BOTHUBO 1
1
Pulhokusu Ghili
1Abothu lono Alhou no atsutsu ngo ayeghi lhoe. 2Ike ayeghiye kughukughalei eno koghekughu kuhae; eno akuzuno kuthokuzu nhape ae. Ipuzu Alhou Ghunguno azu shou vape ae. 3Ikelo Alhou no pi, “akuvu ipeghilu nani,” eno akuvu auve. 4Alhou no akuvu aloqhi ithulue eno pano akuzu launo akuvu kijethavetsu. 5Alhou no akuvu pesu “Tsukuvu” eno akuzu pesu “Tsukuzu” kuvetsu. Tino atughiu tsala kijiliu eno inaqhe shive.
6Tipashelo Alhou no pi, “Azu kijetha kepu shi aliho toikeu lakhi ipeghilu lo, tishianguno azuye a-a kututalo akepushi.” 7Ike Alhou no alihotoikeu lakhi shitsue, eno tipau qhou azu akeu ngo tipau shou akeu zu kututa shivetsu eno tishive. 8Eno Alhou no alihotoikeu hu pesu Atsutsu kutsu. Tino akiniu tsala kijiliu eno inaqhe shive.
9Tishino Alhou no pi, “Atsutsu qholo azu akeqo a-a lakhi lo hekutsuwo kumqoluve pelo, qhaike chhigha ipeghi pelo,” eno tishive. 10Eno Alhou no qhaike chhigha pesu “Ayeghi” ipi kuvetsu; azu hekutsu sawo kumqokeu pesu “Azughi” ipi kuvetsu; eno Alhou no ti aloqhi ithulue. 11Ipuzu Alhou no pi, “Ayeghi pelo atsuni jeli kumtsu ipeghi pelo, alothi pukeu su tsuni eno axathi pithikeu shilo,” eno tishiluve. 12Ike ayeghi shou atsuni itsu ipeghive, eno atsunino pututa shelo athi pithie, pututa shelo alothi xapughi; eno Alhou no ti aloqhi ithulue. 13Tino akuthuu tsala kijiliu eno inaqhe shive.
14Eno Alhou no pi, “Atsutsu liho lo akuluqo ipeghi pelo, tsukuzu ngo tsukuvu kututa shitsu kepu shi. Eno tipaqo pelo atsala, ampe eno atusho huthukeu michi shilu pelo; 15tipaqono Atsutsu lo yepuvu pelo eno akuvu ayeghi shou tsu pelo,” eno tishiluve. 16Ikehu Alhou no akulu kije kini mlatsue; tsukinhe no tsukuvu tsala peitha pe aqhi no tsukuzu tsala peitha peke; pano ayepu ghi mlatsue. 17Eno Alhou no hipaqo pesu atsutsu liholo qhitsu puzu ayeghi shou akuvu tsupe, 18tsukuzu ngo tsukuvu peitha pe, eno akuvu ngo akuzu kijethave tsue; eno Alhou no ti aloqhi ithulue. 19Tino abidiu tsala kijiliu eno inaqhe shive.
20Itaghi Alhou no pi, “Azu lo xu akeu lhoxu jeli kutomo chokive iqho iqi pelo, eno aghau pelo ayeghi shou, atsutsu liho lo yeiqho iqi pelo,” eno tishiluve. 21Ike azulo lhoxu kijeje, eno akuxu akeu lhoxu ithachekeu pututa jeli eno achishibo kupu ghau jeli kumtsu Alhou no lhoke; Alhou no ti aloqhi ithulue. 22Tishino Alhou no tipaqo kumghatsu ghi ishi pi, “Athi pithilulo eno kighishelu puzu chhilulo eno aghauqo pelo ayeghilo ikowolulo.” 23Tino apunguu tsala kijiliu eno inaqhe shive.
24Tipashelo Alhou no pi, “Ayeghi pelo akuxu kua lhoxu tikishi, tughashi eno itikiche lhoxu pututa jeli kumtsu ipeghi pelo,” eno tishiluve. 25Ikehu ayeghilo pututa shelo tughashi jeli, tikishi jeli eno itikiche jeli kumtsu Alhou no lho eno Alhou no ti aloqhi ithulue.
26Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.” 27Ikehu Alhou no pa julho lono timi pulhosue, Alhou julho shighi, pano kiptimi totimi pulhosue. 28Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.” 29Alhou no pi, “Julo, ayeghi shou ayetsuni lothi akeu eno axathi lothi pithi keu subo kumtsu nongu tsuvae; tipaqoye nongu chuqupu ke. 30Ayeghilo atuthu kishe lhoxu jeli tughashi, aghau eno itikiche lhoxuqo ghenguno atsuni chupenike tsu ani,” eno ti shiluve. 31Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.
