Matias 16
16
Ngowa'a Farisi re ngowa'a Saduki 'aḏi golo'o Yesus 'o 'a'a didina'o heranga
(Mrk. 8:11-13; Luk. 12:54-56)
1Ngowa'a Farisi re ngowa'a Saduki nga muḏuo i'a 'aḏi sapolo ra Yesus, mau 'aḏi disa Unanga 'ai sala. Dadi ananga 'aḏi golo'o Unanga 'o 'a'a didina'o heranga, la ananga ya waro mode-mode'e Unanga 'o sapolo da'u ra Ma Jou'ongu Madutu tala.#Mat. 12:38; Luk. 11:16 2Yesus 'a sangoro, “Na'o wangere sa'i soḏu re diwanga 'i ko-kolili, ngini kanau, ‘Da-daini i'a wangere ma rousu.’ 3Re da-daini i'a ma wangere sa'i ri pilata na'o diwanga 'i ko-kolili re 'i hafu-hafu, ngini ni kanau, ‘Wangere nange-ne 'i besa'a.’ Ngini nga'unu ni ta'ajiri ni oḏi'i didina'o toma diwanga. Momongolo ua 'oru Ma Jou'ongu Madutu 'o 'a'a toma 'orasa nange-ne, ngini ni ta'ajiri na nga'unu ua! 4Ngowa-ngowa'a 'orasa nange-ne ngowa'a ma jira ga'a oḏu'u ngaku Ngoi! Ngini ni golo'o Ngoi to 'a'a didina'o heranga, mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua gena-ge didina'o heranga mangale nabi Yunus. Togumu i'a, Yesus 'o sisoi'i tala ananga gena-ge.”#Mat. 12:39; Luk. 11:29
Ngowa-ngowa'a Farisi re Saduki manga do-doto'o 'i site-tero sa'olo ragi
(Mrk. 8:14-21)
5Wakutu Yesus rai me-mete'e 'aḏi ngadolo da'a talaga kaci moi, 'Ai me-mete'e aro ya waro mangale ananga 'aḏi gasa roti ua. 6Yesus 'o kanau ra ananga, “Ni ma'istiari ino toma ngowa-ngowa'a Farisi re Saduki manga ragi.”#Luk. 12:1
7Wakutu ananga gena-ge 'aḏi 'isene Yesus 'o kanau so'o gena, 'Ai me-mete'e 'aḏi makanau matengo re matengo, “Unanga 'o kanau so'o gena, sababu ngene wo gasa roti ua.”
8Yesus 'a waro 'oru ga'a ananga 'aḏi ma'u kanau matengo re matengo. Dadi Unanga 'o kanau i'a ra ananga, “I'a sa'olo ngini ni ma'u kanau matengo re matengo mangale roti 'i cua?! Ngini ninga ngo-ngaku pa'i ceka'a ua ra Ngoi?! 9Ngini ni sahe nyangu moju! Ngini ni 'elingi bolo ua mangale 'o roti ngai romotoa ga'a Ngoi ta poti-poti di'a ngowa'a nga cala romotoa re ma bai'i pipigu muḏuo ga'a ngini na lomu?!#Mat. 14:17-21 10Re sa'olo ḏi'i, roti ngai tumudingi, di'a ngowa'a nga cala rata re ma bai'i pipigu muḏuo ga'a ngini na lomu?!#Mat. 15:34-38 11I'a sa'olo ngini na sahe nyangu moju Ngoi to kanau ra ngini gena-ge mangale 'o roti ua. Ma'istiari toma ngowa-ngowa'a Farisi re Saduki manga ragi!”
12Togumu i'a, Yesus 'ai me-mete'e ya sahe mangale Yesus soma'a ua ananga 'aḏi ma'istiari toma ragi ga'a sipake toma roti, mada'a ananga 'aḏi ma'istiari toma ngowa-ngowa'a Farisi re Saduki manga do-doto'o.
