Marku 4
4
Gu-mi-san-su e hkyaw le dang-ke ke e
1Hau nawng yam ma Yang dum nyaw maw ni e. Shiwa byu myaw myaw Yang jang le mung e yan-mai, Yang gë, nawng ma lai ma wang zung taw e. Shiwa byu ban-shaw bang gë, nawng yam ma e mi-gung htaw ma ni ni akaw.
2Hau hkun dang-ke myaw myaw e yang maw le maw bi lwi e. Yang e nyaw maw dang le gyaw yu ke.
3“Wu ke! Gu-mi-san-su gë, gu-mi san ra ma-tu htaw law e.
4San kat le ra wam gë, hkyaw yam ma gyaw lwi, ngaw pe e gu zaw pyam e.
5Ra wam gë, mi-tse a myaw e lu gawk htaw ma gyaw lwi, mi-tse a htu mu ahkwi za nyun htaw law kaw lang.
6Bwi htaw ngye jang kyu byu law lwi. A-mit a waw chin mu nywi shi law be.
7Ra wam gë, zu-byap bung ma gyaw e. Zu-byap bung le kaw law iwi, hau le um-pyam e mu a-shi a waw zwi.
8Ra wam gë, mi ge ma gyaw e mu, hau gë, a-shi zwi law u-jang, kaw myang law lwi, a-shi zwi e sum htse, hkyu htse, ra shaw tu mu mayat law e.”
9Yang gë, “Gyaw yu rano dap su gë, gyaw yu shang ga!” ga lwi, yang maw le tai e.
Dang-ke dawng nyaw maw bi e
10Hau htang Yang bau za ngut taw le, Yang e ra-ha ni bang e lagyaw ra htse i yu gë, hau dang-ke hkyaw le Yang le mi-wu kaw e.
11Hau mu lwi e Yang gë, “Karai Kasang e mung-dan e nik-htum hkyaw le nung maw le law shit kat e za ngut le.”
12“He-lut hpyang ni e bang jau ge, mit a waw ling lwi, hkyut pyam e a hwi shang ga, yang maw myang ma myang a waw wu ra e, waw gyaw ma waw gyaw a dat gyaw shang ga, hai hkyaw le dang-ke dawng za yang maw le law htaw shit ra,” ga lwi e, yang maw le tai e.
13Dum Yang gë, “Shi dang-ke le nung maw a dat gyaw kaw lu? Hau su ngut le gë, dang-ke ban shaw le hka su-kut se gyaw kaw ra lu?
14Gu-mi-san-su gë, hau dang le san kat ni ra.
15Hkyaw yam ma dang le san taw lwi, le-taw e gu gë, hau dang le waw gyaw yu e hkun-jang, Satan gë, je le lwi, yang maw jang san taw e dang le she-yu pyam e bang le ang taw le.
16Hau e ra jung za, lugawk htaw ma san taw e gu gë, hau dang le gyaw yu jang kabu e i-mit e gu yu e bang ngut taw le.
17Ngut-kaw-lang, yang maw jang a-mit a zu mu lwi, ra yaw za jaw taw e; Hau htang hau dang yan-mai wi e, zing-ri e hwi jang, i-mit ling bat law akaw.
18Dum, zu-byap bung ma gaw-tu le san taw le hau gu gë, hau dang le gyaw yu kaw lang,
19Shi mi-dam ma e nik-hkik le e, i-sut e mau lwi e, mit nik-no e hkyaw gaw-tu wang law lwi. Hau dang le um-pyam e yan-mai, a-shi a waw zwi e bang ngut taw akaw.
20Dum, mi ge ma san e bang kum gë, hau dang le gyaw yu le e, hau le lawm-yu lwi e, a-shi zwi lwi, sum htse bung, hkyu htse bung, ra shaw bung tu mayat law e bang ngut le,” ga lwi e, yang maw le tai e.
Dang-ke gaw-tu
21Yang maw le Yang dum tai e gë, “Pyen-ding le mung aw ma, a ngut jang yup-ku aw ma taw ra ma-tu yu le wu akaw lu? Pyen-ding taw-jang ma taw ra she yu le akaw a ngut lu?”
