Yoane 7
7
1Ena mbusa en’aoyi’ane, Yesu aoselasela ena Ngalilaya: atalanga yeta ena Yudea, lacin’oka Ba-Yuda bafon’etelo oyoyaka. 2Koko elambedya ena Ba-Yuda eolama, nk’elambedya ena Balombe. 3Bakune’anande bamosumola, iy’ate, Uma mendo, coaka ena Yudea, lacin’eho bakili’ane baene bikambwa binakamb’e. 4Boto onolanga lacina aeyane l’ato afakambe bikambwa binande ena lokuko: nk’okamba bikambwa bine, oyotume eamene eneyali’bato bahatu. 5Lacin’oka le bakune’anandamene batiimedya. 6Yesu amasumola, ate, Esike enami etayele; ohonde l’ino, esike en’etaketaka eakolana. 7Baise’enyanga bafinya oyokook’ino bowe, ohonde banjok’emi bowe, lacin’emi lil’oka bikambwa biniyo biyali nko bowe. 8Ino bombocoa en’elambedya; emi mpacu en’elambedya ene, lacina esike enami etayele. 9Eneki’nd’otendaka baoyi’ane l’iyo, aocikala nk’ena Ngalilaya.
10Eneki bakune’anande ocoaka en’elambedya, endamene aocoa nkoho, ohonde efa ena fololo: aocoa yoka l’ofisa. 11Ba-Yuda bamofona en’elambedya, Mbo ayali meya? 12Koko bato bike baoninganinga bike lacin’enande; bamoi, Mbo ayali boto’on’olotsi; bakina, Mbo efana, akungya nde bato. 13Ohonde efan’oto onotendaki lacin’enande ena fololo, lacin’oka baanga Ba-Yuda.
14Koko en’okeke bon’elambedya Yesu ailela en’otumba bona Yakomba, ko aolaka lilako. 15Koko Ba-Yuda baofefa, iy’ate, Boto’one onotanonganya bekanda, ameya beho bosamb’oya? 16Yesu amakutwela, ate, Lilako linami lifayali linamamene: liyali nko linande onontomaki. 17Yomb’oto ayali la lisangya lacina akambe eango ena Yakomba, angeya yombo lilako liyali lina Yakomba, yombo latenda nko baoyi’anamamene. 18Ende onotenda baoyi’anandamene afona nko lokumo lonandamene; ohonde onofona lokumo lonande onotomaki, boto’oho ayali nko boto’ona solo solo, ko afan’aoyi baninda mbongi en’otem’onande. 19Mose atakofa nde basangya? Koko efana nko le boto’onino onomonya basangya. Bofona lacina bonjak’emi lacina nai? 20Bato’aho bik’ike bamokutwela, Mbo oyali la demona. Onofona lacina akoyake oka nai? 21Yesu amautodya, ate, Emi mokamba ekambwa emoko, ko inatu bofefa. 22Mose akofak’ino ekeselo ena yonge (efa lacina Mose amatsaki ekambwa eho: ematsamaki’ale l’ankya ban’alale), ko ino bokesel’oto yonge en’ina bona Sabata. 23Iya, enakeselam’oto yonge en’ina bona Sabata lacin’eho boeka bona Mose bofasondolame, ino bolemwa nde lacina eneki’m’oikyaka boto nko mbikya en’ina bona Sabata? 24Botakodyake baoyi l’okotua bonen’ino l’aiso: bokodya nko l’ekoedyo ena cilili.
