MARKUS 16
16
Isa geubeudôh nibak lam kubu
(Mat. 28:1-8; Luk. 24:1-12; Yah. 20:1-10)
1Watée uroe Sabat ka seuleusoe, Maryam Magdalena, Maryam mak Yakobus dan Salome geujak bloe meubagoe jeunéh reumpah-reumpah keu geuboh minyéuk ateueh manyét Isa. 2Ban seuboh buta watée mata uroe ka jiteubiet, uroe nyang keuphon aleuhat nyan, awaknyan laju jijak ubak kubu Isa. 3-4Bak teungoh rot ueh awaknyan jimarit sabe keudroe-droe, “Soe kheueh nyang tem tulông tanyoe mangat jeuet batée nyang teutôb pintoe kubu Isa nyan hase teupeusée?” Sabab batée nyan rayeuk lumpah na. Teuma watée awaknyan ka troh keunan laju jingieng batée nyan ka meugule. 5Dan awaknyan pih laju jitamong lam kubu nyan. Lam kubu nyan, blaih uneuen, deuh awaknyan kalon sidroe ureuëng muda nyang geungui bajée jubah putéh teungoh geuduek disinan, dan awaknyan teukeujot lumpah na.
6Ureuëng muda nyan geupeugah lagée nyoe, “Bék teumakot! Ulôn lôn teupeu gatanyoe tajak mita Isa ureuëng Nazaret nyang ka maté teusaleb nyan. Gobnyan hana disinoe. Gobnyan ka geubeudôh! Ngieng kheueh, nyoe teumpat awaknyan peuéh Gobnyan. 7#Mat. 26:32; Mrk. 14:28 Jinoenyoe jak laju, dan peutroh kheueh haba nyoe ubak murit-murit Gobnyan, meunan cit ubak Petrus, peugah lagée nyoe, ‘Gobnyan geujak leubeh awai nibak gata u Galilea. Disideh gata teuma gata ngieng gobnyan, lagée nyang ka lheueh geupeugah ubak gata.’ ”
8Ban jideungoe habanyan awaknyan laju jiteubiet lam kubu nyan dan laju jiplueng sabab teukeujot dan teumakot. Awaknyan hana jipeugah sahoe hai nyan sabab teumakot.
AKHÉ KEUNARANG MARKUS MEUNUROT NASEUKAH NYANG KUNO
Isa geupeuleumah droe ubak Maryam Magdalena
(Mat. 28:9-10; Yah. 20:11-18)
[ 9Óh ka lheueh Isa geubeudôh nibak maté, ban beungoh uroe Aleuhat, phon-phon that geupeuleumah droe geuh ubak Maryam Magdalena. (Nibak Maryam nyan ka lheueh geupeuteubiet lé Isa tujoh boh roh jeuhet.) 10Teuma Maryam Magdalena laju geujak peugah hai nyan ubak murit-murit Isa, nyang teungoh meukabông dan jimoe. 11Teuma watée awaknyan deungoe bahwa Isa ka udeb, dan bahwa Maryam ka lheueh geukalon Gobnyan awaknyan hana peucaya.
Isa geupeuleumah droe ubak dua droe murit Gobnyan
(Luk. 24:13-35)
12Óh lheueh nyan Isa laju geupeuleumah droe ubak dua droe murit Gobnyan deungon cara nyang laén. Nyan teujadi watée ban dua droe ureuëng nyan teungoh jijak bak saboh gampông. 13Teuma awaknyan laju jigisa dan jijak peugah laju ubak rakan-rakan geuh nyang laén. Teuma di rakan-rakan nyang laén nyan teutab hana jipatéh.
Isa geupeuleumah droe ubak murit-murit Gobnyan
(Mat. 28:16-20; Luk. 24:36-49; Yah. 20:19-23; Kis. 1:6-8)
14Akhé jih, Isa geupeuleumah droe ubak ban siblaih droe murit Gobnyan, bak watée awaknyan teungoh jimakheun. Isa geusapa awaknyan sabab awaknyan kureueng iman lom kreueh that ulée sampoe hana jipatéh ubak ureuëng-ureuëng nyang ka lheueh jikalon keudroe bahwa Isa udeb. 15#Kis. 1:8 Dan laju Isa geupeugah ubak awaknyan, “Gata jak kheueh laju bansigom donya dan peusampoe kheueh Haba Gét nibak Allah nyan keu banmandum umat manusia. 16Ureuëng nyang hana peucaya teuma teuhuköm. Teuma ureuëng nyang peucaya dan teupumanö, ureuëng nyan teuma seulamat. 17Sibagoe bukeuti bahwa awaknyan jipeucaya, gata teuma ta use bubena roh jeuhet ateueh nan Ulôn; awaknyan jimeututoe lam basa-basa nyang hana awaknyan teupeu. 18Meunyoe awaknyan jimat uleue atawa ji jieb ié tuba, ateueh awaknyan hana keunong bala. Meunyoe awaknyan jikeubah jaroe ateueh ureuëng-ureuëng sakét, ureuëng nyang sakét nyan teuma puléh.”
