin kii'niishokwaatehsinoon. 24#Psa 22.19. Mii 'iwe kaa'ishikanoonitiwaat shimaakanihshak: “Kaawiin kikapiikopitoohsiimin, mihcishinawiwepiniketaa, awenen keayaatc,” kii'ihkitowak. Mii 'iwe kaa'ishiwepahk citipihsek i'i Kihcioshipii'ikewin kaaihkitoomakahk:
“Kii'nenaawinamaatiwak ini ninkikishkikanan
kaye kaakii'naapishkamaan kii'oncishinawiwepinikewak,”
ihkitoomakan. Mii 'iwe tepwe shimaakanihshak kii'ishihcikewak.
25'Imaa tahsh otaashiteyaahtikomink Ciisahs, ciikaya'ii kii'niipawiwan omaamaan, kaye omaamaan wiicihkweni kiihtakoniipawiwan. Shikwa Meri (Mary) Kaloohpahs (Clopas) wiiwan, kaye kotak Meri Maakatalaank#19.25 Maakatala hsa ootena kaakii'ayaak ninkaapii'anonk inahkekaam Kaalaliiwi Saaka'ikaniink. (Magdala) kaaonciitc, kii'ahshicikaapawiwak. 26Ciisahs okii'waapamaan ini omaamaan kaye ini peshik okihkino'amawaakanan maawac kaasaaki'aatc ehciikikaapawinitc i'imaa. Miitahsh kaa'ishikanoonaatc ini omaamaan: “Nimaamaa!” okii'inaan, “kikosihs wa'a.” 27Shikwa okiihkanoonaan okihkino'amawaakanan: “Wa'a kimaamaa,” okii'inaan. Miitahsh 'imaa ahpan iko wa'a kihkino'amawaakan okii'ishiwinaan wiin kaaishitaatc ekiihtashikanawenimaatc ini omaamaani Ciisahsoon.
Ekii'nipotc Ciisahs
(Matthew 27.45-56; Mark 15.33-41; Luke 23.44-49)
28 #
Psa 22.16. Ciisahs tahsh okiikihkentaan aasha kahkina kekoon ehkiishihcikaatenik, miihsh citipihsek i'i Kihcioshipii'ikewin kii'onci‑ihkito: “Ninoontewii'minihkwe.”
29Kii'ahte 'imaa onaakan e'mooshkinepiik kaawentakintek shoominaapo. Iska'ipaan itahsh kiihcehkipinikaate shoominaaponk, miitahsh okii'ahtoonaawaan aanihkawashkwaahtikonk, ihsap#19.29 Mii hsa 'iwe ihsap (hyssop) tinowaahtik kaakii'aapatahk kiikihci inahkamikahk, miskwiink ekii'ishi cehkipiinikaatek, miitahsh kaaishi sihswepiikiwepinamawintwaa awiyak. Waapantan Hebrews 9.19. (hyssop) e'ishinihkaatek, ekii'niimaahkwa'amawaawaatc itahsh otooniniink Ciisahsoon e'mina'aawaatc. 30Ahpii tahsh kaakii'minihkwetc, mii 'iwe kaa'ihkitotc: “Aasha kahkina kiishihse!”
Kii'acitawihkweni tahsh, amii ko ekii'nipotc.