22“Hka-su-mu-ga le, a-dan a-htaw law shaw ha taw e ze a jaw. Hau htaw mai, ha-taw ngawp taw e ze le a-dan a-htaw ra a jaw.
23Gyaw yu ra naw dap su, aw ngut kaw-lang, gyaw yu kaw shang ga!” ga e.
24Yang maw le Yang dum tai e gë, “Nung maw hai gyaw-yu e le, sa di ke! Nung maw lik bi e bung e, nung maw le dum lik bi ra ngut be. Nung maw le myaw bi law babaw ra.”
25“Hka-su-mu-ga-le, waw su aw le ngut-kaw-lang, dum jat bi shi ra. A waw su aw le ngut-kaw-lang, yang waw e ze lang, yang jang ma she yu bi shi ra,” ga e.
26Dum Yang gë, “Hau mu lwi, Karai Kasang e mung-dan gë, mi-gung htaw ma gu-mi-san kat e byu su ngut taw le.
27Ban-san-jang, ni-wi-min-wi, yang yup law taw law e ngut mu, yang a se e hkyaw ma gu-mi gë, nyun law, lwi yu kaw law ni ra.
28Mi-gung gë, yang bau a-shi zwi law lwi e. Sang hë le a-ban, htang le a kaw, hau htang le a-kyang ma gu-shi hkum law nang e.
29Gu ming lwi, shu yam je e yan-mai, hau hkun-jang yang gë, hau zai-yit le nang kat e,” ga e.
30Yang gë, “Karai Kasang e mung-dan le hai jung e law tu-wu ra lu? Hai jung dang-ke e ke-wu ra lu?
31Hau gë, ang-naw ji su ngut taw le. Mi-dam htaw ma san kat jang, mi-dam htaw ma a-ji ban-shaw ma ti tik kaw-lang,
32San kat e htang le yu law lwi, zang-sun ha ban-shaw ma je kaw lwi e, a-kaw a kyang myaw law lwi, htaw-dang ngaw pe hau e bwi-shum hkau ma waw hkau ni akaw,” ga tai e.
33Han dang-ke myaw myaw le yang maw waw dat gyaw e e ra jung za, Yang yang maw le hau dang-hkyaw tai kyaw e.
34Dang-ke e a ngut le gë, Yang yang maw le hai le a tai kyaw wu. Ngut-kaw-lang yang maw bau za ni taw e hkun dang lung-lang Yang e lagyaw pe le tai kyaw shit be.
Lai-dun maw e wi-leng pe le sim za ni nang e
35Hau ni e min je jang, Yang gë. “I-nung he-hpaw shut gu law shang,” ga lwi, yang maw le tai e.
36Hau-su-mu shiwa byu pe le pyam taw lwi, Yang bau za ni e e ra jang za, yang maw gë, Yang le lai ma hang yu kaw e. Lai gaw-tu le Yang e ra-ha busaw a-shi kaw.
37Hau hkun, lai-dun maw law lwi. Wi-leng pe taw law e yan-mai, hau lai gë, bing-mwi law ni a-be.
38Yang kum gë, lai htang shut uhku htaw ma yup ngawn ni e. Hau hkun yang maw Yang le nau lwi, “Sara e! Nga maw byu byu ra le. Nang hai a ngam lu?” ga lwi, tai kaw e.
39Hau yan-mai Yang taw lwi, hau lai-dun le tan le e, hau nawng le, “Sim za ni a!” ga e. Hau lai-dun le num byu lwi sim za byu law be.
40Hau hkun Yang gë, “Nung maw hai yan-mai gyu ni akaw? Nung maw lum e i-mit a baw shi kaw nung?” ga lwi, yang maw le tai e.
41Yang maw lum gë, gyu maw e gyu mu, “Shi yu gë, aw wa ngut le li? Hau lai-dun e nawng lang, Yang e dang le gyaw ra nung?” ga lwi, shida tai lum bum kaw e.
