Mahte 7
7
Khyang Ngthumkhyahnak
(Lk 6:37,38,41-48)
1 #
Mk 4:24
Pamhnama ngthumkhyahnak üngka naw nami lät vaia khyanga lei käh nami mtai vai. 2Khyang nami mtainak am khyang naw ning jah mtai be lü, khyang nami mcäpnak am khyang naw ning jah mcäp pet be khai. 3Ivaia na mik üng cungbäng veki am hmuhei lü, na püia mik üngka mikbengca na hmuh petki ni? 4Ihawkba na mik üng cungbäng am hmuhei lü, na püi üng “Na mik ek ning lawh pe vang” na tiki ni? 5Hypocrite aw, akcüka na mik üngka cungbäng loei maki lü, acunkäna na püia mik ek na lawh pet vaia angtea na hmuh khai.
6 Ui am angcimcaih käh nami pet vai, nghlat lü ning jah cui khaie. Pale Lunge vawk üng käh nami jah pet vai, ami kainaka thea ning jah nghlatsih u lü ning jah cui khaie ni.
Täa, Suia, Khawka
(Lk 11:9-13)
7 Tä ua nami yah khai; sui ua nami hmuh khai; ksawh khawk ua, ning jah nghmawn pet khai ni. 8Au pi täki naw yahki, suiki naw hmuki, ksawh khawki üng nghmawn pet khai ni. 9Nangmi üng a ca naw muk tä se lung pe khai u veki ni? 10Nami ca naw nga tä se kphyu pe khai u veki ni? 11Nangmi khyang ksee naw pi nami ca üng akdaw pet vai nami ksing üng, nami pa khana ka naw täki üng nangmia kthaka dawki pe khai aw?
12 #
Lk 6:31
Namimäta khana khyang naw a pawh vai nami ngjak hlüa mäiha, namimät naw pi khyanga khana nami pawh vai. Acun cun Mosia thum ja sahma he naw jah mtheh pängki he ni.
Lam Kdik ja Lam Ngkaü
(Lk 13:24)
13 Mkawt kdik üng lut ua, isetiüng ta mulaia cehnak lam cun ngbaü lü ceh pi jäkia kyase khyang khawkäna cehnak lam ni. 14Mkawt kdik cun khak lü, xünnaka lama kya se, cetkia khyang ngcekie.
Thing ja Akthei
(Lk 6:43-44)
15 Pamhnama sahma mäiha nghmüneikie nami jah yeteinak vai, toa vun büng u lü, nami veia law kyawkie, ak'uma mhngea kyaki he. 16Acun he cun ami ngtheipai am nami jah ksing khai. Nghling thing capyita ngthei khawiki aw? Nghling thing üng fik ngthei khawiki aw? 17Acuna mäiha thing kdaw naküt naw kthei kdaw ktheih na lü, thing kse naküt naw kthei ksea ngtheiki. 18Thing kdaw cun ktheih ksea am ngthei, thing kse naw pi ktheih kdaw am kthei na khawi. 19#Mt 3:10; Lk 3:9Aktheih am dawki thing naküt cun khyu u lü, mei üng ami xawtin khawi. 20#Mt 12:33Acunakyase, sahma ksee cun ami kthei am nami jah ksing khai.
Am ning jah Ksing khawi ngü
(Lk 13:25-27)
21 Bawipa, Bawipa ti lü na khüki naküt khankhaw pha khaie am ni, ka pa khana kaa hlüei pawhki va khankhaw pha khai. 22Ngthumkhyahnaka mhnüp üng, “Bawipa, Bawipa, na ngming üng Pamhnam ngthu pyen lü, na ngming üng khawyame jah ksät lü, müncanksee kami jah pawhki am niki aw? ti law khaie. 23#Sal 6:8 Acunüng kei naw, “Nangmi am ning jah ksing khawi nawng, khyang ksee, ka vei üngka naw cit ua” ka ti khai.
Imksa Nghngih
(Lk 6:47-49)
24 Acunakyase, au pi ka pyen ngja lü ka pyena mäiha veki cun lunga khana im saki khyang kthem üng tängki ni. 25Khaw a law lü tui däm law sepi, khawkhi naw buh law lü pi, isüm am kyu. Isetiüng ta lunga khana saka kyase am kyu thei.
26 Cunüngpi ka jah pyene jah ngja lü ka pyena mäiha am veki cun mdiha khana im sakia khyang nghmawng üng tängki ni. 27Khaw ngkyawi law lü, tui kdäm naw ceh khai, khawkhi naw buk law se mdiha khana im cun kyu lü pyüpye theiki ni.
Jesuha Khyaihbahnak
28 #
Mk 1:22; Lk 4:32 Jesuh naw acukba a pyen käna khyangpäe naw a jah mtheimthang cun müncan na lawki he. 29Isetiüng ta, Jesuh cun thum mthei hea mäih am ni, khyaihbahnak takia mäiha a jah mtheimthanga phäha kyaki.
موجودہ انتخاب:
Mahte 7: DNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The New Testament in Dai © The Word for the World International and North East Centre for Training and Research, 2018.