Shimaakanihsh ekiihpashipa'waatc Ciisahsoon ohpimenaw
31Coowak kaaniikaanisiwaatc okiihkakwecimaawaan Paailatoon (Pilate) cipoohkokaatekanaamimintc#19.31 cipoohkokaatekanaamimintc: ninkotink awiya hsa kiiakosaka'ontc kiihpoohkokaatekanaamaa cikitaahtapaahpinetc. i'i kaakii'akosaka'ikaniwinitc, kaye cionciotaahpinikaatenikin aashiteyaahtikonk wiiyawini. Mii 'owe kaakii'oncikakwecimaawaatc, ekiihPahkweshikanikiishikahk ekii'ishikiishikahk ekii'waweshihcikewaatc ewii'Anwepiiwi kiishikaninik. Aaniihsh kaawiin kii'inentansiiwak keyaapi ciakootenikin ewii'Anwepiiwi kiishikaninik, aaniihsh aahpici kiihkihci‑inentaakwan i'i kaawii'Anwepiiwi kiishikahk.#19.31 Memintake hsa ko kiiwiihkihci‑inentaakwan i'i kaakiiwii'Anwepiiwi kiishikahk, aaniihsh mii 'i ahpii kaa'maatahkamakahk kaakiih Pimaaci'ikoowi Wiihkwantink. 32Miitahsh i'iwe kaakii'onci‑ishaawaatc shimaakanihshak ekii'awipoohkokaate'waawaatc ini nihtam kaye ini kotak kaakiihtako akosaka'okoomaanitc Ciisahsoon. 33Ahpii tahsh wiin wetihsaawaatc Ciisahsoon okii'waapamaawaan aasha ekii'niponitc. Mii'i kaawiin okiihpoohkokaate'waahsiwaawaan. 34Peshik itahsh iki shimaakanihshak, pashipa'ikan okiihpashipa'waan Ciisahsoon ohpimenaw. Shemaak kii'oncisaakiciciwan nipi kaye miskwi. 35A'a tahsh kaakii'waapantank okiihtipaatotaan, kekiinawaa tahsh cionciotepwehtamowiniyek. Tepwemakanini otipaacimowin. Okihkentaan iko ehtepwetc. 36#Exo 12.46; Psa 34.21. O'o kii'onci‑ishihcike'aa Ciisahs citipihsek i'iwe Kihcioshipii'ikewin kaaishipii'ikaatek: “Kaawiin awaac peshik ohkan cipiikonikaatenik,” ihkitoomakan. 37#Zech 12.10; Rev 1.7. Miinawaa tahsh kotak Kihcioshipii'ikewin ihkitoomakan: “Okakanawaapamaawaan ini kaakiihpashipa'waawaatc.”
Ekii'na'inintc Ciisahs
(Matthew 27.57-61; Mark 15.42-47; Luke 23.50-56)
38Kahkina kaa'ishkwaaishihsek o'o, kii'ishaa Coosap (Joseph), mii weti Eramahtiiya (Arimathea) ootenaank kaakii'onciitc. Miiwan ini peshik Ciisahs kaakiihpiminisha'okotc. Kiimooc itahsh kiihpiminisha'ike Coosap, ekiihkohsaatc oniikaanisiiwi Coowa'. Mii wa'a okii'awikakwecimaan Paailatoon (Pilate) ewii'otaahpinank wiiyawini Ciisahsoon. “Eha' kikaotaahpinaan,” okii'ikoon. Miitahsh kaa'ishi‑ishaatc Coosap ekii'awiotaahpinank i'i wiiyawini ekii'animaaciitootc. 39#Jhn 3.1-2. Kiihpiishaa kewiin Nihkatiimahs (Nicodemus), a'a nihtam ehtipihkaninik kaakii'antawaapamaatc Ciisahsoon. Okiihpiitoon kaaminomaakwaninikin#19.39 kaaminomaakwahkininikin: okii'inwaataanaawaan wiipa cinihshiwanaataninik wiiyaw.. Mar (myrrh)#19.39 Mar (myrrh) mii hsa 'i kaaicikaatek minaakwa'on kaaonciik mihtikopikiink., aaloos (aloes)#19.39 aaloos (aloes) mii hsa 'i kaaminomaakwahk kaaoncioshihcikaatek aniipiihshink. kaakinikawinikaatekin kiihtinowan, maakishaa ninkotwaahk tahsokosikwan minihk. 40Miitahsh oko niishin okii'otaahpinaanaawaa wiiyawini Ciisahsoon, ekiihtitipeyiikinamowaatc waapishkiikin, tako 'i kaaminomaakwaninik ekii'mashkihkiiwihtoowaatc. Mii 'i kaa'ishihcikewaatc Coowak e'na'inamowaatc miiyaw. 41I'imaa kaakiihtashinihsintc Ciisahs, pehsho 'imaa kii'ayaa kihtikewin. I'imaahsh kihtikewinink wiimpaapihkohkaan tino kaashina'initink kii'ayaa, ekaa wiihkaa mahshi awiya 'imaa ekii'na'inaahsiwintc. 42Mii 'imaa kaa'ishina'ihsitoowaatc Ciisahsoon wiiyawini, aaniihsh aasha kii'ishikiishikan cipwaa Anwepiiwi-kiishikahk,#19.42 Anwepiiwi kiishikahk: kiipankihshimonk mii hsa e'maacihsek Anwepiiwi kiishikahk. Waapantan kaye 5.10. kaye kiihpehshowan i'i kaashina'initink i'imaa kaakiihtashiniponitc.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Ojibwe Shorter Bible (Roman Script) © 2008 Canadian Bible Society