مزگینیا مەتتای 6
6
هاریكاریا هەژاران
1هشیار بن ئایینداریا خۆ ل پێش چاڤێن خەلكی نەكەن داكو ژ لایێ وان ڤە بهێنە دیتن، چنكو هنگی هەوە ل نك بابێ خۆ یێ ل ئەسمانان پاداشت نابیت. 2لەوما هەر دەمێ تۆ خێرەكێ دكەی، دەنگی ژێ نەئینە#6:2 ئانكو رانەگەهینە. دەق و دەق: ‹ل پێشیا خۆ بۆڕیزانێ لێ نەدە.›، هەروەكو مرۆڤێن دووڕوی ل جادە و كنیشتەیان دكەن، دا ژ لایێ مرۆڤان ڤە بهێنە مەزن كرن. ب راستی دبێژمە هەوە: وان پاداشتێ خۆ وەرگرتییە. 3لێ دەمێ تۆ خێرەكێ دكەی، نەهێلە دەستێ تە یێ چەپێ بزانیت كا دەستێ تە یێ راستێ چ دكەت، 4داكو خێرا تە یا نەپەنی بیت و بابێ تە، ئەوێ نەپەنیان دبینیت، دێ پاداشتێ تە دەتە تە.
نڤێژكرن
(لوقا 11:2-4)
5دەمێ هوین نڤێژێ دكەن، وەكو مرۆڤێن دووڕوی نەبن، ئەوێن حەز دكەن ل كنیشتەیان و دووڕیانێن جادەیان بڕاوەستن و نڤێژان بكەن داكو مرۆڤ وان ببینن. ب راستی دبێژمە هەوە: وان پاداشتێ خۆ وەرگرتییە. 6لێ دەمێ تۆ نڤێژێ دكەی، هەڕە د ژۆرا خۆ ڤە و دەرگەهی بگرە و بۆ بابێ خۆ، ئەوێ نەبەرچاڤ، نڤێژان بكە و بابێ تە، ئەوێ نەپەنیان دبینیت، دێ پاداشتێ تە دەتە تە.
7دەمێ هوین نڤێژان دكەن، وەكو پووتپەرێسان#6:7 پووتپەرێس: صەنەمپەرێس دپڕبێژ نەبن، چنكو یا ژ وان ڤە چەند زێدە بئاخڤن دێ پتر هێنە بهیستن. 8ئەڤجا وەكو وان نەبن، چنكو بابێ هەوە دزانیت كا هەوە چ دڤێت بەری هوین داخوازێ ژێ بكەن. 9ئەڤجا هوین نڤێژان هۆسا بكەن:
بابێ مە یێ ل ئەسمانان،
بلا ناڤێ تە پیرۆز بیت،#6:9 ئانكو بلا ژ لایێ ئافراندیان ڤە رێز ل ناڤێ تە یێ پیرۆز بهێتە گرتن.
10بلا پاشایەتیا تە بهێت،
بلا حەزا تە ب ج‍‌ھ بهێت،
كا چەوا ل ئەسمانی،
هەروەسا ل سەر ئەردی ژی.
11نانی تێرا مە، ئەڤرۆ بدە مە.
12ل قەرێن مە ببورە#6:12 ئانكو ل گونەهێن مە ببورە.، هەروەكو ئەم ل قەردارێن خۆ دبورین.
13مە نەئێخە د تاقیكرنێ دا، لێ مە ژ خرابكاری#6:13 مەبەست پێ ئبلیسە. قورتال بكە، چنكو پاشایەتی و هێز و مەزناهی هەروهەر یێن تەنە.
ئامین.#6:13 د هندەك دەستنڤیسێن كەڤن دا، ئەڤ پارچەیا ئایەتێ نینە: «چنكو پاشایەتی و هێز و مەزناهی هەروهەر یێن تەنە، ئامین».
14ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت، 15لێ ئەگەر هوین ل گونەهێن خەلكی نەبورن، بابێ هەوە ژی ل گونەهێن هەوە نابوریت.
رۆژیگرتن
16دەمێ هوین رۆژیان دگرن، ناڤ چاڤێن خۆ تێك نەدەن، هەروەكو دووڕوی دكەن، چنكو ئەو ناڤ چاڤێن خۆ تێك ددەن دا بۆ خەلكی دیار بكەن كو ئەو ب رۆژینە. ب راستی دبێژمە هەوە: وان پاداشتێ خۆ وەرگرتیە. 17لێ دەمێ تۆ رۆژیێ دگری، دێمێ خۆ بشوو و سەرێ خۆ چەور بكە، 18دا نە بۆ خەلكی، لێ بۆ بابێ تە یێ نەهێتە دیتن، دیار ببیت كو تۆ یێ ب رۆژی. ئەڤجا بابێ تە، ئەوێ نەپەنیان دبینیت، دێ پاداشتێ تە دەتە تە.