Isa teubeuôt lam syeuruga
(Luk. 24:50-53; Kis. 1:9-11)
19 #
Kis. 1:9-11
Óh ka seuleusoe Isa geupeugah haba ngon awaknyan, Gobnyan laju teubeuôt u syeuruga. Disideh gobnyan geumat peurintah meusajan ngon Po teu Allah. 20Teuma le murit-murit Gobnyan laju jijak peusampoe haba seulamat nyang teuka nibak Po teu Allah nyan ho-ho mantong. Dan Tuhan pih geumubuet meusajan-sajan ngon awaknyan dan geubri bukeuti keuhai buet-buet nyang ajaéb bahwa peue-peue nyang awaknyan peusampoe nyan na kheueh beutôi.]
AKHÉ NASEUKAH KUNO NYANG LAÉN#Lam padub-padubboh naseukah dan teujeumahan kuno na cit sinamah dua boh ayat nyoe.
[ 9Ureuëng-ureuëng inong nyan laju jijak ubak Petrus dan rakan-rakan gobnyan, laju jipeugah ngon singkat banmandum nyang ka geupeugah ubak awaknyan lé ureuëng muda nyan. 10Óh ka lheueh nyan, Isa keudroe rot murit-murit gobnyan geujak peusampoe phon di timu sampoe u barat haba nyang suci dan abadi keuhai keuseulamatan nyang keukai.]
موجودہ انتخاب:
MARKUS 16: LAIACE
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Old and New Testament in Today's Aceh Language @ LAI, 1997.
MARKUS 16
16
Isa geubeudôh nibak lam kubu
(Mat. 28:1-8; Luk. 24:1-12; Yah. 20:1-10)
1Watée uroe Sabat ka seuleusoe, Maryam Magdalena, Maryam mak Yakobus dan Salome geujak bloe meubagoe jeunéh reumpah-reumpah keu geuboh minyéuk ateueh manyét Isa. 2Ban seuboh buta watée mata uroe ka jiteubiet, uroe nyang keuphon aleuhat nyan, awaknyan laju jijak ubak kubu Isa. 3-4Bak teungoh rot ueh awaknyan jimarit sabe keudroe-droe, “Soe kheueh nyang tem tulông tanyoe mangat jeuet batée nyang teutôb pintoe kubu Isa nyan hase teupeusée?” Sabab batée nyan rayeuk lumpah na. Teuma watée awaknyan ka troh keunan laju jingieng batée nyan ka meugule. 5Dan awaknyan pih laju jitamong lam kubu nyan. Lam kubu nyan, blaih uneuen, deuh awaknyan kalon sidroe ureuëng muda nyang geungui bajée jubah putéh teungoh geuduek disinan, dan awaknyan teukeujot lumpah na.
6Ureuëng muda nyan geupeugah lagée nyoe, “Bék teumakot! Ulôn lôn teupeu gatanyoe tajak mita Isa ureuëng Nazaret nyang ka maté teusaleb nyan. Gobnyan hana disinoe. Gobnyan ka geubeudôh! Ngieng kheueh, nyoe teumpat awaknyan peuéh Gobnyan. 7#Mat. 26:32; Mrk. 14:28 Jinoenyoe jak laju, dan peutroh kheueh haba nyoe ubak murit-murit Gobnyan, meunan cit ubak Petrus, peugah lagée nyoe, ‘Gobnyan geujak leubeh awai nibak gata u Galilea. Disideh gata teuma gata ngieng gobnyan, lagée nyang ka lheueh geupeugah ubak gata.’ ”
8Ban jideungoe habanyan awaknyan laju jiteubiet lam kubu nyan dan laju jiplueng sabab teukeujot dan teumakot. Awaknyan hana jipeugah sahoe hai nyan sabab teumakot.