Petrus 'o ngaku Yesus gena-ge 'O Kristus
(Mrk. 8:27-30; Luk. 9:18-21)
13Yesus 'o tagi toma daeraha co-cori limau Kaisarea Filipi. Toma ngi'i gena-ge Unanga 'o sano Tai me-mete'e, “Ngowa'a 'aḏi kanau, Ngoi Manusia ma Ngowa'a Nau'u, ne 'a guna?”
14'Ai me-mete'e 'aḏi sangoro, “ 'Age mamuni'a 'aḏi kanau Jou 'a Yohanes tukanga baptis, 'age mamuni'a 'aḏi kanau Jou 'a Elia, 'age mamuni'a ḏi'i 'aḏi kanau Jou 'a Yeremia, bolo nabi matengo i'a.”#Mat. 14:1-2; Mrk. 6:14-15; Luk. 9:7-8
15Yesus dadunu 'o sano, “Mada'a na'o mete'e ngini masiretene nena-ne, Ngoi ne 'a guna?”
16Simon Petrus 'a sangoro, “Jou 'O Kristus, Ma Jou'ongu Madutu 'o 'ahu-'ahu, Unanga gena-ge 'Ai Ngowa'a Nau'u.”#Yoh. 6:68-69
17Yesus 'o kanau, “Simon 'a Yona 'ai ngowa'a nau'u, ngana no bara'utungu madutu! Sababu manusia ua 'o siajele gena-ge ra ngana, mada'a 'Ari Ḇaḇa toma soroga. 18Sababu gena-ge, Ngoi nena-ne to siajele ra ngana: Ngana nena-ne tini si'aro'o 'a Petrus: gena-ge ma ngale ‘maḏi’. Dadi ngana ma tero sa'olo maḏi di'a wala ma bangini. Re toma maḏi nena-ne ma re'u, Ngoi to simomi'i 'Ari jama'ata. Re kuasa sengene mai ya singi-ngiranga nga'unu ua. 19Soroga ma pareta#16:19 “Soroga ma Pareta” ma tero Ma Jou'ongu Madutu 'ai Pareta. ma kuci, Ngoi ḏuanga i'a to pula'a ra ngana. Dadi 'oru ga'a ngana toma dungia nena-ne no simaha ua, Ma Jou'ongu Madutu toma soroga mai Ra mete'e ḏi'i. Re 'oru ga'a ngana toma dungia nena-ne na simaha, Ma Jou'ongu Madutu toma soroga mai Ra mete'e ḏi'i.”#Mat. 18:18; Yoh. 20:23
20Togumu i'a, Yesus 'a si'elingi Tai me-mete'e, awa ananga 'aḏi siajele ra guna ḇato mangale Unanga 'O Kristus.
Yesus 'o masiajele mangale Unanga 'ai sangisara re 'Ai se-sengene
(Mrk. 8:31—9:1; Luk. 9:22-27)
21Mulaingi toma 'orasa gena-ge, Yesus 'o kanau sitarangi Tai me-mete'e, Unanga balasu 'o tagi toma limau Yerusalem, re 'O sanga sangisara ma repe toma Yahudi manga bi-biri'i, 'imam-'imam ma sae'e, re guru-guru 'agama. Ngowa'a ḏuanga i'a 'aḏi sisengene Unanga, mada'a toma wangere ma soi ro'ange Unanga dadunu 'o 'ahu moju.
22Ḏua Petrus 'o taba'a Yesus 'ai giama re 'aḏi masai'i i'a, kara 'o ḇangata Yesus re 'o kanau, “Ma Jou, na'o nga'unu Ma Jou'ongu Madutu 'a sikiḏanga. Awa 'i dadi so'o gena ra Ma Jou!”
23Yesus 'o magelelo i'a ra Petrus re 'o kanau, “Tagi i'a da'a, 'Iblisi! Ngana no dola'aku Ngoi. 'Ani fikirana, gena-ge manusia manga fikirana, Ma Jou'ongu Madutu 'ai fikirana ua.”