گەنجینەیێن ل ئەسمانی
(لوقا 12:33-34)
19گەنجینەیان بۆ خۆ ل سەر ئەردی كۆم نەكەن، ل وی جهێ دێ ژەنگ و خویرك پویچ كەن و دێ دزیكەر كونكەن و دزن. 20لێ گەنجینەیان بۆ خۆ ل ئەسمانی كۆم كەن، ل وی جهێ نە ژەنگ و خویرك پویچ دكەن و نە دزیكەر كون دكەن و ددزن. 21چنكو گەنجینەیا تە ل كیرێ بیت، دلێ تە ژی دێ ل وێرێ بیت!
چرایێ لەشی
(لوقا 11:34-36)
22چرایێ لەشی چاڤە. ئەڤجا ئەگەر چاڤێ تە یێ ساخلەم بیت، لەشێ تە هەمی دێ یێ ب رۆناهی بیت. 23ئەگەر چاڤێ تە یێ خراب بیت، لەشێ تە هەمی دێ یێ تاری بیت. ئەگەر ئەو رۆناهیا د ناڤ تە دا تاریاتی بیت، تاریاتیەكا چەندا دژوارە!
دوو خودان
(لوقا 16:13)
24كەس نەشێت خزمەتا دوو خودانان بكەت، چنكو یان دێ كەرب ژ ئێكی ڤەبن و حەز ژ یێ دی كەت، یان ژی دێ گەهیتە ئێك ژ وان و یێ دی پشت گو‍‌ھ ڤە هاڤێت. هوین نەشێن خزمەتا خودێ و پارەی بكەن.
خودێ چاڤێ خۆ ل مە دكەت
(لوقا 12:22-31)
25ژ بەر ڤی ئەگەری ئەز دبێژمە هەوە: خەما ژیانا خۆ هەلنەگرن كا دێ چ خۆن و چ ڤەخۆن، یان لەشێ خۆ كا دێ چ كەنە بەر خۆ. ما ژیان ب تنێ خوارنە؟ و لەش ژی ب تنێ جل و بەرگە؟ 26بەرێ خۆ بدەنە باڵندەیێن ئەسمانی: ئەو نە دچینن و نە ددروین و نە ژی د عومباران دا كۆم دكەن و بابێ هەوە یێ ئەسمانی خوارنێ ددەتێ. ئەرێ ما هوین گەلەك ژ وان ب بهاتر نینن؟ 27ما كی ژ هەوە ب خەمخوارنێ دشێت دەمژمێرەكا ب تنێ ل سەر ژیێ خۆ زێدە بكەت؟ 28هەروەسا بۆچی ژ بەر جلكان هوین خەمان دخۆن؟ بەرێ خۆ بدەنە سیسنێن ئاقاری چەوا وەرارێ دكەن، نە خۆ دوەستینن و نە رستنێ دكەن، 29لێ ئەز دبێژمە هەوە: خۆ سلێمانی ژی، د هەمی مەزناهیا خۆ دا، وەكو ئێك ژ ڤان جلێن جوان ل بەر خۆ نەكرینە! 30ئەگەر خودێ گول و گیایێ ئاقاری، ئەوێ ئەڤرۆ هەی و سوبەهی دهاڤێژنە د تەنویرێ دا، هۆسا ب جلك بئێخیت، ئەرێ گەلی كێمباوەران، ما نە گەلەك مسۆگەرترە ئەو هەوە ب جلك بئێخیت؟ 31ئەڤجا خەمێ نەخۆن و بێژن: ‹ئەم دێ چ خۆین؟› یان ‹ئەم دێ چ ڤەخۆین؟› یان ‹ئەم دێ چ كەینە بەر خۆ؟›. 32مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی. 33لێ هوین ل پێشیێ بزاڤێ بۆ پاشایەتیا خودێ و راستداریا وی بكەن، ئەڤە هەمی ژی بۆ هەوە دێ هێنە دان. 34ژ بەر ڤێ چەندێ خەما سوبەهی نەخۆن، چنكو سوبەهی دێ خەمێ ژ خۆ خۆت. دەردێن هەر رۆژەكێ تێرا وێ هەنە!
موجودہ انتخاب:
مزگینیا مەتتای 6: BHD
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
All rights reserved.
