Lucas 12
12
Xi tq'o'n Jesús xnaq'tzb'il kye xjal kyi'j qe kyxmletz'il
Mateo 10.26-27
1B'aj kychmon kyib' ela' mil xjal, b'aj kylamon kyib' kyxolx. Ex tnejel ok ten Jesús q'malte kye t-xnaq'tzb'en:
—Ten kykwente kyi'je teju t-samel pan kye fariseo, aju kyxmletz'il. 2Ex tkyaqilju ewan, k'elel tuj q'ancha'l; ex tkyaqilju at tuj ewaj, ok kyb'i' xjal. 3Kyja'tzun, aju ma kymaye tuj qlolj, kb'injtzel tuj tqan q'ij; ex tkyaqilju ma kymaye tuj ewaj tujxi ja, ktzajel q'ma'n twi ja ex ok kyb'i' kykyaqil xjal.
Alkye tu'n qxob' twitz
Mateo 10.28-31
4Kxel nma'ne kyeye aqeye wuk'ile: Mi'n che xob'e kywitz qeju in kub' kyb'yo'n t-ximlal xjal ex minti' mastl jaku b'ant kyu'n. 5Kxel nma'ne kyeye alkye tu'n kyxob'e twitz: Che xob'e twitzju at tipumal tu'n tkyim xjal tu'n ex at tipumal tu'n t-xi q'o'n xjal tuj infierni tkyimlenxi xjal; kyja'tzun in xi nma'ne kyeye, che xob'e twitz.
6¿Minti'pe in che k'ayinjtz jwe' tal chyu'j tu'n kab'e sentav? Pero mi jun kye nnik' tna'l tu'n Dios. 7Tkyaqil ttzmal kywi'ye ajla'maj tu'n Dios. Kyja'tzun mi'n che xob'e; aqeye mas ma' kyxilene kywitz nimku tal chyu'j.
Kxel qma'n kye xjal qa ax tok okslal qo' ti'j Jesucrist
Mateo 10.32-33; 12.32; 10.19-20
8Kxel nma'ne kyeye, alkyeju minti' in kub' tewan ex in tma'n kye xjal qa ax tok okslal wi'je, ax ikxtzun weye mlay kub' wewane, kxel nma'ne kywitz t-anjel Dios qa ax tok okslal wi'je, aqine sk'o'maj qine tu'n Dios tu'n ntene kyuk'il xjal. 9Ex alkye ma kub' tewan kywitz xjal qa minti' ojtzqi'n qine tu'n, ax ikx weye kb'el wewane kywitz t-anjel Dios qa minti' ojtzqi'n wu'ne.
10Ex alkye jun xjal ma q'mante jun yol mya b'a'n wi'je, aqine sk'o'maj qine tu'n Dios tu'n ntene kyuk'il xjal, jaku najset til; pero alkye ma yolin mya b'a'n ti'j Xewb'aj Xjan, mlay najset til.
11Ex ok kyxi q'i'ne tuj ja te k'ulb'il, ex kywitz jwes ex kywitz aj sanjelal, mi'n b'aj kyk'u'je tza'n tten tu'n t-xi kytzaq'we'ne ex alkye yol tu'n t-xi kyma'ne; 12porke jurat ktzajel tma'n Xewb'aj Xjan kyeye alkye yol tu'n t-xi kyma'ne.
Aju xob'ajil tu'n q'inumab'l
13At jun xinaq kyxol xjal xi tma'n te Jesús:
—Xnaq'tzal, q'manxa te ntzike tu'n tkub' tmij qetzb'ile.
14Atzunte Jesús xi tma'n te:
—¿Alkye ma tz'ok q'onte weye te jwes kyib'aje ex tu'n tkub' tmij kyetzb'ile wu'ne?
15Ex tmatl Jesús kye:
—Atx kyna'ne ti'j, ex ten kykwente kyi'je tu'n mi'n tpon kyk'u'je ti'j q'inumab'l; porke mya tok tchwinqlal jun xjal ti'j nimku at te.
