Juan 13
13
El ttx'jo'n Jesús kyqan qe t-xnaq'tzb'en
1Na'nxtoq tul kanun aju ninq'ij Xjan Q'ij tb'i, b'a'ntoq tu'n Jesús otoq pon tq'ijlalil tu'n tik' tzalu twitz tx'otx' ex tu'n tpon tuk'il Tman; tu'nju at tk'ujlalil kyi'j qe t-xnaq'tzb'en ate' tzalu twitz tx'otx', kyja'tzun xi tyek'un tk'ujlalil nimxix kye.
2-4Otoq tma tajaw il tuj tanmi Judas Iscariote, aju tky'ajal Simón, tu'n t-xi q'o'n Jesús tuj kyq'ab' xjal tu'n, ex b'a'n tu'n Jesús tkyaqil otoq tzaj q'o'n tuj tq'ab' tu'n Tman, ex b'a'ntoq tu'n qa tuk'il Dios otoq tzaj ex tuk'il Dios tu'n tpon, kyja'tzun jaw we' ti'j mes matoq in che wa'n, el ti'n txowb'il ti'j ex tzaj ti'n jun xb'alun ok tk'alo'n tk'u'j. 5Ku'x tqo'n ch'in a' tuj jun k'oẍ, ok ten tx'jolte kyqan qe t-xnaq'tzb'en, ex el t-su'n ti'j kyqan tu'nju xb'alun aju k'alo'ntoq tk'u'j.
6Pontzun Jesús twitz Simón Pedro; xitzun tma'n Pedro te:
—Tat, ¿maj aya k'elel tx'jonte nqane?
7Xi ttzaq'we'n Jesús:
—Aju in nb'incha'ne minti' nne'l tnik'a ti'j ja'lo, k'elel tnik'a ti'j mas yajxi.
8Xitzun tma'n Pedro te:
—Mlayx tz'el ttx'jo'na nqane.
Xitzun tma'n Jesús te:
—Qa minti' ma tz'el ntx'jo'ne tqana, minti' toklena wuk'ile.
9Xitzun tma'n Simón Pedro:
—Tat, mya noq o'kx nqane tu'n tel ttx'jo'na, ax ikx qe nq'ab'e tuk'ix nwi'ye.
10Ex xi tma'n Jesús te:
—Alkye ma b'aj tx'jo'n ti'j, mya il ti'j tu'n ttx'jet juntl maj, noq o'kx qe tqan tu'n kytx'jet, porke saq ti'j tkyaqil; atzun kyeye saq kyi'je, pero mya kykyaqile, chi Jesús.
11Porke b'a'n tu'n Jesús alkye tu'n t-xi q'onte te tuj kyq'ab' xjal; kyja'tzun o tma: Mya kykyaqile saq kyi'je.
12Tejtzun tb'aj tx'jet kyqan tu'n, ok tq'o'n juntl maj ju txowb'il ti'j, kub' qe' juntl maj ti'j mes, ex xi tma'n kye:
—¿Mape tz'el kynik'e ti'j ju ma nb'inchaye kyeye? 13In kyma'ne qa aqine Xnaq'tzal kyeye ex Kyajawe; b'a'n in kyma'ne, ex ax tok Xnaq'tzal qine, ex aqine Kyajawe. 14Ma tz'el ntx'jo'ne kyqane, ex aqine Xnaq'tzal kyeye ex Kyajawe, kyja'tzun ikx kyeye tu'n tel kytx'jo'ne kyqane kyxolxe. 15Porke ma txi nyek'une kyeye, ik tza'n ma nb'inchaye kyeye, ikxtzun kyeye tu'n kyb'inchanteye. 16Ax tok kxel nma'ne kyeye, aju majen mya mas at toklen twitz ju tpatrón, ex aju in xi sama'n mya mas at toklen twitz ju samal te. 17Qa ma tz'el kynik'e ti'j jlu, at-xix tzalajb'il kyeye qa ma kyb'inchaye.
18Mya kyi'je kykyaqile in chin yoline; b'a'n wu'ne alkye qeju ma che jaw nsk'o'ne; ex il ti'j tu'n tjapun aju in tma'n tuj Tu'jil chi kyja': Aju ma wa'n wuk'ile, ma tz'ok te aj q'oj wi'je, chi tuj Tu'jil. 19B'i'x kxel nma'ne kyeye ja'lo na'nxtoq tb'ant jlu, tu'ntzun t-xi kyoksla'ne qa Aqine ok tb'ant jlu. 20Ax tok kxel nma'ne kyeye, alkye ma k'monte aju kxel nsama'ne, ax qine in chin tk'mo'n; ex aju ma k'monte weye, ax ikx in k'monjtz Nmane tu'n, aju tzaj samante weye, chi Jesús kye.