مزگینیا مەتتای 6
6
هاریكاریا هەژاران
1هشیار بن ئایینداریا خۆ ل پێش چاڤێن خەلكی نەكەن داكو ژ لایێ وان ڤە بهێنە دیتن، چنكو هنگی هەوە ل نك بابێ خۆ یێ ل ئەسمانان پاداشت نابیت. 2لەوما هەر دەمێ تۆ خێرەكێ دكەی، دەنگی ژێ نەئینە#6:2 ئانكو رانەگەهینە. دەق و دەق: ‹ل پێشیا خۆ بۆڕیزانێ لێ نەدە.›، هەروەكو مرۆڤێن دووڕوی ل جادە و كنیشتەیان دكەن، دا ژ لایێ مرۆڤان ڤە بهێنە مەزن كرن. ب راستی دبێژمە هەوە: وان پاداشتێ خۆ وەرگرتییە. 3لێ دەمێ تۆ خێرەكێ دكەی، نەهێلە دەستێ تە یێ چەپێ بزانیت كا دەستێ تە یێ راستێ چ دكەت، 4داكو خێرا تە یا نەپەنی بیت و بابێ تە، ئەوێ نەپەنیان دبینیت، دێ پاداشتێ تە دەتە تە.
نڤێژكرن
(لوقا 11:2-4)
5دەمێ هوین نڤێژێ دكەن، وەكو مرۆڤێن دووڕوی نەبن، ئەوێن حەز دكەن ل كنیشتەیان و دووڕیانێن جادەیان بڕاوەستن و نڤێژان بكەن داكو مرۆڤ وان ببینن. ب راستی دبێژمە هەوە: وان پاداشتێ خۆ وەرگرتییە. 6لێ دەمێ تۆ نڤێژێ دكەی، هەڕە د ژۆرا خۆ ڤە و دەرگەهی بگرە و بۆ بابێ خۆ، ئەوێ نەبەرچاڤ، نڤێژان بكە و بابێ تە، ئەوێ نەپەنیان دبینیت، دێ پاداشتێ تە دەتە تە.
7دەمێ هوین نڤێژان دكەن، وەكو پووتپەرێسان#6:7 پووتپەرێس: صەنەمپەرێس دپڕبێژ نەبن، چنكو یا ژ وان ڤە چەند زێدە بئاخڤن دێ پتر هێنە بهیستن. 8ئەڤجا وەكو وان نەبن، چنكو بابێ هەوە دزانیت كا هەوە چ دڤێت بەری هوین داخوازێ ژێ بكەن. 9ئەڤجا هوین نڤێژان هۆسا بكەن:
بابێ مە یێ ل ئەسمانان،
بلا ناڤێ تە پیرۆز بیت،#6:9 ئانكو بلا ژ لایێ ئافراندیان ڤە رێز ل ناڤێ تە یێ پیرۆز بهێتە گرتن.
10بلا پاشایەتیا تە بهێت،
بلا حەزا تە ب ج‍‌ھ بهێت،
كا چەوا ل ئەسمانی،
هەروەسا ل سەر ئەردی ژی.
11نانی تێرا مە، ئەڤرۆ بدە مە.
12ل قەرێن مە ببورە#6:12 ئانكو ل گونەهێن مە ببورە.، هەروەكو ئەم ل قەردارێن خۆ دبورین.
13مە نەئێخە د تاقیكرنێ دا، لێ مە ژ خرابكاری#6:13 مەبەست پێ ئبلیسە. قورتال بكە، چنكو پاشایەتی و هێز و مەزناهی هەروهەر یێن تەنە.
ئامین.#6:13 د هندەك دەستنڤیسێن كەڤن دا، ئەڤ پارچەیا ئایەتێ نینە: «چنكو پاشایەتی و هێز و مەزناهی هەروهەر یێن تەنە، ئامین».
14ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت، 15لێ ئەگەر هوین ل گونەهێن خەلكی نەبورن، بابێ هەوە ژی ل گونەهێن هەوە نابوریت.
رۆژیگرتن
16دەمێ هوین رۆژیان دگرن، ناڤ چاڤێن خۆ تێك نەدەن، هەروەكو دووڕوی دكەن، چنكو ئەو ناڤ چاڤێن خۆ تێك ددەن دا بۆ خەلكی دیار بكەن كو ئەو ب رۆژینە. ب راستی دبێژمە هەوە: وان پاداشتێ خۆ وەرگرتیە. 17لێ دەمێ تۆ رۆژیێ دگری، دێمێ خۆ بشوو و سەرێ خۆ چەور بكە، 18دا نە بۆ خەلكی، لێ بۆ بابێ تە یێ نەهێتە دیتن، دیار ببیت كو تۆ یێ ب رۆژی. ئەڤجا بابێ تە، ئەوێ نەپەنیان دبینیت، دێ پاداشتێ تە دەتە تە.