16Ax ikx xi tma'n Jesús jun techal kye:
—At jun xjal q'inun, nim twitz awal o chmet tuj ttx'otx'. 17Kub'tzun t-ximan q'inun ex tma: ¿Ti ok nb'incha'ye? Tu'nju minti' jatum tu'n tokx nk'u'ne twitz wawale. 18Ex b'a'n wu'ne alkye ok nb'incha'ye. Che b'el nxitune ntx'utx'e, ex che jawil nb'incha'ne mas matijtl qe, ex atzun k'okex nk'u'ne tkyaqil twitz wawale ex tkyaqilju at weye. 19Tu'n jlu kxel nma'ne te wanmiye: Wanmi, nimku at teya k'u'n qe te nimku ab'q'i; tz'ojlana, wa'na, k'ana, ex tzalajxa, chi q'inun. 20Ex xi tma'n Dios te xjal: Minti' tnab'la, teju qonik'an ja'lo kymela; ex tkyaqilju ma b'aj tk'u'na, ¿alkye kyjel tajwil? 21Kyja'tzun tten aju xjal in b'aj tchmo'n tq'inumab'l te tex, ex tuj twitz Dios meb'a te xjal lu.
Qe tk'wa'l Dios kwentin qe tu'n
Mateo 6.25-34
22Xitzun tma'n Jesús kye t-xnaq'tzb'en:
—Kyja'tzun kxel nma'ne kyeye: Mi'n b'aj kyk'u'je ti'j kychwinqlale, ti kxel kywa'ne; ex mi'n b'aj kyk'u'je ti'j kyximlale, ti k'okel kyq'o'ne kyi'je. 23Aju kychwinqlale mas ma' t-xilen twitz wab'j, ex aju kyximlale mas ma' t-xilen twitz xb'alun. 24Kyke'yinxe qe joj, minti' in che awan ex minti' in che chmon twitz awal; minti' jun ja te k'ub'l kywa ex minti' kytx'utx', ex ax Dios in k'a'chan kye. ¿Yajtzun kyeye, myapelo mas ma' kyxilene kywitz qe joj? 25¿Ex alkyetzun jun kyxole jaku b'ant tu'n tu'n tok tq'o'n juntl q'ij tchwinqlal#12.25 Juntl q'ij tchwinqlal. Ex qa kab'e xk'achub'tl twa'l. tu'nju nimxix in b'aj tk'u'j ti'j? 26Qa mlayx b'ant aju ch'in kyu'ne, ¿tiqu'ntzun in b'aj kyk'u'je ti'j txqantl?
27Che ximane kyi'j b'ech tuj k'ul tza'n tten in che ch'iy, minti' in che aq'nan ex minti' in che chqon; ex kxel nma'ne kyeye ti'j rey Salomón, maske tb'anilxix t-xb'alun ok tq'o'n, pero minti' pon jun t-xb'alun ik tza'n kye tal b'ech lu. 28Qatzun ik in t-xb'alumi'n Dios tal k'ul tuj kojb'il at ja'lo ex nchi'j tz'okx q'o'n tuj q'aq', ¿yajtzunlo kyeye, mlaypelo che xb'aluminjtze tu'n, aqeye xinaq ch'in kyokslab'le? 29Kyja'tzun, mi'n b'aj kyk'u'je ti'j kywaye ex ti'j kyk'a'ye, ex mi'n che b'isune ti'j. 30Porke qe txqantl xjal tuj tkyaqil twitz tx'otx' in che jyon ti'j tkyaqil jlu; atzun kyeye at jun Kymane ojtzqi'n tu'n qa at tajb'en tkyaqil jlu kyeye. 31Kynimanxe tnejelxix aju tkawb'il Dios, tkyaqiltzun jlu ktzajel q'o'n kyeye.
Aju q'inumab'l tuj kya'j
Mateo 6.19-21
32Mi'n che xob'e aqeye nẍne'le, ichaq nik'xi kyb'ete, porke ate Kymane b'a'n ela tuj twitz tu'n t-xi tq'o'n aju kawb'il te kyeye. 33Tkyaqilju at kyeye, kyk'ayinxe ex kyq'onxe kye meb'a; kyb'inchame kych'u'ẍe aju mlay b'aj, kychmome kyq'inumab'le tuj kya'j aju mlay b'aj, jatum mlay pon laq'e' eleq' ex mlay naj tu'n pok'. 34Porke jatum ta' kyq'inumab'le, axtzun ktel kyanmiye.