24Gena ḏua, Yesus 'o kanau Tai me-mete'e, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara#16:24 Enanga ma ngale: pa'i mete'e Ma Jou'ongu Madutu 'ai 'akala ma mau ḇato. re balasu 'o doiti 'ai salib#16:24 Enanga ma ngale: matengo i'a 'o ḏu-ḏuanga ḏua sengene sababu 'o mete'e Yesus. kara 'o mete'e Ngoi tau-taunu.#Mat. 10:38; Luk. 14:27 25Sababu 'a guna ḇato ga'a 'o kadiarata pa'i 'ai 'ahu toma dungia nena-ne ḇato, unanga gena-ge 'o sanga ua 'ahu kasingado-ngadolo i'a. Mada'a 'a guna ḇato mete'e 'ai mau masiretene riwara sababu 'o mau mete'e Ngoi; unanga gena-ge ḏuanga i'a 'o sanga 'ahu kasingado-ngadolo i'a.#Mat. 10:39; Luk. 17:33; Yoh. 12:25 26Sababu ma 'utungu 'i cua na'o ngowa'a matengo 'o sanga 'ori i'a rana mo-moini toma dungia nena-ne ma dara, mada'a 'o sanga ua 'ahu kasingado-ngadolo! Sababu 'ori i'a rana mo-moini toma dungia nena-ne ma dara 'i sipula'a ua 'ahu kasingado-ngadolo i'a!
27Sababu rema kuasa Tari Ḇaḇa ti'ara riwara, Ngoi, Manusia ma Ngowa'a Nau'u mamete'e Rari mala'ekata-mala'ekata ḏuanga i'a 'aḏi sapolo. Toma 'orasa gena-ge, Ngoi to balasa mete'e matengo-matengo manga ga'a.#Mat. 25:31; Nya. 62:12; Rm. 2:6 28Ni ngaku mode-mode'e 'Ari demo-demo nena-ne: Taninga sigolona 'age rema ngowa'a ga'a 'aḏi 'ahu-'ahu moju re 'aḏi oḏi'i Ngoi, Manusia ma Ngowa'a Nau'u to sapolo sa'olo 'Olana.”
موجودہ انتخاب:
Matias 16: SNT
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
2015 © Indonesian Bible Society
Matias 16
16
Ngowa'a Farisi re ngowa'a Saduki 'aḏi golo'o Yesus 'o 'a'a didina'o heranga
(Mrk. 8:11-13; Luk. 12:54-56)
1Ngowa'a Farisi re ngowa'a Saduki nga muḏuo i'a 'aḏi sapolo ra Yesus, mau 'aḏi disa Unanga 'ai sala. Dadi ananga 'aḏi golo'o Unanga 'o 'a'a didina'o heranga, la ananga ya waro mode-mode'e Unanga 'o sapolo da'u ra Ma Jou'ongu Madutu tala.#Mat. 12:38; Luk. 11:16 2Yesus 'a sangoro, “Na'o wangere sa'i soḏu re diwanga 'i ko-kolili, ngini kanau, ‘Da-daini i'a wangere ma rousu.’ 3Re da-daini i'a ma wangere sa'i ri pilata na'o diwanga 'i ko-kolili re 'i hafu-hafu, ngini ni kanau, ‘Wangere nange-ne 'i besa'a.’ Ngini nga'unu ni ta'ajiri ni oḏi'i didina'o toma diwanga. Momongolo ua 'oru Ma Jou'ongu Madutu 'o 'a'a toma 'orasa nange-ne, ngini ni ta'ajiri na nga'unu ua! 4Ngowa-ngowa'a 'orasa nange-ne ngowa'a ma jira ga'a oḏu'u ngaku Ngoi! Ngini ni golo'o Ngoi to 'a'a didina'o heranga, mada'a rimoi i'a mai ua To pula'a ra ngini, pa'i ḏuga-ḏuga ga'a 'age ra ngini ḏua gena-ge didina'o heranga mangale nabi Yunus. Togumu i'a, Yesus 'o sisoi'i tala ananga gena-ge.”#Mat. 12:39; Luk. 11:29
Ngowa-ngowa'a Farisi re Saduki manga do-doto'o 'i site-tero sa'olo ragi
(Mrk. 8:14-21)
5Wakutu Yesus rai me-mete'e 'aḏi ngadolo da'a talaga kaci moi, 'Ai me-mete'e aro ya waro mangale ananga 'aḏi gasa roti ua. 6Yesus 'o kanau ra ananga, “Ni ma'istiari ino toma ngowa-ngowa'a Farisi re Saduki manga ragi.”#Luk. 12:1
7Wakutu ananga gena-ge 'aḏi 'isene Yesus 'o kanau so'o gena, 'Ai me-mete'e 'aḏi makanau matengo re matengo, “Unanga 'o kanau so'o gena, sababu ngene wo gasa roti ua.”