In tma'n Jesús qa ate Judas tu'n t-xi k'ayin te
Mateo 26.20-25; Marcos 14.17-21; Lucas 22.21-23
21Tej tb'aj tma'n Jesús jlu, tzaj ta'w tuj tanmi, ex clarxix tzaj tma'n kyja':
—Ax tok kxel nma'ne kyeye, ax jun kyeye kxel q'onte weye tuj kyq'ab' xjal.
22Atzun kye t-xnaq'tzb'en b'aj kyke'yin tuj kywitz, in che ximan ti'j alkye o yolin Jesús ti'j. 23At jun t-xnaq'tzb'en Jesús, aju k'ujla'nxix tu'n, q'uqltoq ti'j mes ttxlaj Jesús. 24Xitzun tyek'un Simón Pedro señ te tu'n tq'ab', tu'n t-xi tqanin te Jesús alkye o yolin Jesús ti'j. 25Xitzun txale' twi' ttzi t-xu'k Jesús, ex xi tqanin te:
—Tat, ¿alkyetzun?
26Xitzun tma'n Jesús:
—Alkyeju ma txi nq'o'ne pan te, otoq ku'x nmu'ne tuj laq, atzunju, chi Jesús.
Ku'xtzun tmu'n Jesús pan tuj laq, ex xi tq'o'n te Judas Iscariote aju tky'ajal Simón. 27Tej t-xi twa'n Judas pan, okx naj Satanás tuj tanmi. Xitzun tma'n Jesús te:
—Aju ok tb'incha'ya, b'incham naja.
28Ex mi jun kye qeju q'uqltoq ti'j mes el tnik' ti'j tiqu'n xi q'ma'n te ikju. 29Tuj kynab'l junjun malo txi tma'n Jesús te Judas tu'n t-xi' laq'olte aju tu'n tajb'en tuj ninq'ij, ex qa tu'n t-xi q'ot ch'in kye meb'a; porke ate Judas q'il ch'u'ẍ tkub'il pwaq. 30Tejtzun tb'aj twa'n Judas ju pan, jurat etz naj; ex otoq qo ok yupj.
Aju ak'aj mandamyent
31Tetzlenxitzun Judas tma Jesús:
—Ja'lo chin jawil nimsa'ne, aqine sk'o'maj qine tu'n Dios tu'n ntene kyuk'il xjal, ex kjawil nimsa'n Dios noq wu'ne. 32Qa ma jaw nimsa'n Dios noq wu'ne, ax ikx tu'nx Dios chin jawil nimsa'ne, ex jurat naj chin jawil nimsa'ne tu'n. 33Aqeye tal nk'wa'le, noq ch'intl chin tele kyuk'ile. Che jyole wi'je; ex ik tza'n xi nma'ne kye xjal judiy, ax ikx kxel nma'ne kyeye ja'lo: Mlay che'xe jatum chin xe'le. 34Kxel nq'o'ne jun ak'aj mandamyent kyeye: Tu'n kyk'ujlante kyib'e kyxolxe ik tza'n weye ma che nk'ujlaye, ikxtzun kyeye tu'n kyk'ujlante kyib'e kyxolxe. 35Qa ma kyk'ujla kyib'e kyxolxe, tu'ntzun jlu k'elel kynik' kykyaqil xjal kyi'je qa nxnaq'tzb'en qeye, chi Jesús kye.
Chin b'el tewana ox maj, chi Jesús te Pedro
Mateo 26.31-35; Marcos 14.27-31; Lucas 22.31-34
36Xitzun tma'n Simón Pedro.
—Tat, ¿jatum kxe'la?
Xitzun ttzaq'we'n Jesús:
—Mlayx tz'ok lpe'ya wi'je ja'lo jatum chin xe'le; k'okel lpe'ya wi'je pero yajxi.
37Xitzun tma'n Pedro te:
—Tat, ¿tiqu'n mlayx chin ok lpe'ye ti'ja ja'lo? Jaku txi nq'on wib'e tu'n nkyime tu'n tlaja.
38Xi ttzaq'we'n Jesús:
—¿Maj jaku taq' tib'a tu'n tkyima tu'n nlaje? Ax tok kxel nma'ne teya, na'nxtoq ttzaj oq' tzek', kb'el tewana ox maj kywitz xjal qa minti' ojtzqi'n qine tu'na.