Kyb'incham kytene
35Kyk'alomtzun kyk'u'je wen, ex kytxaqo'nk kykandile. 36Che okxe ik tza'n qe majen in che ayon ti'j kypatrón ok tajtz tuj mejeb'le'n, tu'ntzun tjaqet naj ttzi ja kyu'n ok tul, ex ok tok tq'ajtza'n ttzi ja. 37At tzalajb'il kye qeju majen lu ok tul kypatrón in che ayon ti'j; ax tok kxel nma'ne kyeye, ate patrón k'okel tk'alo'n tk'u'j ex kxel tma'n kye tmajen tu'n kykub' qe' ti'j mes, ex k'okel ten sipal kywa. 38Ichaq qa ma tzul tmij aq'b'il ex qa ch'ixtoq qsqix, qa in che itz'len majen ti'j ok tul, at tzalajb'il kye qeju majen lu. 39Ex tz'elx kynik'e ti'j jlu, noqwit b'i'n tu'n tajaw ja alkye or tu'n tul eleq', jakulo kub' ten xq'uqil, ex mlaylo tz'okx eleq' elq'al tuj tja. 40Ikxtzun kyeye, noq b'anin kytene, ex alkye or minti' in che ximane ti'j, atzun or chin ule, aqine sk'o'maj qine tu'n Dios tu'n ntene kyuk'il xjal.
Aju majen in b'ant taq'un tu'n ex aju majen minti' in b'ant taq'un
Mateo 24.45-51
41Xitzun tma'n Pedro te Jesús:
—Tat, ¿o'kxpe qeye in tma'na aju techal lu, ex qa kye kykyaqil?
42Xitzun tma'n Qajaw kye:
—Aju mayordom in japunxix taq'un tu'n ex at tnab'l, ktzajel tma'n tpatrón te tu'n kyok tkwentin qeju ate' tuj tja, ex tu'n t-xi q'ot kywa ok tpon or. 43At-xix tzalajb'il teju majen qa in tb'incha'n alkyeju taq'un ok tul tpatrón. 44Ax tok kxel nma'ne kyeye, k'okel q'o'n ju majen lu tu'n tpatrón te kwentil tkyaqilju at te tpatrón. 45Ex qa ma kub' t-ximan ju majen tuj tanmi: Yajxi tzulwe npatrón, qa chi, ex qa ma tz'ok ten k'ixb'isal kye txqantl majen xinaq ex majen xu'j, ex qa ma tz'ok ten wa'l ex k'al, ex qa ma tz'ok ten k'al q'e'n, 46tzultzun tpatrón majen lu tuj q'ij minti' in ayon ti'j, ex tuj or minti' b'i'n tu'n; kb'el q'o'n nim tcastiw ex kxel tq'o'n kyxol qeju mya b'a'n.
47Aju majen ojtzqi'n tu'n alkye tajb'il tpatrón ex mya b'anin tten, ex minti' in b'ant tu'n aju tajb'il tpatrón, kk'ixb'isetel ela' maj tu'n asyal. 48Atzunju majen na'nxtoq tlonte tajb'il tpatrón ex qa ma tb'incha jun mya b'a'n, noq ch'in kk'ixb'isetel; porke jun xjal qa nim ma txi q'o'n tuj tkwent, ax nim kxel qanin te ti'j ju taq'unb'en; ex jun xjal qa ma txi oqxenit nim te, ax nim kxel qanit te.
Tu'n tlaj Jesús in tzaj pab'l tib' kyxol xjal
Mateo 10.34-36
49Aqine ma chin ule q'ol q'aq' twitz tx'otx', ex kuchiwt mawt jaw k'ant. 50Il ti'j tu'n wik'e tuj nim k'ixk'oj, ex nim in chin b'isune okxi tjapun b'aj tkyaqil. 51¿Maj in che ximane ti'j qa ma chin ule twitz tx'otx' tu'n kyten xjal tuj tzalajb'il? Kxel nma'ne kyeye: Mi'n, o'kx tu'n tten pab'l tib' kyxol. 52Porke texju ja'lo, jwe' xjal tuj jun ja kb'el ten pab'l tib' kyxol, kb'el ten q'oj kyxol ox kyuk'il kab'etl, ax ikx kyxol kab'e kyuk'il oxtl. 53Ktel q'oj kyxol mamb'aj tuk'il tk'wa'l, ikx te k'wa'lb'aj tuk'il tman; ktel q'oj kyxol txuyb'aj tuk'il tal, ikx te txin tuk'il ttxu'; ktel q'oj kyxol xu'j alib'aj tuk'il txin alib'aj, ikx te txin alib'aj tuk'il xu'j alib'aj.
