Лүк 4:9-12

Шуннан соң иблис Гайсәне Иерусалимгә алып китте. Ул Аны Аллаһы йортының иң биек урынына китереп бастырды да: – Әгәр Син Аллаһы Углы булсаң, шушы урыннан түбәнгә ташлан. Изге язмада: «Ул Үзенең фәрештәләренә Синең хакта кайгыртырга әмер бирер. Алар Сине кулларына күтәреп алырлар, аякларың ташка абынмас», – дип язылган бит, – диде. Гайсә аңа җавап бирде: – Изге язмада: «Раббы Аллаңны сынама», – дип язылган.