8Yesus 'a waro 'oru ga'a ananga 'aḏi ma'u kanau matengo re matengo. Dadi Unanga 'o kanau i'a ra ananga, “I'a sa'olo ngini ni ma'u kanau matengo re matengo mangale roti 'i cua?! Ngini ninga ngo-ngaku pa'i ceka'a ua ra Ngoi?! 9Ngini ni sahe nyangu moju! Ngini ni 'elingi bolo ua mangale 'o roti ngai romotoa ga'a Ngoi ta poti-poti di'a ngowa'a nga cala romotoa re ma bai'i pipigu muḏuo ga'a ngini na lomu?!#Mat. 14:17-21 10Re sa'olo ḏi'i, roti ngai tumudingi, di'a ngowa'a nga cala rata re ma bai'i pipigu muḏuo ga'a ngini na lomu?!#Mat. 15:34-38 11I'a sa'olo ngini na sahe nyangu moju Ngoi to kanau ra ngini gena-ge mangale 'o roti ua. Ma'istiari toma ngowa-ngowa'a Farisi re Saduki manga ragi!”
12Togumu i'a, Yesus 'ai me-mete'e ya sahe mangale Yesus soma'a ua ananga 'aḏi ma'istiari toma ragi ga'a sipake toma roti, mada'a ananga 'aḏi ma'istiari toma ngowa-ngowa'a Farisi re Saduki manga do-doto'o.
Petrus 'o ngaku Yesus gena-ge 'O Kristus
(Mrk. 8:27-30; Luk. 9:18-21)
13Yesus 'o tagi toma daeraha co-cori limau Kaisarea Filipi. Toma ngi'i gena-ge Unanga 'o sano Tai me-mete'e, “Ngowa'a 'aḏi kanau, Ngoi Manusia ma Ngowa'a Nau'u, ne 'a guna?”
14'Ai me-mete'e 'aḏi sangoro, “ 'Age mamuni'a 'aḏi kanau Jou 'a Yohanes tukanga baptis, 'age mamuni'a 'aḏi kanau Jou 'a Elia, 'age mamuni'a ḏi'i 'aḏi kanau Jou 'a Yeremia, bolo nabi matengo i'a.”#Mat. 14:1-2; Mrk. 6:14-15; Luk. 9:7-8
15Yesus dadunu 'o sano, “Mada'a na'o mete'e ngini masiretene nena-ne, Ngoi ne 'a guna?”
16Simon Petrus 'a sangoro, “Jou 'O Kristus, Ma Jou'ongu Madutu 'o 'ahu-'ahu, Unanga gena-ge 'Ai Ngowa'a Nau'u.”#Yoh. 6:68-69
17Yesus 'o kanau, “Simon 'a Yona 'ai ngowa'a nau'u, ngana no bara'utungu madutu! Sababu manusia ua 'o siajele gena-ge ra ngana, mada'a 'Ari Ḇaḇa toma soroga. 18Sababu gena-ge, Ngoi nena-ne to siajele ra ngana: Ngana nena-ne tini si'aro'o 'a Petrus: gena-ge ma ngale ‘maḏi’. Dadi ngana ma tero sa'olo maḏi di'a wala ma bangini. Re toma maḏi nena-ne ma re'u, Ngoi to simomi'i 'Ari jama'ata. Re kuasa sengene mai ya singi-ngiranga nga'unu ua. 19Soroga ma pareta#16:19 “Soroga ma Pareta” ma tero Ma Jou'ongu Madutu 'ai Pareta. ma kuci, Ngoi ḏuanga i'a to pula'a ra ngana. Dadi 'oru ga'a ngana toma dungia nena-ne no simaha ua, Ma Jou'ongu Madutu toma soroga mai Ra mete'e ḏi'i. Re 'oru ga'a ngana toma dungia nena-ne na simaha, Ma Jou'ongu Madutu toma soroga mai Ra mete'e ḏi'i.”#Mat. 18:18; Yoh. 20:23
20Togumu i'a, Yesus 'a si'elingi Tai me-mete'e, awa ananga 'aḏi siajele ra guna ḇato mangale Unanga 'O Kristus.