25Nkwaho bamoi bana baise Yelusalema baila, Mbo one afayali nde ende onafon’iyo lacina baoyake? 26Koko lenda, ayatende nk’ena fololo, ko bafatende nko le yoi l’ende. Iya, bafoka bameya nde solosolo one ayali nko Masiya? 27Koko teya bili bonoki boto’one oyaka; ohonde enengi Masiya oya, efana boto onongeya bili bonoki’nd’oyaka. 28Lacin’eho, Yesu, eneki’nd’olakaka en’otumba bona Yakomba, aololua, ate, Bonjey’emi, ko beya bili bonoki’m’oyaka; ntaya l’emamene, ohonde onontomaki ayali nko solosolo, ko ino bofey’ende. 29Emi ley’ende, lacin’oka moya eneyal’ende, ko ende antomaki. 30La baoyi’ane, basokolanga baounde; koko efan’oto onomosukaka la likasa, lacin’oka esike enande etayele. 31Koko bike bon’ato’aho bamimedya, ko baila, iy’ate, Enengi Masiya oya, angokamba nde ndembi inileki ndembi ine bike iniki boto’one okambaka? 32Bafalusi baoka bato’aho bik’ike baoninganinga yok’osamb’one lacin’enande, ko nkanga ina toome la Bafalusi baotoma police oyuunda. 33Nkwaho Yesu aila, ate, Nongoyala l’ino ilalela, koko ena mbus’eho locoa eneyal’ende onontomaki. 34Bongompona, koko bofansungyaki; enengi’m’oyala, ino bofayelisa meho. 35Lacin’eho, Ba-Yuda baotendana, Mbo angocoa nde meya, lacin’iso tofosungyaki? Angocoa nde eneyal’iyo banafalangasanyi eneka Ba-Elene, ko angolaka nde Ba Elene? 36Ncina eka nai eneki’nd’oilaka, ate, Bongompona, ko bofansungyaki, ko, Enengi’m’oyala, ino bofayelisa meho?
37En’ina bon’okolo bon’esimbelo en’elambedya, Yesu aemala, ko aololua, ate, Boto l’oto onoka mposa, ayake eneyal’emi ko amele. 38Ende ononjimedy’emi, njose ina basi bana liiko ingofola en’otem’onande, yok’onoki Bitengelo bina Yakomba oilaka. 39Aotenda yoi line lacin’ena Bolimo, bonong’iy’animedy’ende otamba; lacina en’esik’eho Bolimo atafame, lacin’oka Yesu atayele en’okonde’onande. 40Lacin’eho, bato’amoi ban’ato’aho bik’ike, enek’iy’ookaka baoyi’ane, baila, Mbo one nko bosumoli’oho solosolo. 41Bakina baila, iy’ate, One nko Masiya; koko bakina, Mbo efana: Masiya aya nde ena Ngalilaya? 42Iya, Bokanda bona Yakomba bofile nd’oka Masiya angoya en’ecimo ena Dawidi, ko l’ena Beteleme, nk’onyanga bona Dawidi’ale? 43Yok’osamb’oho bato’aho bik’ike baokambwana beloi lacin’enande. 44Bamoi’aniyo basokolanga baounde, koko efan’oto onomosukaka l’akasa.
45Nkwaho police bauta eneyali nkanga ina toome la Bafalusi, ko iyo bamaufola, Mbo ino botaya l’ende lacina nai? 46Police baokutola, iy’ate, Bot’ola atatend’oso yoka bosamb’onatenda boto’one. 47Bafalusi bamakutwela, iy’ate, Ino nkoho bomokungyama nde? 48Iya, omoko ona bafoka, yombo ona Bafalusi, amolimedya nde? 49Ohonde bato’ane bik’ike banafanonganya basangya baomomama bomomo! 50Omoi’oniyo, Nikodemo (nk’ende onoyaki eneyali Yesu l’oco), amalokwela, ate, 51Boto akoiyama nde l’asangy’aniso, kuma batoke boloko’onande, ko bateye yoi linaliki’nd’okambaka? 52Iyo bamokutwela, Mbo e nkoho oyali nde bise Ngalilaya? Sisola bitengelo, ko ongen’oka efaate bosumoli onoya ena Ngalilaya. 53Koko boto l’oto aocoa en’otumb’onandamene.