Qe techal ti'j tq'ijlalil
Mateo 16.1-4; Marcos 8.11-13
54Ax ikx xi tma'n Jesús kye xjal:
—Ok in xi kyke'yine muj in jaw tuj telex q'ij, jurat in kyma'ne: Tzul jb'al ex in tzajtzun, 55ex ok in tzaj kyq'iq' elni, in kyma'ne: Tzul kyaq ex in tzajtzun. 56Xmletz' qeye. Nne'l kynik'e ti'j alkye ktzajel tu'nju techal in kyke'yine twitz kya'j ex twitz tx'otx'; ¿tza'ntzun tten minti' nne'l kynik'e ti'j alkye ktzajel tuj tq'ijlalil lu tu'nju techal in kyke'yine?
B'incham ttena tuk'il aj q'oj ti'ja
Mateo 5.25-26
57¿Ex tiqu'n minti' in kub' kyximane kyu'nxe alkyeju tz'aqlxix? 58Qa ma txi q'i'na twitz jwes tu'n aj q'oj ti'ja, tz'ok tililx tu'na tu'n t-xi kyb'incha'ne ti'j tuj b'e, tu'ntzun mi'n tpon q'i'na twitz jwes tu'n, ex tu'n mi'n t-xi q'o'na te polisiy tu'n jwes, ex tu'n mi'n tokx q'o'na tuj pres tu'n polisiy. 59Kxel nma'ne teya, mlay tz'etza tuj pres qa mya cabal tmulta k'okex tchjo'na.
موجودہ انتخاب:
Lucas 12: MAMNO
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.
Lucas 12
12
Xi tq'o'n Jesús xnaq'tzb'il kye xjal kyi'j qe kyxmletz'il
Mateo 10.26-27
1B'aj kychmon kyib' ela' mil xjal, b'aj kylamon kyib' kyxolx. Ex tnejel ok ten Jesús q'malte kye t-xnaq'tzb'en:
—Ten kykwente kyi'je teju t-samel pan kye fariseo, aju kyxmletz'il. 2Ex tkyaqilju ewan, k'elel tuj q'ancha'l; ex tkyaqilju at tuj ewaj, ok kyb'i' xjal. 3Kyja'tzun, aju ma kymaye tuj qlolj, kb'injtzel tuj tqan q'ij; ex tkyaqilju ma kymaye tuj ewaj tujxi ja, ktzajel q'ma'n twi ja ex ok kyb'i' kykyaqil xjal.
Alkye tu'n qxob' twitz
Mateo 10.28-31
4Kxel nma'ne kyeye aqeye wuk'ile: Mi'n che xob'e kywitz qeju in kub' kyb'yo'n t-ximlal xjal ex minti' mastl jaku b'ant kyu'n. 5Kxel nma'ne kyeye alkye tu'n kyxob'e twitz: Che xob'e twitzju at tipumal tu'n tkyim xjal tu'n ex at tipumal tu'n t-xi q'o'n xjal tuj infierni tkyimlenxi xjal; kyja'tzun in xi nma'ne kyeye, che xob'e twitz.
6¿Minti'pe in che k'ayinjtz jwe' tal chyu'j tu'n kab'e sentav? Pero mi jun kye nnik' tna'l tu'n Dios. 7Tkyaqil ttzmal kywi'ye ajla'maj tu'n Dios. Kyja'tzun mi'n che xob'e; aqeye mas ma' kyxilene kywitz nimku tal chyu'j.