موجودہ انتخاب:
BOTHUBO 1: SUMIBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 1
1
Pulhokusu Ghili
1Abothu lono Alhou no atsutsu ngo ayeghi lhoe. 2Ike ayeghiye kughukughalei eno koghekughu kuhae; eno akuzuno kuthokuzu nhape ae. Ipuzu Alhou Ghunguno azu shou vape ae. 3Ikelo Alhou no pi, “akuvu ipeghilu nani,” eno akuvu auve. 4Alhou no akuvu aloqhi ithulue eno pano akuzu launo akuvu kijethavetsu. 5Alhou no akuvu pesu “Tsukuvu” eno akuzu pesu “Tsukuzu” kuvetsu. Tino atughiu tsala kijiliu eno inaqhe shive.
6Tipashelo Alhou no pi, “Azu kijetha kepu shi aliho toikeu lakhi ipeghilu lo, tishianguno azuye a-a kututalo akepushi.” 7Ike Alhou no alihotoikeu lakhi shitsue, eno tipau qhou azu akeu ngo tipau shou akeu zu kututa shivetsu eno tishive. 8Eno Alhou no alihotoikeu hu pesu Atsutsu kutsu. Tino akiniu tsala kijiliu eno inaqhe shive.
9Tishino Alhou no pi, “Atsutsu qholo azu akeqo a-a lakhi lo hekutsuwo kumqoluve pelo, qhaike chhigha ipeghi pelo,” eno tishive. 10Eno Alhou no qhaike chhigha pesu “Ayeghi” ipi kuvetsu; azu hekutsu sawo kumqokeu pesu “Azughi” ipi kuvetsu; eno Alhou no ti aloqhi ithulue. 11Ipuzu Alhou no pi, “Ayeghi pelo atsuni jeli kumtsu ipeghi pelo, alothi pukeu su tsuni eno axathi pithikeu shilo,” eno tishiluve. 12Ike ayeghi shou atsuni itsu ipeghive, eno atsunino pututa shelo athi pithie, pututa shelo alothi xapughi; eno Alhou no ti aloqhi ithulue. 13Tino akuthuu tsala kijiliu eno inaqhe shive.
14Eno Alhou no pi, “Atsutsu liho lo akuluqo ipeghi pelo, tsukuzu ngo tsukuvu kututa shitsu kepu shi. Eno tipaqo pelo atsala, ampe eno atusho huthukeu michi shilu pelo; 15tipaqono Atsutsu lo yepuvu pelo eno akuvu ayeghi shou tsu pelo,” eno tishiluve. 16Ikehu Alhou no akulu kije kini mlatsue; tsukinhe no tsukuvu tsala peitha pe aqhi no tsukuzu tsala peitha peke; pano ayepu ghi mlatsue. 17Eno Alhou no hipaqo pesu atsutsu liholo qhitsu puzu ayeghi shou akuvu tsupe, 18tsukuzu ngo tsukuvu peitha pe, eno akuvu ngo akuzu kijethave tsue; eno Alhou no ti aloqhi ithulue. 19Tino abidiu tsala kijiliu eno inaqhe shive.
20Itaghi Alhou no pi, “Azu lo xu akeu lhoxu jeli kutomo chokive iqho iqi pelo, eno aghau pelo ayeghi shou, atsutsu liho lo yeiqho iqi pelo,” eno tishiluve. 21Ike azulo lhoxu kijeje, eno akuxu akeu lhoxu ithachekeu pututa jeli eno achishibo kupu ghau jeli kumtsu Alhou no lhoke; Alhou no ti aloqhi ithulue. 22Tishino Alhou no tipaqo kumghatsu ghi ishi pi, “Athi pithilulo eno kighishelu puzu chhilulo eno aghauqo pelo ayeghilo ikowolulo.” 23Tino apunguu tsala kijiliu eno inaqhe shive.
24Tipashelo Alhou no pi, “Ayeghi pelo akuxu kua lhoxu tikishi, tughashi eno itikiche lhoxu pututa jeli kumtsu ipeghi pelo,” eno tishiluve. 25Ikehu ayeghilo pututa shelo tughashi jeli, tikishi jeli eno itikiche jeli kumtsu Alhou no lho eno Alhou no ti aloqhi ithulue.
26Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.” 27Ikehu Alhou no pa julho lono timi pulhosue, Alhou julho shighi, pano kiptimi totimi pulhosue. 28Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.” 29Alhou no pi, “Julo, ayeghi shou ayetsuni lothi akeu eno axathi lothi pithi keu subo kumtsu nongu tsuvae; tipaqoye nongu chuqupu ke. 30Ayeghilo atuthu kishe lhoxu jeli tughashi, aghau eno itikiche lhoxuqo ghenguno atsuni chupenike tsu ani,” eno ti shiluve. 31Eno Alhou no pano mlakeu kumtsu shou jupuzu ighono palokiqi shive. Tino akutsughou tsala kijiliu eno inaqhe shive.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.