موجودہ انتخاب:
Yoane 7: BBY62
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
Yoane 7
7
1Ena mbusa en’aoyi’ane, Yesu aoselasela ena Ngalilaya: atalanga yeta ena Yudea, lacin’oka Ba-Yuda bafon’etelo oyoyaka. 2Koko elambedya ena Ba-Yuda eolama, nk’elambedya ena Balombe. 3Bakune’anande bamosumola, iy’ate, Uma mendo, coaka ena Yudea, lacin’eho bakili’ane baene bikambwa binakamb’e. 4Boto onolanga lacina aeyane l’ato afakambe bikambwa binande ena lokuko: nk’okamba bikambwa bine, oyotume eamene eneyali’bato bahatu. 5Lacin’oka le bakune’anandamene batiimedya. 6Yesu amasumola, ate, Esike enami etayele; ohonde l’ino, esike en’etaketaka eakolana. 7Baise’enyanga bafinya oyokook’ino bowe, ohonde banjok’emi bowe, lacin’emi lil’oka bikambwa biniyo biyali nko bowe. 8Ino bombocoa en’elambedya; emi mpacu en’elambedya ene, lacina esike enami etayele. 9Eneki’nd’otendaka baoyi’ane l’iyo, aocikala nk’ena Ngalilaya.
10Eneki bakune’anande ocoaka en’elambedya, endamene aocoa nkoho, ohonde efa ena fololo: aocoa yoka l’ofisa. 11Ba-Yuda bamofona en’elambedya, Mbo ayali meya? 12Koko bato bike baoninganinga bike lacin’enande; bamoi, Mbo ayali boto’on’olotsi; bakina, Mbo efana, akungya nde bato. 13Ohonde efan’oto onotendaki lacin’enande ena fololo, lacin’oka baanga Ba-Yuda.
14Koko en’okeke bon’elambedya Yesu ailela en’otumba bona Yakomba, ko aolaka lilako. 15Koko Ba-Yuda baofefa, iy’ate, Boto’one onotanonganya bekanda, ameya beho bosamb’oya? 16Yesu amakutwela, ate, Lilako linami lifayali linamamene: liyali nko linande onontomaki. 17Yomb’oto ayali la lisangya lacina akambe eango ena Yakomba, angeya yombo lilako liyali lina Yakomba, yombo latenda nko baoyi’anamamene. 18Ende onotenda baoyi’anandamene afona nko lokumo lonandamene; ohonde onofona lokumo lonande onotomaki, boto’oho ayali nko boto’ona solo solo, ko afan’aoyi baninda mbongi en’otem’onande. 19Mose atakofa nde basangya? Koko efana nko le boto’onino onomonya basangya. Bofona lacina bonjak’emi lacina nai? 20Bato’aho bik’ike bamokutwela, Mbo oyali la demona. Onofona lacina akoyake oka nai? 21Yesu amautodya, ate, Emi mokamba ekambwa emoko, ko inatu bofefa. 22Mose akofak’ino ekeselo ena yonge (efa lacina Mose amatsaki ekambwa eho: ematsamaki’ale l’ankya ban’alale), ko ino bokesel’oto yonge en’ina bona Sabata. 23Iya, enakeselam’oto yonge en’ina bona Sabata lacin’eho boeka bona Mose bofasondolame, ino bolemwa nde lacina eneki’m’oikyaka boto nko mbikya en’ina bona Sabata? 24Botakodyake baoyi l’okotua bonen’ino l’aiso: bokodya nko l’ekoedyo ena cilili.