Kxel qma'n kye xjal qa ax tok okslal qo' ti'j Jesucrist
Mateo 10.32-33; 12.32; 10.19-20
8Kxel nma'ne kyeye, alkyeju minti' in kub' tewan ex in tma'n kye xjal qa ax tok okslal wi'je, ax ikxtzun weye mlay kub' wewane, kxel nma'ne kywitz t-anjel Dios qa ax tok okslal wi'je, aqine sk'o'maj qine tu'n Dios tu'n ntene kyuk'il xjal. 9Ex alkye ma kub' tewan kywitz xjal qa minti' ojtzqi'n qine tu'n, ax ikx weye kb'el wewane kywitz t-anjel Dios qa minti' ojtzqi'n wu'ne.
10Ex alkye jun xjal ma q'mante jun yol mya b'a'n wi'je, aqine sk'o'maj qine tu'n Dios tu'n ntene kyuk'il xjal, jaku najset til; pero alkye ma yolin mya b'a'n ti'j Xewb'aj Xjan, mlay najset til.
11Ex ok kyxi q'i'ne tuj ja te k'ulb'il, ex kywitz jwes ex kywitz aj sanjelal, mi'n b'aj kyk'u'je tza'n tten tu'n t-xi kytzaq'we'ne ex alkye yol tu'n t-xi kyma'ne; 12porke jurat ktzajel tma'n Xewb'aj Xjan kyeye alkye yol tu'n t-xi kyma'ne.
Aju xob'ajil tu'n q'inumab'l
13At jun xinaq kyxol xjal xi tma'n te Jesús:
—Xnaq'tzal, q'manxa te ntzike tu'n tkub' tmij qetzb'ile.
14Atzunte Jesús xi tma'n te:
—¿Alkye ma tz'ok q'onte weye te jwes kyib'aje ex tu'n tkub' tmij kyetzb'ile wu'ne?
15Ex tmatl Jesús kye:
—Atx kyna'ne ti'j, ex ten kykwente kyi'je tu'n mi'n tpon kyk'u'je ti'j q'inumab'l; porke mya tok tchwinqlal jun xjal ti'j nimku at te.
16Ax ikx xi tma'n Jesús jun techal kye:
—At jun xjal q'inun, nim twitz awal o chmet tuj ttx'otx'. 17Kub'tzun t-ximan q'inun ex tma: ¿Ti ok nb'incha'ye? Tu'nju minti' jatum tu'n tokx nk'u'ne twitz wawale. 18Ex b'a'n wu'ne alkye ok nb'incha'ye. Che b'el nxitune ntx'utx'e, ex che jawil nb'incha'ne mas matijtl qe, ex atzun k'okex nk'u'ne tkyaqil twitz wawale ex tkyaqilju at weye. 19Tu'n jlu kxel nma'ne te wanmiye: Wanmi, nimku at teya k'u'n qe te nimku ab'q'i; tz'ojlana, wa'na, k'ana, ex tzalajxa, chi q'inun. 20Ex xi tma'n Dios te xjal: Minti' tnab'la, teju qonik'an ja'lo kymela; ex tkyaqilju ma b'aj tk'u'na, ¿alkye kyjel tajwil? 21Kyja'tzun tten aju xjal in b'aj tchmo'n tq'inumab'l te tex, ex tuj twitz Dios meb'a te xjal lu.
Qe tk'wa'l Dios kwentin qe tu'n
Mateo 6.25-34
22Xitzun tma'n Jesús kye t-xnaq'tzb'en:
—Kyja'tzun kxel nma'ne kyeye: Mi'n b'aj kyk'u'je ti'j kychwinqlale, ti kxel kywa'ne; ex mi'n b'aj kyk'u'je ti'j kyximlale, ti k'okel kyq'o'ne kyi'je. 23Aju kychwinqlale mas ma' t-xilen twitz wab'j, ex aju kyximlale mas ma' t-xilen twitz xb'alun. 24Kyke'yinxe qe joj, minti' in che awan ex minti' in che chmon twitz awal; minti' jun ja te k'ub'l kywa ex minti' kytx'utx', ex ax Dios in k'a'chan kye. ¿Yajtzun kyeye, myapelo mas ma' kyxilene kywitz qe joj? 25¿Ex alkyetzun jun kyxole jaku b'ant tu'n tu'n tok tq'o'n juntl q'ij tchwinqlal#12.25 Juntl q'ij tchwinqlal. Ex qa kab'e xk'achub'tl twa'l. tu'nju nimxix in b'aj tk'u'j ti'j? 26Qa mlayx b'ant aju ch'in kyu'ne, ¿tiqu'ntzun in b'aj kyk'u'je ti'j txqantl?