گەنجینەیێن ل ئەسمانی
(لوقا 12:33-34)
19گەنجینەیان بۆ خۆ ل سەر ئەردی كۆم نەكەن، ل وی جهێ دێ ژەنگ و خویرك پویچ كەن و دێ دزیكەر كونكەن و دزن. 20لێ گەنجینەیان بۆ خۆ ل ئەسمانی كۆم كەن، ل وی جهێ نە ژەنگ و خویرك پویچ دكەن و نە دزیكەر كون دكەن و ددزن. 21چنكو گەنجینەیا تە ل كیرێ بیت، دلێ تە ژی دێ ل وێرێ بیت!
چرایێ لەشی
(لوقا 11:34-36)
22چرایێ لەشی چاڤە. ئەڤجا ئەگەر چاڤێ تە یێ ساخلەم بیت، لەشێ تە هەمی دێ یێ ب رۆناهی بیت. 23ئەگەر چاڤێ تە یێ خراب بیت، لەشێ تە هەمی دێ یێ تاری بیت. ئەگەر ئەو رۆناهیا د ناڤ تە دا تاریاتی بیت، تاریاتیەكا چەندا دژوارە!
دوو خودان
(لوقا 16:13)
24كەس نەشێت خزمەتا دوو خودانان بكەت، چنكو یان دێ كەرب ژ ئێكی ڤەبن و حەز ژ یێ دی كەت، یان ژی دێ گەهیتە ئێك ژ وان و یێ دی پشت گو‍‌ھ ڤە هاڤێت. هوین نەشێن خزمەتا خودێ و پارەی بكەن.
خودێ چاڤێ خۆ ل مە دكەت
(لوقا 12:22-31)
25ژ بەر ڤی ئەگەری ئەز دبێژمە هەوە: خەما ژیانا خۆ هەلنەگرن كا دێ چ خۆن و چ ڤەخۆن، یان لەشێ خۆ كا دێ چ كەنە بەر خۆ. ما ژیان ب تنێ خوارنە؟ و لەش ژی ب تنێ جل و بەرگە؟ 26بەرێ خۆ بدەنە باڵندەیێن ئەسمانی: ئەو نە دچینن و نە ددروین و نە ژی د عومباران دا كۆم دكەن و بابێ هەوە یێ ئەسمانی خوارنێ ددەتێ. ئەرێ ما هوین گەلەك ژ وان ب بهاتر نینن؟ 27ما كی ژ هەوە ب خەمخوارنێ دشێت دەمژمێرەكا ب تنێ ل سەر ژیێ خۆ زێدە بكەت؟ 28هەروەسا بۆچی ژ بەر جلكان هوین خەمان دخۆن؟ بەرێ خۆ بدەنە سیسنێن ئاقاری چەوا وەرارێ دكەن، نە خۆ دوەستینن و نە رستنێ دكەن، 29لێ ئەز دبێژمە هەوە: خۆ سلێمانی ژی، د هەمی مەزناهیا خۆ دا، وەكو ئێك ژ ڤان جلێن جوان ل بەر خۆ نەكرینە! 30ئەگەر خودێ گول و گیایێ ئاقاری، ئەوێ ئەڤرۆ هەی و سوبەهی دهاڤێژنە د تەنویرێ دا، هۆسا ب جلك بئێخیت، ئەرێ گەلی كێمباوەران، ما نە گەلەك مسۆگەرترە ئەو هەوە ب جلك بئێخیت؟ 31ئەڤجا خەمێ نەخۆن و بێژن: ‹ئەم دێ چ خۆین؟› یان ‹ئەم دێ چ ڤەخۆین؟› یان ‹ئەم دێ چ كەینە بەر خۆ؟›. 32مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی. 33لێ هوین ل پێشیێ بزاڤێ بۆ پاشایەتیا خودێ و راستداریا وی بكەن، ئەڤە هەمی ژی بۆ هەوە دێ هێنە دان. 34ژ بەر ڤێ چەندێ خەما سوبەهی نەخۆن، چنكو سوبەهی دێ خەمێ ژ خۆ خۆت. دەردێن هەر رۆژەكێ تێرا وێ هەنە!
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
All rights reserved.