25Nkwaho bamoi bana baise Yelusalema baila, Mbo one afayali nde ende onafon’iyo lacina baoyake? 26Koko lenda, ayatende nk’ena fololo, ko bafatende nko le yoi l’ende. Iya, bafoka bameya nde solosolo one ayali nko Masiya? 27Koko teya bili bonoki boto’one oyaka; ohonde enengi Masiya oya, efana boto onongeya bili bonoki’nd’oyaka. 28Lacin’eho, Yesu, eneki’nd’olakaka en’otumba bona Yakomba, aololua, ate, Bonjey’emi, ko beya bili bonoki’m’oyaka; ntaya l’emamene, ohonde onontomaki ayali nko solosolo, ko ino bofey’ende. 29Emi ley’ende, lacin’oka moya eneyal’ende, ko ende antomaki. 30La baoyi’ane, basokolanga baounde; koko efan’oto onomosukaka la likasa, lacin’oka esike enande etayele. 31Koko bike bon’ato’aho bamimedya, ko baila, iy’ate, Enengi Masiya oya, angokamba nde ndembi inileki ndembi ine bike iniki boto’one okambaka? 32Bafalusi baoka bato’aho bik’ike baoninganinga yok’osamb’one lacin’enande, ko nkanga ina toome la Bafalusi baotoma police oyuunda. 33Nkwaho Yesu aila, ate, Nongoyala l’ino ilalela, koko ena mbus’eho locoa eneyal’ende onontomaki. 34Bongompona, koko bofansungyaki; enengi’m’oyala, ino bofayelisa meho. 35Lacin’eho, Ba-Yuda baotendana, Mbo angocoa nde meya, lacin’iso tofosungyaki? Angocoa nde eneyal’iyo banafalangasanyi eneka Ba-Elene, ko angolaka nde Ba Elene? 36Ncina eka nai eneki’nd’oilaka, ate, Bongompona, ko bofansungyaki, ko, Enengi’m’oyala, ino bofayelisa meho?
37En’ina bon’okolo bon’esimbelo en’elambedya, Yesu aemala, ko aololua, ate, Boto l’oto onoka mposa, ayake eneyal’emi ko amele. 38Ende ononjimedy’emi, njose ina basi bana liiko ingofola en’otem’onande, yok’onoki Bitengelo bina Yakomba oilaka. 39Aotenda yoi line lacin’ena Bolimo, bonong’iy’animedy’ende otamba; lacina en’esik’eho Bolimo atafame, lacin’oka Yesu atayele en’okonde’onande. 40Lacin’eho, bato’amoi ban’ato’aho bik’ike, enek’iy’ookaka baoyi’ane, baila, Mbo one nko bosumoli’oho solosolo. 41Bakina baila, iy’ate, One nko Masiya; koko bakina, Mbo efana: Masiya aya nde ena Ngalilaya? 42Iya, Bokanda bona Yakomba bofile nd’oka Masiya angoya en’ecimo ena Dawidi, ko l’ena Beteleme, nk’onyanga bona Dawidi’ale? 43Yok’osamb’oho bato’aho bik’ike baokambwana beloi lacin’enande. 44Bamoi’aniyo basokolanga baounde, koko efan’oto onomosukaka l’akasa.
45Nkwaho police bauta eneyali nkanga ina toome la Bafalusi, ko iyo bamaufola, Mbo ino botaya l’ende lacina nai? 46Police baokutola, iy’ate, Bot’ola atatend’oso yoka bosamb’onatenda boto’one. 47Bafalusi bamakutwela, iy’ate, Ino nkoho bomokungyama nde? 48Iya, omoko ona bafoka, yombo ona Bafalusi, amolimedya nde? 49Ohonde bato’ane bik’ike banafanonganya basangya baomomama bomomo! 50Omoi’oniyo, Nikodemo (nk’ende onoyaki eneyali Yesu l’oco), amalokwela, ate, 51Boto akoiyama nde l’asangy’aniso, kuma batoke boloko’onande, ko bateye yoi linaliki’nd’okambaka? 52Iyo bamokutwela, Mbo e nkoho oyali nde bise Ngalilaya? Sisola bitengelo, ko ongen’oka efaate bosumoli onoya ena Ngalilaya. 53Koko boto l’oto aocoa en’otumb’onandamene.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962