موجودہ انتخاب:
Juan 13: MAMNO
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Juan 13
13
El ttx'jo'n Jesús kyqan qe t-xnaq'tzb'en
1Na'nxtoq tul kanun aju ninq'ij Xjan Q'ij tb'i, b'a'ntoq tu'n Jesús otoq pon tq'ijlalil tu'n tik' tzalu twitz tx'otx' ex tu'n tpon tuk'il Tman; tu'nju at tk'ujlalil kyi'j qe t-xnaq'tzb'en ate' tzalu twitz tx'otx', kyja'tzun xi tyek'un tk'ujlalil nimxix kye.
2-4Otoq tma tajaw il tuj tanmi Judas Iscariote, aju tky'ajal Simón, tu'n t-xi q'o'n Jesús tuj kyq'ab' xjal tu'n, ex b'a'n tu'n Jesús tkyaqil otoq tzaj q'o'n tuj tq'ab' tu'n Tman, ex b'a'ntoq tu'n qa tuk'il Dios otoq tzaj ex tuk'il Dios tu'n tpon, kyja'tzun jaw we' ti'j mes matoq in che wa'n, el ti'n txowb'il ti'j ex tzaj ti'n jun xb'alun ok tk'alo'n tk'u'j. 5Ku'x tqo'n ch'in a' tuj jun k'oẍ, ok ten tx'jolte kyqan qe t-xnaq'tzb'en, ex el t-su'n ti'j kyqan tu'nju xb'alun aju k'alo'ntoq tk'u'j.
6Pontzun Jesús twitz Simón Pedro; xitzun tma'n Pedro te:
—Tat, ¿maj aya k'elel tx'jonte nqane?
7Xi ttzaq'we'n Jesús:
—Aju in nb'incha'ne minti' nne'l tnik'a ti'j ja'lo, k'elel tnik'a ti'j mas yajxi.
8Xitzun tma'n Pedro te:
—Mlayx tz'el ttx'jo'na nqane.
Xitzun tma'n Jesús te:
—Qa minti' ma tz'el ntx'jo'ne tqana, minti' toklena wuk'ile.
9Xitzun tma'n Simón Pedro:
—Tat, mya noq o'kx nqane tu'n tel ttx'jo'na, ax ikx qe nq'ab'e tuk'ix nwi'ye.
10Ex xi tma'n Jesús te:
—Alkye ma b'aj tx'jo'n ti'j, mya il ti'j tu'n ttx'jet juntl maj, noq o'kx qe tqan tu'n kytx'jet, porke saq ti'j tkyaqil; atzun kyeye saq kyi'je, pero mya kykyaqile, chi Jesús.
11Porke b'a'n tu'n Jesús alkye tu'n t-xi q'onte te tuj kyq'ab' xjal; kyja'tzun o tma: Mya kykyaqile saq kyi'je.
12Tejtzun tb'aj tx'jet kyqan tu'n, ok tq'o'n juntl maj ju txowb'il ti'j, kub' qe' juntl maj ti'j mes, ex xi tma'n kye:
—¿Mape tz'el kynik'e ti'j ju ma nb'inchaye kyeye? 13In kyma'ne qa aqine Xnaq'tzal kyeye ex Kyajawe; b'a'n in kyma'ne, ex ax tok Xnaq'tzal qine, ex aqine Kyajawe. 14Ma tz'el ntx'jo'ne kyqane, ex aqine Xnaq'tzal kyeye ex Kyajawe, kyja'tzun ikx kyeye tu'n tel kytx'jo'ne kyqane kyxolxe. 15Porke ma txi nyek'une kyeye, ik tza'n ma nb'inchaye kyeye, ikxtzun kyeye tu'n kyb'inchanteye. 16Ax tok kxel nma'ne kyeye, aju majen mya mas at toklen twitz ju tpatrón, ex aju in xi sama'n mya mas at toklen twitz ju samal te. 17Qa ma tz'el kynik'e ti'j jlu, at-xix tzalajb'il kyeye qa ma kyb'inchaye.
18Mya kyi'je kykyaqile in chin yoline; b'a'n wu'ne alkye qeju ma che jaw nsk'o'ne; ex il ti'j tu'n tjapun aju in tma'n tuj Tu'jil chi kyja': Aju ma wa'n wuk'ile, ma tz'ok te aj q'oj wi'je, chi tuj Tu'jil. 19B'i'x kxel nma'ne kyeye ja'lo na'nxtoq tb'ant jlu, tu'ntzun t-xi kyoksla'ne qa Aqine ok tb'ant jlu. 20Ax tok kxel nma'ne kyeye, alkye ma k'monte aju kxel nsama'ne, ax qine in chin tk'mo'n; ex aju ma k'monte weye, ax ikx in k'monjtz Nmane tu'n, aju tzaj samante weye, chi Jesús kye.