27Che ximane kyi'j b'ech tuj k'ul tza'n tten in che ch'iy, minti' in che aq'nan ex minti' in che chqon; ex kxel nma'ne kyeye ti'j rey Salomón, maske tb'anilxix t-xb'alun ok tq'o'n, pero minti' pon jun t-xb'alun ik tza'n kye tal b'ech lu. 28Qatzun ik in t-xb'alumi'n Dios tal k'ul tuj kojb'il at ja'lo ex nchi'j tz'okx q'o'n tuj q'aq', ¿yajtzunlo kyeye, mlaypelo che xb'aluminjtze tu'n, aqeye xinaq ch'in kyokslab'le? 29Kyja'tzun, mi'n b'aj kyk'u'je ti'j kywaye ex ti'j kyk'a'ye, ex mi'n che b'isune ti'j. 30Porke qe txqantl xjal tuj tkyaqil twitz tx'otx' in che jyon ti'j tkyaqil jlu; atzun kyeye at jun Kymane ojtzqi'n tu'n qa at tajb'en tkyaqil jlu kyeye. 31Kynimanxe tnejelxix aju tkawb'il Dios, tkyaqiltzun jlu ktzajel q'o'n kyeye.
Aju q'inumab'l tuj kya'j
Mateo 6.19-21
32Mi'n che xob'e aqeye nẍne'le, ichaq nik'xi kyb'ete, porke ate Kymane b'a'n ela tuj twitz tu'n t-xi tq'o'n aju kawb'il te kyeye. 33Tkyaqilju at kyeye, kyk'ayinxe ex kyq'onxe kye meb'a; kyb'inchame kych'u'ẍe aju mlay b'aj, kychmome kyq'inumab'le tuj kya'j aju mlay b'aj, jatum mlay pon laq'e' eleq' ex mlay naj tu'n pok'. 34Porke jatum ta' kyq'inumab'le, axtzun ktel kyanmiye.
Kyb'incham kytene
35Kyk'alomtzun kyk'u'je wen, ex kytxaqo'nk kykandile. 36Che okxe ik tza'n qe majen in che ayon ti'j kypatrón ok tajtz tuj mejeb'le'n, tu'ntzun tjaqet naj ttzi ja kyu'n ok tul, ex ok tok tq'ajtza'n ttzi ja. 37At tzalajb'il kye qeju majen lu ok tul kypatrón in che ayon ti'j; ax tok kxel nma'ne kyeye, ate patrón k'okel tk'alo'n tk'u'j ex kxel tma'n kye tmajen tu'n kykub' qe' ti'j mes, ex k'okel ten sipal kywa. 38Ichaq qa ma tzul tmij aq'b'il ex qa ch'ixtoq qsqix, qa in che itz'len majen ti'j ok tul, at tzalajb'il kye qeju majen lu. 39Ex tz'elx kynik'e ti'j jlu, noqwit b'i'n tu'n tajaw ja alkye or tu'n tul eleq', jakulo kub' ten xq'uqil, ex mlaylo tz'okx eleq' elq'al tuj tja. 40Ikxtzun kyeye, noq b'anin kytene, ex alkye or minti' in che ximane ti'j, atzun or chin ule, aqine sk'o'maj qine tu'n Dios tu'n ntene kyuk'il xjal.
Aju majen in b'ant taq'un tu'n ex aju majen minti' in b'ant taq'un
Mateo 24.45-51
41Xitzun tma'n Pedro te Jesús:
—Tat, ¿o'kxpe qeye in tma'na aju techal lu, ex qa kye kykyaqil?