موجودہ انتخاب:
Marku 4: ATB1951
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© British and Foreign Bible Society 1951
Marku 4
4
Gu-mi-san-su e hkyaw le dang-ke ke e
1Hau nawng yam ma Yang dum nyaw maw ni e. Shiwa byu myaw myaw Yang jang le mung e yan-mai, Yang gë, nawng ma lai ma wang zung taw e. Shiwa byu ban-shaw bang gë, nawng yam ma e mi-gung htaw ma ni ni akaw.
2Hau hkun dang-ke myaw myaw e yang maw le maw bi lwi e. Yang e nyaw maw dang le gyaw yu ke.
3“Wu ke! Gu-mi-san-su gë, gu-mi san ra ma-tu htaw law e.
4San kat le ra wam gë, hkyaw yam ma gyaw lwi, ngaw pe e gu zaw pyam e.
5Ra wam gë, mi-tse a myaw e lu gawk htaw ma gyaw lwi, mi-tse a htu mu ahkwi za nyun htaw law kaw lang.
6Bwi htaw ngye jang kyu byu law lwi. A-mit a waw chin mu nywi shi law be.
7Ra wam gë, zu-byap bung ma gyaw e. Zu-byap bung le kaw law iwi, hau le um-pyam e mu a-shi a waw zwi.
8Ra wam gë, mi ge ma gyaw e mu, hau gë, a-shi zwi law u-jang, kaw myang law lwi, a-shi zwi e sum htse, hkyu htse, ra shaw tu mu mayat law e.”
9Yang gë, “Gyaw yu rano dap su gë, gyaw yu shang ga!” ga lwi, yang maw le tai e.
Dang-ke dawng nyaw maw bi e
10Hau htang Yang bau za ngut taw le, Yang e ra-ha ni bang e lagyaw ra htse i yu gë, hau dang-ke hkyaw le Yang le mi-wu kaw e.
11Hau mu lwi e Yang gë, “Karai Kasang e mung-dan e nik-htum hkyaw le nung maw le law shit kat e za ngut le.”
12“He-lut hpyang ni e bang jau ge, mit a waw ling lwi, hkyut pyam e a hwi shang ga, yang maw myang ma myang a waw wu ra e, waw gyaw ma waw gyaw a dat gyaw shang ga, hai hkyaw le dang-ke dawng za yang maw le law htaw shit ra,” ga lwi e, yang maw le tai e.
13Dum Yang gë, “Shi dang-ke le nung maw a dat gyaw kaw lu? Hau su ngut le gë, dang-ke ban shaw le hka su-kut se gyaw kaw ra lu?
14Gu-mi-san-su gë, hau dang le san kat ni ra.
15Hkyaw yam ma dang le san taw lwi, le-taw e gu gë, hau dang le waw gyaw yu e hkun-jang, Satan gë, je le lwi, yang maw jang san taw e dang le she-yu pyam e bang le ang taw le.
16Hau e ra jung za, lugawk htaw ma san taw e gu gë, hau dang le gyaw yu jang kabu e i-mit e gu yu e bang ngut taw le.
17Ngut-kaw-lang, yang maw jang a-mit a zu mu lwi, ra yaw za jaw taw e; Hau htang hau dang yan-mai wi e, zing-ri e hwi jang, i-mit ling bat law akaw.
18Dum, zu-byap bung ma gaw-tu le san taw le hau gu gë, hau dang le gyaw yu kaw lang,
19Shi mi-dam ma e nik-hkik le e, i-sut e mau lwi e, mit nik-no e hkyaw gaw-tu wang law lwi. Hau dang le um-pyam e yan-mai, a-shi a waw zwi e bang ngut taw akaw.
20Dum, mi ge ma san e bang kum gë, hau dang le gyaw yu le e, hau le lawm-yu lwi e, a-shi zwi lwi, sum htse bung, hkyu htse bung, ra shaw bung tu mayat law e bang ngut le,” ga lwi e, yang maw le tai e.
Dang-ke gaw-tu
21Yang maw le Yang dum tai e gë, “Pyen-ding le mung aw ma, a ngut jang yup-ku aw ma taw ra ma-tu yu le wu akaw lu? Pyen-ding taw-jang ma taw ra she yu le akaw a ngut lu?”