Mahte 7
7
Khyang Ngthumkhyahnak
(Lk 6:37,38,41-48)
1 #
Mk 4:24
Pamhnama ngthumkhyahnak üngka naw nami lät vaia khyanga lei käh nami mtai vai. 2Khyang nami mtainak am khyang naw ning jah mtai be lü, khyang nami mcäpnak am khyang naw ning jah mcäp pet be khai. 3Ivaia na mik üng cungbäng veki am hmuhei lü, na püia mik üngka mikbengca na hmuh petki ni? 4Ihawkba na mik üng cungbäng am hmuhei lü, na püi üng “Na mik ek ning lawh pe vang” na tiki ni? 5Hypocrite aw, akcüka na mik üngka cungbäng loei maki lü, acunkäna na püia mik ek na lawh pet vaia angtea na hmuh khai.
6 Ui am angcimcaih käh nami pet vai, nghlat lü ning jah cui khaie. Pale Lunge vawk üng käh nami jah pet vai, ami kainaka thea ning jah nghlatsih u lü ning jah cui khaie ni.
Täa, Suia, Khawka
(Lk 11:9-13)
7 Tä ua nami yah khai; sui ua nami hmuh khai; ksawh khawk ua, ning jah nghmawn pet khai ni. 8Au pi täki naw yahki, suiki naw hmuki, ksawh khawki üng nghmawn pet khai ni. 9Nangmi üng a ca naw muk tä se lung pe khai u veki ni? 10Nami ca naw nga tä se kphyu pe khai u veki ni? 11Nangmi khyang ksee naw pi nami ca üng akdaw pet vai nami ksing üng, nami pa khana ka naw täki üng nangmia kthaka dawki pe khai aw?
12 #
Lk 6:31
Namimäta khana khyang naw a pawh vai nami ngjak hlüa mäiha, namimät naw pi khyanga khana nami pawh vai. Acun cun Mosia thum ja sahma he naw jah mtheh pängki he ni.
Lam Kdik ja Lam Ngkaü
(Lk 13:24)
13 Mkawt kdik üng lut ua, isetiüng ta mulaia cehnak lam cun ngbaü lü ceh pi jäkia kyase khyang khawkäna cehnak lam ni. 14Mkawt kdik cun khak lü, xünnaka lama kya se, cetkia khyang ngcekie.
Thing ja Akthei
(Lk 6:43-44)
15 Pamhnama sahma mäiha nghmüneikie nami jah yeteinak vai, toa vun büng u lü, nami veia law kyawkie, ak'uma mhngea kyaki he. 16Acun he cun ami ngtheipai am nami jah ksing khai. Nghling thing capyita ngthei khawiki aw? Nghling thing üng fik ngthei khawiki aw? 17Acuna mäiha thing kdaw naküt naw kthei kdaw ktheih na lü, thing kse naküt naw kthei ksea ngtheiki. 18Thing kdaw cun ktheih ksea am ngthei, thing kse naw pi ktheih kdaw am kthei na khawi. 19#Mt 3:10; Lk 3:9Aktheih am dawki thing naküt cun khyu u lü, mei üng ami xawtin khawi. 20#Mt 12:33Acunakyase, sahma ksee cun ami kthei am nami jah ksing khai.
Am ning jah Ksing khawi ngü
(Lk 13:25-27)
21 Bawipa, Bawipa ti lü na khüki naküt khankhaw pha khaie am ni, ka pa khana kaa hlüei pawhki va khankhaw pha khai. 22Ngthumkhyahnaka mhnüp üng, “Bawipa, Bawipa, na ngming üng Pamhnam ngthu pyen lü, na ngming üng khawyame jah ksät lü, müncanksee kami jah pawhki am niki aw? ti law khaie. 23#Sal 6:8 Acunüng kei naw, “Nangmi am ning jah ksing khawi nawng, khyang ksee, ka vei üngka naw cit ua” ka ti khai.
Imksa Nghngih
(Lk 6:47-49)
24 Acunakyase, au pi ka pyen ngja lü ka pyena mäiha veki cun lunga khana im saki khyang kthem üng tängki ni. 25Khaw a law lü tui däm law sepi, khawkhi naw buh law lü pi, isüm am kyu. Isetiüng ta lunga khana saka kyase am kyu thei.
26 Cunüngpi ka jah pyene jah ngja lü ka pyena mäiha am veki cun mdiha khana im sakia khyang nghmawng üng tängki ni. 27Khaw ngkyawi law lü, tui kdäm naw ceh khai, khawkhi naw buk law se mdiha khana im cun kyu lü pyüpye theiki ni.
Jesuha Khyaihbahnak
28 #
Mk 1:22; Lk 4:32 Jesuh naw acukba a pyen käna khyangpäe naw a jah mtheimthang cun müncan na lawki he. 29Isetiüng ta, Jesuh cun thum mthei hea mäih am ni, khyaihbahnak takia mäiha a jah mtheimthanga phäha kyaki.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
The New Testament in Dai © The Word for the World International and North East Centre for Training and Research, 2018.