42Xitzun tma'n Qajaw kye:
—Aju mayordom in japunxix taq'un tu'n ex at tnab'l, ktzajel tma'n tpatrón te tu'n kyok tkwentin qeju ate' tuj tja, ex tu'n t-xi q'ot kywa ok tpon or. 43At-xix tzalajb'il teju majen qa in tb'incha'n alkyeju taq'un ok tul tpatrón. 44Ax tok kxel nma'ne kyeye, k'okel q'o'n ju majen lu tu'n tpatrón te kwentil tkyaqilju at te tpatrón. 45Ex qa ma kub' t-ximan ju majen tuj tanmi: Yajxi tzulwe npatrón, qa chi, ex qa ma tz'ok ten k'ixb'isal kye txqantl majen xinaq ex majen xu'j, ex qa ma tz'ok ten wa'l ex k'al, ex qa ma tz'ok ten k'al q'e'n, 46tzultzun tpatrón majen lu tuj q'ij minti' in ayon ti'j, ex tuj or minti' b'i'n tu'n; kb'el q'o'n nim tcastiw ex kxel tq'o'n kyxol qeju mya b'a'n.
47Aju majen ojtzqi'n tu'n alkye tajb'il tpatrón ex mya b'anin tten, ex minti' in b'ant tu'n aju tajb'il tpatrón, kk'ixb'isetel ela' maj tu'n asyal. 48Atzunju majen na'nxtoq tlonte tajb'il tpatrón ex qa ma tb'incha jun mya b'a'n, noq ch'in kk'ixb'isetel; porke jun xjal qa nim ma txi q'o'n tuj tkwent, ax nim kxel qanin te ti'j ju taq'unb'en; ex jun xjal qa ma txi oqxenit nim te, ax nim kxel qanit te.
Tu'n tlaj Jesús in tzaj pab'l tib' kyxol xjal
Mateo 10.34-36
49Aqine ma chin ule q'ol q'aq' twitz tx'otx', ex kuchiwt mawt jaw k'ant. 50Il ti'j tu'n wik'e tuj nim k'ixk'oj, ex nim in chin b'isune okxi tjapun b'aj tkyaqil. 51¿Maj in che ximane ti'j qa ma chin ule twitz tx'otx' tu'n kyten xjal tuj tzalajb'il? Kxel nma'ne kyeye: Mi'n, o'kx tu'n tten pab'l tib' kyxol. 52Porke texju ja'lo, jwe' xjal tuj jun ja kb'el ten pab'l tib' kyxol, kb'el ten q'oj kyxol ox kyuk'il kab'etl, ax ikx kyxol kab'e kyuk'il oxtl. 53Ktel q'oj kyxol mamb'aj tuk'il tk'wa'l, ikx te k'wa'lb'aj tuk'il tman; ktel q'oj kyxol txuyb'aj tuk'il tal, ikx te txin tuk'il ttxu'; ktel q'oj kyxol xu'j alib'aj tuk'il txin alib'aj, ikx te txin alib'aj tuk'il xu'j alib'aj.
Qe techal ti'j tq'ijlalil
Mateo 16.1-4; Marcos 8.11-13
54Ax ikx xi tma'n Jesús kye xjal:
—Ok in xi kyke'yine muj in jaw tuj telex q'ij, jurat in kyma'ne: Tzul jb'al ex in tzajtzun, 55ex ok in tzaj kyq'iq' elni, in kyma'ne: Tzul kyaq ex in tzajtzun. 56Xmletz' qeye. Nne'l kynik'e ti'j alkye ktzajel tu'nju techal in kyke'yine twitz kya'j ex twitz tx'otx'; ¿tza'ntzun tten minti' nne'l kynik'e ti'j alkye ktzajel tuj tq'ijlalil lu tu'nju techal in kyke'yine?
B'incham ttena tuk'il aj q'oj ti'ja
Mateo 5.25-26
57¿Ex tiqu'n minti' in kub' kyximane kyu'nxe alkyeju tz'aqlxix? 58Qa ma txi q'i'na twitz jwes tu'n aj q'oj ti'ja, tz'ok tililx tu'na tu'n t-xi kyb'incha'ne ti'j tuj b'e, tu'ntzun mi'n tpon q'i'na twitz jwes tu'n, ex tu'n mi'n t-xi q'o'na te polisiy tu'n jwes, ex tu'n mi'n tokx q'o'na tuj pres tu'n polisiy. 59Kxel nma'ne teya, mlay tz'etza tuj pres qa mya cabal tmulta k'okex tchjo'na.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.