In tma'n Jesús qa ate Judas tu'n t-xi k'ayin te
Mateo 26.20-25; Marcos 14.17-21; Lucas 22.21-23
21Tej tb'aj tma'n Jesús jlu, tzaj ta'w tuj tanmi, ex clarxix tzaj tma'n kyja':
—Ax tok kxel nma'ne kyeye, ax jun kyeye kxel q'onte weye tuj kyq'ab' xjal.
22Atzun kye t-xnaq'tzb'en b'aj kyke'yin tuj kywitz, in che ximan ti'j alkye o yolin Jesús ti'j. 23At jun t-xnaq'tzb'en Jesús, aju k'ujla'nxix tu'n, q'uqltoq ti'j mes ttxlaj Jesús. 24Xitzun tyek'un Simón Pedro señ te tu'n tq'ab', tu'n t-xi tqanin te Jesús alkye o yolin Jesús ti'j. 25Xitzun txale' twi' ttzi t-xu'k Jesús, ex xi tqanin te:
—Tat, ¿alkyetzun?
26Xitzun tma'n Jesús:
—Alkyeju ma txi nq'o'ne pan te, otoq ku'x nmu'ne tuj laq, atzunju, chi Jesús.
Ku'xtzun tmu'n Jesús pan tuj laq, ex xi tq'o'n te Judas Iscariote aju tky'ajal Simón. 27Tej t-xi twa'n Judas pan, okx naj Satanás tuj tanmi. Xitzun tma'n Jesús te:
—Aju ok tb'incha'ya, b'incham naja.
28Ex mi jun kye qeju q'uqltoq ti'j mes el tnik' ti'j tiqu'n xi q'ma'n te ikju. 29Tuj kynab'l junjun malo txi tma'n Jesús te Judas tu'n t-xi' laq'olte aju tu'n tajb'en tuj ninq'ij, ex qa tu'n t-xi q'ot ch'in kye meb'a; porke ate Judas q'il ch'u'ẍ tkub'il pwaq. 30Tejtzun tb'aj twa'n Judas ju pan, jurat etz naj; ex otoq qo ok yupj.
Aju ak'aj mandamyent
31Tetzlenxitzun Judas tma Jesús:
—Ja'lo chin jawil nimsa'ne, aqine sk'o'maj qine tu'n Dios tu'n ntene kyuk'il xjal, ex kjawil nimsa'n Dios noq wu'ne. 32Qa ma jaw nimsa'n Dios noq wu'ne, ax ikx tu'nx Dios chin jawil nimsa'ne, ex jurat naj chin jawil nimsa'ne tu'n. 33Aqeye tal nk'wa'le, noq ch'intl chin tele kyuk'ile. Che jyole wi'je; ex ik tza'n xi nma'ne kye xjal judiy, ax ikx kxel nma'ne kyeye ja'lo: Mlay che'xe jatum chin xe'le. 34Kxel nq'o'ne jun ak'aj mandamyent kyeye: Tu'n kyk'ujlante kyib'e kyxolxe ik tza'n weye ma che nk'ujlaye, ikxtzun kyeye tu'n kyk'ujlante kyib'e kyxolxe. 35Qa ma kyk'ujla kyib'e kyxolxe, tu'ntzun jlu k'elel kynik' kykyaqil xjal kyi'je qa nxnaq'tzb'en qeye, chi Jesús kye.
Chin b'el tewana ox maj, chi Jesús te Pedro
Mateo 26.31-35; Marcos 14.27-31; Lucas 22.31-34
36Xitzun tma'n Simón Pedro.
—Tat, ¿jatum kxe'la?
Xitzun ttzaq'we'n Jesús:
—Mlayx tz'ok lpe'ya wi'je ja'lo jatum chin xe'le; k'okel lpe'ya wi'je pero yajxi.
37Xitzun tma'n Pedro te:
—Tat, ¿tiqu'n mlayx chin ok lpe'ye ti'ja ja'lo? Jaku txi nq'on wib'e tu'n nkyime tu'n tlaja.
38Xi ttzaq'we'n Jesús:
—¿Maj jaku taq' tib'a tu'n tkyima tu'n nlaje? Ax tok kxel nma'ne teya, na'nxtoq ttzaj oq' tzek', kb'el tewana ox maj kywitz xjal qa minti' ojtzqi'n qine tu'na.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.