Yesus 'o masiajele mangale Unanga 'ai sangisara re 'Ai se-sengene
(Mrk. 8:31—9:1; Luk. 9:22-27)
21Mulaingi toma 'orasa gena-ge, Yesus 'o kanau sitarangi Tai me-mete'e, Unanga balasu 'o tagi toma limau Yerusalem, re 'O sanga sangisara ma repe toma Yahudi manga bi-biri'i, 'imam-'imam ma sae'e, re guru-guru 'agama. Ngowa'a ḏuanga i'a 'aḏi sisengene Unanga, mada'a toma wangere ma soi ro'ange Unanga dadunu 'o 'ahu moju.
22Ḏua Petrus 'o taba'a Yesus 'ai giama re 'aḏi masai'i i'a, kara 'o ḇangata Yesus re 'o kanau, “Ma Jou, na'o nga'unu Ma Jou'ongu Madutu 'a sikiḏanga. Awa 'i dadi so'o gena ra Ma Jou!”
23Yesus 'o magelelo i'a ra Petrus re 'o kanau, “Tagi i'a da'a, 'Iblisi! Ngana no dola'aku Ngoi. 'Ani fikirana, gena-ge manusia manga fikirana, Ma Jou'ongu Madutu 'ai fikirana ua.”
24Gena ḏua, Yesus 'o kanau Tai me-mete'e, “ 'A guna ḇato mau 'o mete'e Ngoi, balasu 'a mete'e 'ai mau masiretene riwara#16:24 Enanga ma ngale: pa'i mete'e Ma Jou'ongu Madutu 'ai 'akala ma mau ḇato. re balasu 'o doiti 'ai salib#16:24 Enanga ma ngale: matengo i'a 'o ḏu-ḏuanga ḏua sengene sababu 'o mete'e Yesus. kara 'o mete'e Ngoi tau-taunu.#Mat. 10:38; Luk. 14:27 25Sababu 'a guna ḇato ga'a 'o kadiarata pa'i 'ai 'ahu toma dungia nena-ne ḇato, unanga gena-ge 'o sanga ua 'ahu kasingado-ngadolo i'a. Mada'a 'a guna ḇato mete'e 'ai mau masiretene riwara sababu 'o mau mete'e Ngoi; unanga gena-ge ḏuanga i'a 'o sanga 'ahu kasingado-ngadolo i'a.#Mat. 10:39; Luk. 17:33; Yoh. 12:25 26Sababu ma 'utungu 'i cua na'o ngowa'a matengo 'o sanga 'ori i'a rana mo-moini toma dungia nena-ne ma dara, mada'a 'o sanga ua 'ahu kasingado-ngadolo! Sababu 'ori i'a rana mo-moini toma dungia nena-ne ma dara 'i sipula'a ua 'ahu kasingado-ngadolo i'a!
27Sababu rema kuasa Tari Ḇaḇa ti'ara riwara, Ngoi, Manusia ma Ngowa'a Nau'u mamete'e Rari mala'ekata-mala'ekata ḏuanga i'a 'aḏi sapolo. Toma 'orasa gena-ge, Ngoi to balasa mete'e matengo-matengo manga ga'a.#Mat. 25:31; Nya. 62:12; Rm. 2:6 28Ni ngaku mode-mode'e 'Ari demo-demo nena-ne: Taninga sigolona 'age rema ngowa'a ga'a 'aḏi 'ahu-'ahu moju re 'aḏi oḏi'i Ngoi, Manusia ma Ngowa'a Nau'u to sapolo sa'olo 'Olana.”
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
2015 © Indonesian Bible Society