22“Hka-su-mu-ga le, a-dan a-htaw law shaw ha taw e ze a jaw. Hau htaw mai, ha-taw ngawp taw e ze le a-dan a-htaw ra a jaw.
23Gyaw yu ra naw dap su, aw ngut kaw-lang, gyaw yu kaw shang ga!” ga e.
24Yang maw le Yang dum tai e gë, “Nung maw hai gyaw-yu e le, sa di ke! Nung maw lik bi e bung e, nung maw le dum lik bi ra ngut be. Nung maw le myaw bi law babaw ra.”
25“Hka-su-mu-ga-le, waw su aw le ngut-kaw-lang, dum jat bi shi ra. A waw su aw le ngut-kaw-lang, yang waw e ze lang, yang jang ma she yu bi shi ra,” ga e.
26Dum Yang gë, “Hau mu lwi, Karai Kasang e mung-dan gë, mi-gung htaw ma gu-mi-san kat e byu su ngut taw le.
27Ban-san-jang, ni-wi-min-wi, yang yup law taw law e ngut mu, yang a se e hkyaw ma gu-mi gë, nyun law, lwi yu kaw law ni ra.
28Mi-gung gë, yang bau a-shi zwi law lwi e. Sang hë le a-ban, htang le a kaw, hau htang le a-kyang ma gu-shi hkum law nang e.
29Gu ming lwi, shu yam je e yan-mai, hau hkun-jang yang gë, hau zai-yit le nang kat e,” ga e.
30Yang gë, “Karai Kasang e mung-dan le hai jung e law tu-wu ra lu? Hai jung dang-ke e ke-wu ra lu?
31Hau gë, ang-naw ji su ngut taw le. Mi-dam htaw ma san kat jang, mi-dam htaw ma a-ji ban-shaw ma ti tik kaw-lang,
32San kat e htang le yu law lwi, zang-sun ha ban-shaw ma je kaw lwi e, a-kaw a kyang myaw law lwi, htaw-dang ngaw pe hau e bwi-shum hkau ma waw hkau ni akaw,” ga tai e.
33Han dang-ke myaw myaw le yang maw waw dat gyaw e e ra jung za, Yang yang maw le hau dang-hkyaw tai kyaw e.
34Dang-ke e a ngut le gë, Yang yang maw le hai le a tai kyaw wu. Ngut-kaw-lang yang maw bau za ni taw e hkun dang lung-lang Yang e lagyaw pe le tai kyaw shit be.
Lai-dun maw e wi-leng pe le sim za ni nang e
35Hau ni e min je jang, Yang gë. “I-nung he-hpaw shut gu law shang,” ga lwi, yang maw le tai e.
36Hau-su-mu shiwa byu pe le pyam taw lwi, Yang bau za ni e e ra jang za, yang maw gë, Yang le lai ma hang yu kaw e. Lai gaw-tu le Yang e ra-ha busaw a-shi kaw.
37Hau hkun, lai-dun maw law lwi. Wi-leng pe taw law e yan-mai, hau lai gë, bing-mwi law ni a-be.
38Yang kum gë, lai htang shut uhku htaw ma yup ngawn ni e. Hau hkun yang maw Yang le nau lwi, “Sara e! Nga maw byu byu ra le. Nang hai a ngam lu?” ga lwi, tai kaw e.
39Hau yan-mai Yang taw lwi, hau lai-dun le tan le e, hau nawng le, “Sim za ni a!” ga e. Hau lai-dun le num byu lwi sim za byu law be.
40Hau hkun Yang gë, “Nung maw hai yan-mai gyu ni akaw? Nung maw lum e i-mit a baw shi kaw nung?” ga lwi, yang maw le tai e.
41Yang maw lum gë, gyu maw e gyu mu, “Shi yu gë, aw wa ngut le li? Hau lai-dun e nawng lang, Yang e dang le gyaw ra nung?” ga lwi, shida tai lum bum kaw e.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© British and Foreign Bible Society 1951