AKHÉ KEUNARANG MARKUS MEUNUROT NASEUKAH NYANG KUNO
Isa geupeuleumah droe ubak Maryam Magdalena
(Mat. 28:9-10; Yah. 20:11-18)
[ 9Óh ka lheueh Isa geubeudôh nibak maté, ban beungoh uroe Aleuhat, phon-phon that geupeuleumah droe geuh ubak Maryam Magdalena. (Nibak Maryam nyan ka lheueh geupeuteubiet lé Isa tujoh boh roh jeuhet.) 10Teuma Maryam Magdalena laju geujak peugah hai nyan ubak murit-murit Isa, nyang teungoh meukabông dan jimoe. 11Teuma watée awaknyan deungoe bahwa Isa ka udeb, dan bahwa Maryam ka lheueh geukalon Gobnyan awaknyan hana peucaya.
Isa geupeuleumah droe ubak dua droe murit Gobnyan
(Luk. 24:13-35)
12Óh lheueh nyan Isa laju geupeuleumah droe ubak dua droe murit Gobnyan deungon cara nyang laén. Nyan teujadi watée ban dua droe ureuëng nyan teungoh jijak bak saboh gampông. 13Teuma awaknyan laju jigisa dan jijak peugah laju ubak rakan-rakan geuh nyang laén. Teuma di rakan-rakan nyang laén nyan teutab hana jipatéh.
Isa geupeuleumah droe ubak murit-murit Gobnyan
(Mat. 28:16-20; Luk. 24:36-49; Yah. 20:19-23; Kis. 1:6-8)
14Akhé jih, Isa geupeuleumah droe ubak ban siblaih droe murit Gobnyan, bak watée awaknyan teungoh jimakheun. Isa geusapa awaknyan sabab awaknyan kureueng iman lom kreueh that ulée sampoe hana jipatéh ubak ureuëng-ureuëng nyang ka lheueh jikalon keudroe bahwa Isa udeb. 15#Kis. 1:8 Dan laju Isa geupeugah ubak awaknyan, “Gata jak kheueh laju bansigom donya dan peusampoe kheueh Haba Gét nibak Allah nyan keu banmandum umat manusia. 16Ureuëng nyang hana peucaya teuma teuhuköm. Teuma ureuëng nyang peucaya dan teupumanö, ureuëng nyan teuma seulamat. 17Sibagoe bukeuti bahwa awaknyan jipeucaya, gata teuma ta use bubena roh jeuhet ateueh nan Ulôn; awaknyan jimeututoe lam basa-basa nyang hana awaknyan teupeu. 18Meunyoe awaknyan jimat uleue atawa ji jieb ié tuba, ateueh awaknyan hana keunong bala. Meunyoe awaknyan jikeubah jaroe ateueh ureuëng-ureuëng sakét, ureuëng nyang sakét nyan teuma puléh.”
Isa teubeuôt lam syeuruga
(Luk. 24:50-53; Kis. 1:9-11)
19 #
Kis. 1:9-11
Óh ka seuleusoe Isa geupeugah haba ngon awaknyan, Gobnyan laju teubeuôt u syeuruga. Disideh gobnyan geumat peurintah meusajan ngon Po teu Allah. 20Teuma le murit-murit Gobnyan laju jijak peusampoe haba seulamat nyang teuka nibak Po teu Allah nyan ho-ho mantong. Dan Tuhan pih geumubuet meusajan-sajan ngon awaknyan dan geubri bukeuti keuhai buet-buet nyang ajaéb bahwa peue-peue nyang awaknyan peusampoe nyan na kheueh beutôi.]
AKHÉ NASEUKAH KUNO NYANG LAÉN#Lam padub-padubboh naseukah dan teujeumahan kuno na cit sinamah dua boh ayat nyoe.
[ 9Ureuëng-ureuëng inong nyan laju jijak ubak Petrus dan rakan-rakan gobnyan, laju jipeugah ngon singkat banmandum nyang ka geupeugah ubak awaknyan lé ureuëng muda nyan. 10Óh ka lheueh nyan, Isa keudroe rot murit-murit gobnyan geujak peusampoe phon di timu sampoe u barat haba nyang suci dan abadi keuhai keuseulamatan nyang keukai.]
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Old and New Testament in Today's Aceh Language @ LAI, 1997.